సాక్షి, హైదరాబాద్: సబ్ జూనియర్ జాతీయ బ్యాడ్మింటన్ చాంపియన్‌షిప్‌లో కేయూర జోడీ ఫైనల్‌కు చేరుకుంది. విజయవాడలోని డీఆర్‌ఎంసీ ఇండోర్ స్టేడియంలో ఆదివారం జరిగిన అండర్-15 బాలికల డబుల్స్ సెమీఫైనల్లో కేయూర మోపాటి (తెలంగాణ)-కవిప్రియ (పంజాబ్) జోడీ 21-16, 21-9తో భార్గవి -కైవల్య లక్ష్మి (తెలంగాణ) జంటపై నెగ్గి తుదిపోరుకు అర్హత సాధించింది. అంతకుముందు జరిగిన క్వార్టర్స్ మ్యాచ్‌ల్లో భార్గవి -కైవల్య లక్ష్మి జోడీ 21-19, 21-16తో తన్య హేమంత్-కీర్తన (కర్ణాటక) జంటపై, కేయూర-కవిప్రియ జోడీ 21-18, 21-19తో అదితి-స్నేహ (ఉత్తరాఖండ్) జంటపై నెగ్గాయి.
  
 మరోవైపు బాలికల సింగిల్స్‌లో కేయూర పోరాటం క్వార్టర్స్‌లోనే ముగిసింది. కవిప్రియ (పంజాబ్)తో జరిగిన క్వార్టర్స్ పోరులో 17-21, 21-19, 21-11తో కేయూర (తెలంగాణ) ఓడిపోయింది.
 
  అండర్-13 కేటగిరీలో ఆదివారం జరిగిన బాలుర క్వార్టర్స్‌లో ఉనీత్ కృష్ణ (తెలంగాణ) 21-19, 18-21, 21-15తో ప్రణవ్ శర్మ (ఉత్తరాఖండ్)పై, ప్రణవ్ రావు (తెలంగాణ) 21-13, 21-7తో తన్మయ్ బికాశ్ (అస్సాం)పై గెలిచి సెమీస్‌కు చేరుకున్నారు. బాలికల విభాగంలో మేఘన (తెలంగాణ) 21-15, 21-18తో అవంతిక పాండే (ఉత్తరాఖండ్)పై నెగ్గింది. బాలుర డబుల్స్ క్వార్టర్స్‌లో ప్రణవ్ రావు- సారుు విష్ణు పుల్లెల (తెలంగాణ) జంట 21-12, 21-9తో ధర్మాంగన మండపాటి (తెలంగాణ)- రుషేంద్ర (ఏపీ) జోడీపై, వంశీకృష్ణ (ఏపీ)- ఉనీత్ కృష్ణ (తెలంగాణ) జంట 21-10, 21-12తో శంకరన్-రిషి (పంజాబ్) జోడీపై గెలిచాయి. బాలికల డబుల్స్‌లో మేఘన (తెలంగాణ)-తస్నీమ్ మీర్ (గుజరాత్) జంట 21-11, 19-21, 21-14తో నిఖిత-అదితి (మహారాష్ట్ర) జోడీపై నెగ్గి సెమీస్‌కు చేరింది.    
  


 సాక్షి, హైదరాబాద్: ఆలిండియా ర్యాంకింగ్ జూనియర్ బ్యాడ్మింటన్ టోర్నమెంట్‌లో తెలంగాణ అమ్మాయిలు మూడో రౌండ్‌లోకి ప్రవేశించారు. తిరుపతిలోని శ్రీ శ్రీనివాస స్పోర్ట్స్ కాంప్లెక్స్‌లో సోమవారం జరిగిన అండర్ -19 బాలికల రెండో రౌండ్  మ్యాచ్‌ల్లో కేయూర (తెలంగాణ) 17-15, 15-12తో నజుక్ వాలియా (పంజాబ్)పై గెలుపొందగా... మరో మ్యాచ్‌లో వంశిక (తెలంగాణ) 15-5, 15-8తో ఆద్య వారియత్ (కేరళ)పై విజయం సాధించింది. మరోవైపు బాలుర మూడోరౌండ్ మ్యాచ్‌ల్లో యశ్వంత్ రామ్ (తెలంగాణ) 10-15, 16-14, 16-14తో శ్రేయాస్ (తమిళనాడు)పై గెలుపొందాడు.
 
  ఇతర మ్యాచ్‌ల వివరాలు
 
  అండర్-19 బాలికల సింగిల్స్ రెండో రౌండ్ ఫలితాలు: వర్షిత (ఆంధ్రప్రదేశ్) 15-10, 15-13తో పలక్  (మధ్యప్రదేశ్)పై, ప్రీతి (తెలంగాణ) 17-15, 15-12తో బాలాశ్రీ (తమిళనాడు)పై విజయం సాధించారు.
 
