‘పీఎస్‌వీ గరుడవేగతో హిట్‌ ట్రాక్‌ ఎక్కిన రాజశేఖర్‌ ప్రస్తుతం ఓ ఎమోషనల్‌ థ్రిల్లర్‌ మూవీ చేయబోతున్నారు. క్రియేటివ్‌ ఎంటర్‌టైనర్స్‌ అండ్‌ డిస్ట్రిబ్యూటర్స్‌ అధినేత డా. జి. ధనుంజయన్‌ నిర్మించనున్నారు. ఉత్తమ విమర్శకుడిగా, ఉత్తమ పుస్తక రచయితగా రెండు జాతీయ అవార్డులు సొంతం చేసుకున్న ధనుంజయన్‌ సమంత నటించిన ‘యుటర్న్‌’ సినిమాతో పాటు విజయ్‌ ఆంటోని ‘కొలైకారన్‌’ వంటి చిత్రాలను తమిళంలో విడుదల చేశారు. ఇంకా ‘మిస్టర్‌ చంద్రమౌళి’, జ్యోతిక, లక్ష్మీ మంచుల ‘కాట్రిన్‌ మొళి’ చిత్రాలను నిర్మించారు. ప్రస్తుతం విజయ్‌ ఆంటోనితో రెండు చిత్రాలు నిర్మిస్తున్నారు ధనుంజయన్‌. తెలుగు హిట్‌ ‘క్షణం’ను ‘సత్య’గా తమిళంలో రీమేక్‌ చేయడంతో పాటు ‘బేతాళుడు’ చిత్రాన్ని తెరకెక్కించిన ప్రదీప్‌ కృష్ణమూర్తి ఈ చిత్రానికి దర్శకత్వం వహించనున్నారు. ‘‘త్వరలో షూటింగ్‌ ఆరంభిస్తాం. సింగిల్‌ షెడ్యూల్‌లో పూర్తి చేసి, వచ్చే ఏడాది మార్చిలో సినిమాను విడుదల చేయాలనుకుంటున్నాం. సింగిల్‌ సిట్టింగ్‌లో కథను ఓకే చేసిన రాజశేఖర్‌కు కృతజ్ఞతలు’’ అని ధనుంజయన్‌ అన్నారు. సత్యరాజ్, నాజర్, బ్రహ్మానందం తదితరులు నటించనున్న ఈ చిత్రానికి ఎగ్జిక్యూటివ్‌ నిర్మాత: యస్‌.పి. శివప్రసాద్, సంగీతం: సైమన్‌.కె. కింగ్‌.


 హైదరాబాద్‌: టాలీవుడ్‌ లెజెండరీ సంగీత దర్శకుడు ఘంటసాల మనవరాలు, డబ్బింగ్‌ ఆర్టిస్ట్‌ వీణా ఘంటసాల నిశ్చితార్థం చేసేసుకుంది. క్షణం చిత్ర దర్శకుడు రవికాంత్‌ పెరెపుతో కాబోయే వరుడు కావటం విశేషం. ఆగష్టు 12న చెన్నైలో కొంత మంది కుటుంబ సభ్యుల సమక్షంలోనే ఈ కార్యక్రమం జరిగినట్లు సమాచారం.
  
 ఘంటసాల తనయుడు, సీనియర్‌ డబ్బింగ్‌ ఆర్టిస్ట్‌ కమ్‌ నటుడు అయిన ఘంటసాల రత్నకుమార్‌ కూతురే వీణ.  ఆమె కూడా పలు చిత్రాలకు డబ్బింగ్‌ ఆర్టిస్ట్‌గా పని చేసింది. క్షణం సినిమాలో ఆదాశర్మకు డబ్బింగ్‌ చెప్పింది కూడా . ఆ సమయంలోనే రవికాంత్‌-వీణ మధ్య ప్రేమ చిగురించింది. తర్వాత పెద్దలను ఒప్పించి వీరు ఎట్టకేలకు నిశ్చితార్థం చేసేసుకున్నారు. నవంబర్‌ 11న వీరి వివాహం ఘనంగా జరగనుంది.
  
