లండన్: ఇంగ్లండ్ జట్టు కొత్త కోచ్‌గా ట్రెవర్ బేలిస్ ఎంపికయ్యారు. ఐపీఎల్‌లో కోల్‌కతా నైట్‌రైడర్స్‌కు కోచ్‌గా వ్యవహరిస్తున్న ఆయన వచ్చే నెలలో బాధ్యతలు తీసుకుంటారు. జూలైలో ఆస్ట్రేలియాతో జరిగే యాషెస్ సిరీస్ నుంచి బేలిస్ పని ప్రారంభిస్తారు. ఈ పదవికి మాజీ పేసర్ జేసన్ గిలెస్పీ పోటీ పడినా ఇంగ్లండ్ క్రికెట్ బోర్డు మాత్రం 52 ఏళ్ల బేలిస్ వైపు మొగ్గు చూపింది. ఆసీస్‌కు చెందిన తను ప్రస్తుతం న్యూసౌత్ వేల్స్‌కు, బిగ్ బాష్‌లో సిడ్నీ సిక్సర్స్‌కు కోచ్‌గా వ్యవహరిస్తున్నారు.