  బాలుర సింగిల్స్ మూడో రౌండ్ ఫలితాలు: ముకేశ్ (ఆంధ్రప్రదేశ్) 15-11, 15-10తో ప్రశాంత్ శర్మ (గుజరాత్)పై, అచ్యుతాదిత్య రావు (తెలంగాణ) 15-5, 9-15, 15-7తో విజయ్ కార్తీక్ (తమిళనాడు)పై, రోహిత్ రెడ్డి (ఆంధ్ర  ప్రదేశ్ ) 15-13, 11-15, 16-14తో పృథ్వీ కపూర్ (తెలంగాణ)పై, సాయికిరణ్ (ఆంధ్రప్రదేశ్) 15-4, 15-8తో దివ్యాంశ్ (మధ్యప్రదేశ్)పై, ఆదిత్య గుప్తా (తెలంగాణ) 15-10, 15-12తో పార్థిక్ (మహారాష్ట్ర)పై గెలుపొందారు.
 
  అండర్-17 బాలుర సింగిల్స్ రెండో రౌండ్ ఫలితాలు: అచ్యుతాదిత్య రావు (తెలంగాణ) 15-12, 15-8తో చేతన్ శర్మ (ఉత్తరప్రదేశ్)పై, శ్రీకర్ (ఆంధ్రప్రదేశ్) 15-9, 15-7తో వంశీకృష్ణ (తెలంగాణ)పై, సాయి పృథ్వీ (తెలంగాణ) 15-6, 10-15, 15-5తో విజయ్ కార్తీక్ (తమిళనాడు)పై, ఆదిత్య గుప్తా (తెలంగాణ) 15-9, 15-13తో అఫ్రోజ్ (తమిళనాడు)పై, మిహ తేజ (తెలంగాణ) 15-6, 15-7తో సోమనాథ్ (తమిళనాడు)పై నెగ్గారు.
 
  బాలికల సింగిల్స్ రెండోరౌండ్ ఫలితాలు: చక్రయుక్త (తెలంగాణ) 14-16, 15-8, 19-17తో శ్రుతిపై, భార్గవి (తెలంగాణ) 15-6, 15-9తో సాయి శ్రీయ (ఏపీ)పై గెలిచారు.


 సాక్షి, హైదరాబాద్: ఆలిండియా ర్యాంకింగ్ జూనియర్ బ్యాడ్మింటన్ టోర్నమెంట్‌లో తెలుగు రాష్ట్రాల క్రీడాకారులు శుభారంభం చేశారు. తిరుపతిలోని శ్రీ శ్రీనివాస స్పోర్ట్స్ కాంప్లెక్స్‌లో ఆదివారం జరిగిన అండర్-17 బాలుర తొలిరౌండ్ మ్యాచ్‌ల్లో అచ్యుతాదిత్య రావు (తెలంగాణ) 15-8, 15-17, 18-16తో విఘ్నేశ్ (తమిళనాడు)పై గెలుపొందగా... చంద్రాజ్ పట్నాయక్ (ఆంధ్రప్రదేశ్)15-2, 15-9తో అశ్విన్ (తమిళనాడు)పై విజయం సాధించి రెండో రౌండ్‌లోకి ప్రవేశించారు. బాలికల తొలిరౌండ్ మ్యాచ్‌ల్లో వర్షిత (ఆంధ్రప్రదేశ్) 15-10, 15-12తో ఐశ్వర్య (తమిళనాడు)పై, కేయూర (తెలంగాణ) 15-3, 15-7తో అక్షయ (తమిళనాడు)పై గెలుపొందారు.
 
  ఇతర మ్యాచ్‌ల వివరాలు
  అండర్-17 బాలుర సింగిల్స్ ఫలితాలు
 
  శ్రీకర్ (ఆంధ్రప్రదేశ్) 15-8, 10-15, 15-6తో జె. రాహుల్‌రాయ్ (తమిళనాడు)పై, ఆదిత్య గుప్తా (తెలంగాణ) 15-8, 15-6తో అబ్దుల్ రహమాన్ సయ్యద్ (ఆంధ్రప్రదేశ్)పై, మాలిక్ అబ్దుల్ (తెలంగాణ) 21-10, 15-10తో రోహిత్ రెడ్డి(ఆంధ్రప్రదేశ్)పై, రితిన్ (తెలంగాణ) 15-11, 15-12తో హార్దిక్ (రాజస్తాన్)పై, సంజయ్ కుమార్ (తెలంగాణ) 15-8, 15-8తో అనూప్ (ఉత్తరప్రదేశ్)పై, గిరీశ్ నాయుడు (ఆంధ్రప్రదేశ్) 15-12, 15-13తో సూర్యప్రసాద్‌పై, పృథ్వీ కపూర్ (తెలంగాణ) 15-4, 15-9తో బృహత్ (తమిళనాడు)పై, అనికేత్‌రెడ్డి (తెలంగాణ) 15-5, 15-6తో హరికృష్ణన్ (తమిళనాడు)పై విజయం సాధించారు.
 