 ప్రస్తుతం తన రెండో చిత్రం కోసం స్క్రిప్ట్‌​ రెడీ చేసే పనిలో రవికాంత్‌ పెరెపు బిజీగా ఉన్నాడు. రానా హీరోగా నటించే అవకాశం ఉన్నట్లు తెలుస్తోంది. 
  


 ‘‘ ‘క్షణం’ సినిమాను నేనూ, బన్నీ కలిసి చూశాం. ఈ చిత్రం చూసిన తర్వాత ‘నేను సినిమా వాడిని కాదు సినిమా లవర్‌ని’ అనే విషయం గుర్తొచ్చింది. ఇందులోని ఏ ట్విస్ట్‌నూ ఊహించలేకపోయా. థ్రిల్లర్ తరహాలో ఉండే తెలుగు చిత్రమిది’’ అని హీరో రానా అన్నారు. అడివి శేష్, అదా శర్మ, అనసూయా భరద్వాజ్ ప్రధాన పాత్రల్లో రవికాంత్ పేరేపు దర్శకత్వంలో పరమ్ వి. పొట్లూరి, కెవిన్ అన్నె నిర్మించిన ‘క్షణం’ విడుదలై, ప్రేక్షకాదరణ పొందుతోంది.
  
   ఈ సందర్భంగా చిత్రబృందం మంగళవారం నాడు హైదరాబాద్‌లో విలేకరులతో మాట్లాడింది. ఈ విజయోత్సవ సభకు హాజరైన రానా, ‘‘ఈ సినిమా చూసి నాకు ఈర్ష్య కలిగింది. ‘మనకెందుకు ఇలాంటి కథలు దొరకవ’ని ప్రకాశ్‌తో అన్నాను. ‘అడివి శేష్ తన కోసం రాసుకున్న కథ ఇది’ అని చెప్పాడు. ఈ చిత్రంలోని ప్రతి సన్నివేశానికీ ప్రేక్షకులు కనెక్ట్ అవుతారు. ఇటువంటి సినిమాలు మరిన్ని రావాలి’’ అని అభిప్రాయపడ్డారు.
  
  ప్రముఖ దర్శకుడు ప్రకాశ్ కోవెలమూడి మాట్లాడుతూ - ‘‘రవికాంత్ తొలిసారి దర్శకత్వం చేస్తున్నట్లు కాకుండా చాలా అనుభవజ్ఞుడిలా సినిమా తీశాడు. ఈ చిత్రానికి మంచి స్పందన వస్తోంది. సినిమా ఇంత బాగుంటుందని ఊహించలేదు. తక్కువ బడ్జెట్‌లో మంచి అవుట్‌పుట్ తీసుకొచ్చారు’’ అన్నారు. ‘‘సినీ పరిశ్రమతో పాటు ప్రేక్షకుల నుంచి కూడా మంచి స్పందన వస్తోంది. సినీ ప్రేమికులకు బాగా నచ్చే చిత్రమిది.
  
  మా బ్యానర్‌లో రానాతో ‘ఘాజి’ చిత్రం తెరకెక్కిస్తున్నాం’’ అని నిర్మాత పొట్లూరి వి. ప్రసాద్ అన్నారు. ‘‘బన్నీ, రానా, ప్రకాశ్ గారు మా చిత్రం చూసి మెచ్చుకున్నారు. పీవీపీ అనే పెద్ద వేదిక లేకపోతే ఇంత విజయం సాధ్యమయ్యేది కాదు’’ అని దర్శకుడు రవికాంత్ కృతజ్ఞతలు తెలిపారు. అడివి శేష్, లక్ష్మీ మంచు, అనసూయ, ‘సత్యం’ రాజేశ్, కెమేరామ్యాన్ షానిల్ డియో, సంగీత దర్శకుడు శ్రీచరణ్ పాకాల తదితరులు ఈ కార్యక్రమంలో పాల్గొన్నారు.