సుప్రీం హీరో సాయి ధరమ్‌ తేజ్‌ హీరోగా తెరకెక్కుతున్న తాజా చిత్రం చిత్రలహరి. తాజాగా ఈ చిత్ర టీజర్‌ను రిలీజ్‌ చేశారు చిత్రయూనిట్‌. కామెడీ ఎంటర్‌టైనర్‌గా తెరకెక్కుతున్న ఈ సినిమా టీజర్‌ను ఆసక్తికరంగా రూపొందించారు చిత్రయూనిట్. సినిమాలోని ప్రధాన పాత్రల స్వభావాలను టీజర్‌లోనే చెప్పేశారు. ఆపాత్ర మధ్య జరిగే సరదా సంఘటనలే ఈ సినిమా కథ అంటూ హింట్‌ ఇచ్చేశారు. నేను శైలజ ఫేం కిశోర్ తిరుమల దర్శకత్వంలో తెరకెక్కుతున్న ఈ సినిమాలో కల్యాణీ ప్రియదర్శన్‌, నివేథ పేతురాజ్‌లు హీరోయిన్లుగా నటిస్తున్నారు. సునీల్ మరో కీలక పాత్రలో అలరించనున్నాడు. ఇప్పటికే మేజర్‌ పార్ట్‌ షూటింగ్ పూర్తి చేసుకున్న ఈ సినిమా ఏప్రిల్‌ 12న ప్రేక్షకుల ముందుకు రానుంది. మైత్రీ మూవీ మేకర్స్‌ బ్యానర్‌పై తెరకెక్కుతున్న ఈ సినిమాకు దేవీ శ్రీ ప్రసాద్‌ సంగీతమందిస్తున్నారు.

కమెడియన్‌గా మంచి ఫాంలో ఉండగానే హీరోగా టర్న్‌ తీసుకున్న సునీల్‌ ఆశించిన స్థాయిలో రాణించలేకపోయాడు. హీరోగా చేసిన సినిమాలన్నీ వరుగా బోల్తా పడటంతో తిరిగి కామెడీ రోల్స్‌పై దృష్టిపెట్టాడు సునీల్. ప్రస్తుతం అల్లరి నరేష్ తో కలిసి సిల్లీఫెలోస్‌ సినిమాలో నటిస్తున్న సునీల్‌, మరికొన్ని సినిమాలో క్యారెక్టర్‌ రోల్స్‌లో నటించేందుకు అంగీకరించాడు. తాజాగా ఈ కామెడీ స్టార్‌ మరో ఇంట్రస్టింగ్ ప్రాజెక్ట్‌కు ఓకె చెప్పినట్టుగా తెలుస్తోంది. నేను శైలజ ఫైం కిశోర్‌ తిరుమల దర్శకత్వంలో తెరకెక్కనున్న ‘చిత్రలహరి బార్‌ అండ్‌ రెస్టారెంట్‌’ సినిమాతో సునీల్ కీలక పాత్రలో నటించనున్నాడు. సాయి ధరమ్‌ తేజ్‌ హీరోగా నటిస్తున్న ఈ సినిమాలో కల్యాణి ప్రియదర్శన్‌, రితికా సింగ్‌లు హీరోయిన్లుగా  నటిస్తున్నారు.


 నేను శైలజ, హైపర్ సినిమాలతో వరుస సక్సెస్లు అందుకున్న యంగ్ హీరో రామ్, తన నెక్ట్స్ సినిమా విషయంలో కూడా రిస్క్ చేయకూడదనే ఆలోచనలో ఉన్నాడు. అందుకే అనీల్ రావిపూడి చెప్పిన గుడ్డివాడి పాత్రకు నో చెప్పిన రామ్.., లవ్, రొమాంటిక్ ఎంటర్టైనర్స్ చేసేందుకు ఇంట్రస్ట్ చూపిస్తున్నాడు. అది కూడా సక్సెస్ ట్రాక్లో ఉన్న టీంతోనే కలిసి పనిచేసే ఆలోచనలో ఉన్నాడు.
 
 అందుకే గతంలో ఎనౌన్స్ చేసిన కరుణాకరణ్ సినిమాను కూడా కాదని ముందుగా కిశోర్ తిరుమల దర్శకత్వంలో సినిమా చేసే ఆలోచనలో ఉన్నాడు. నేను శైలజ సినిమాతో రామ్ కెరీర్ను మలుపు తిప్పిన కిశోర్ తిరుమల, ఆ తరువాత వెంకటేష్ హీరోగా ఆడాళ్లు మీకు జోహార్లు సినిమా చేయాల్సి ఉంది.. అయితే ఈ సినిమా ఆలస్యమవుతుండటంతో ఈ గ్యాప్లో రామ్తో సినిమాను పూర్తి చేసే ప్లాన్లో ఉన్నాడు కిశోర్.