  బాలికల సింగిల్స్ ఫలితాలు:లహరిక (ఆంధ్రప్రదేశ్) 15-13, 15-13తో శిల్పి (మహారాష్ట్ర)పై, ఇషిత రాజు 15-9, 15-10తో శ్రుతి జోషి (గుజరాత్)పై, కైవల్య లక్ష్మి (తెలంగాణ) 15-10, 15-8తో అభిలాష (ఆంధ్రప్రదేశ్)పై గెలుపొందారు.
 
  అండర్-19 బాలుర సింగిల్స్ ఫలితాలు
 
  ముకేశ్ (ఆంధ్రప్రదేశ్) 15-12, 19-17తో అర్పన్ (రాజస్తాన్)పై, అచ్యుతాదిత్య (తెలంగాణ) 16-14, 18-16తో హిమాన్షుపై, నర్సింహ (ఆంధ్రప్రదేశ్) 5-15, 15-12, 19-17తో అనీశ్ చంద్ర (తెలంగాణ)పై, శైలేశ్ కుమార్ (ఆంధ్రప్రదేశ్) 15-13, 15-12తో ప్రద్యోత రావు (తమిళనాడు)పై పైచేయి సాధించారు.
 
  బాలికల సింగిల్స్ ఫలితాలు
 
  వర్షిత (ఆంధ్రప్రదేశ్) 15-12, 15-9తో శ్రుతి (మహారాష్ట్ర)పై, దీపిక సుంకర (ఆంధ్రప్రదేశ్) 15-6, 15-10తో మేఘనపై నెగ్గారు.
  
 
  


 ► రాష్ట్రస్థాయి జూనియర్ బ్యాడ్మింటన్ చాంపియన్‌షిప్
 సాక్షి, హైదరాబాద్: తెలంగాణ రాష్ట్ర జూనియర్ బ్యాడ్మింటన్ చాంపియన్‌షిప్‌లో హైదరాబాద్ అమ్మాయిలు కేయూర, మేఘన అండర్-17, అండర్- 19 విభాగాల్లో రాణించారు. గురువారం జరిగిన అండర్-19 బాలికల సింగిల్స్ రెండో రౌండ్‌లో కేయూర 15-18, 15-17, 15-12తో అభిలాషపై, మేఘన 15-13, 15-12తో దివ్యపై విజయం సాధించారు. మరో మ్యాచ్‌లో మమత 11-15, 15-12, 15-10తో వన్షికపై గెలుపొందింది. బాలుర సింగిల్స్ తొలిరౌండ్‌లో లోహిత్ 15- 10, 15-6తో రిషికేశ్‌పై, అనురాగ్ దాస్ 15-12, 15-6తో ప్రణీత్ రెడ్డిపై, తరుణ్ రెడ్డి 15-5, 15-10తో శ్రేయ్ సింగ్‌పై నెగ్గారు.
 
 అండర్-17 బాలికల తొలిరౌండ్ మ్యాచ్‌ల్లో కేయూర 17-15, 15-9తో సుప్రియపై, దివ్య 15-7, 15-9తో రూహిపై, మేఘన 15-6, 15-11తో కావ్యపై, వన్షిక 15-10, 15-9తో ఇషితపై విజయం సాధించారు. బాలుర రెండోరౌండ్ మ్యాచ్‌ల్లో మహితేజ 15-8, 15-12తో తరుణ్ కుమార్‌పై, సుదీశ్ వెంకట్ 15-5, 15-5తో మణిశర్మపై, ప్రేమ్ 8-15, 15-9, 15-10తో ఆదిత్య గుప్తాపై, విఘ్నేశ్ 15-9, 15-10తో ఉదయ్‌పై, ప్రణీత్ 15-13, 15-12తో ప్రమోద్‌పై, సూర్యకిరణ్ 15-10, 15-13తో సాయి పృథ్వీపై, యశ్వంత్ రామ్ 13-15, 15-9తో అనురాగ్ దాస్‌పై, సాకేత్ 10-15, 15-8,15-7తో వినయ్‌పై, తరుణ్ రెడ్డి 15-11, 15-9తో రోహిత్ రెడ్డిపై, శశాంక్ 15-13, 15-12తో శ్రీకర్‌పై, ధనిక్ 15-9, 15-13తో గణేశ్ సాయిపై, భవ ధీర్ 15-10, 15-13తో అబ్దుల్ రహీమ్‌పై గెలుపొందారు.