‘బిగ్ బాస్‌’ఫేమ్ మానస్ నాగులపల్లి, ప్రముఖ నటుడు బ్రహ్మాజీ తనయుడు సంజయ్ కుమార్ హీరోలుగా అనిల్ పంగులూరి దర్శకత్వంలో రూపొందిన చిత్రం ‘క్షీరసాగర మథనం’. అక్షత సోనావని ఈ సినిమాలో హీరోయిన్‌గా నటించింది. శ్రీ వెంకటేశ్వర పిక్చర్స్‌, కలిసి ఆర్ట్ అండ్ హార్ట్ క్రియేషన్స్ సంయుక్తంగా మూవీని నిర్మించాయి. అమెజాన్ ప్రైమ్ లో స్ట్రీమ్ అవుతున్న ఈ చిత్రానికి మంచి స్పందన లభిస్తోంది. ఈ చిత్ర కథానాయకుడు మానస్ నాగులపల్లి బిగ్ బాస్ కి సెలెక్ట్ కావడం, అందులో అత్యద్భుతంగా ఆడుతూ "టాప్-5"కి చేరడం "క్షీరసాగర మథనం" చిత్రానికి బాగా కలిసొచ్చింది.    తమ చిత్రాన్ని అమెజాన్ ప్రైమ్  ఆడియన్స్ ఇప్పటికీ విశేషంగా ఆదరిస్తున్నారని, త్వరలోనే ఈ చిత్రాన్ని హిందీ, తమిళ, మలయాళ, కన్నడ భాషల్లో అనువాదం చేసేందుకు సన్నాహాలు చేస్తున్నామని దర్శకుడు అనిల్ పంగులూరి తెలిపారు. మానస్ నాగులపల్లి బిగ్ బాస్ విజేతగా నిలవాలని మనసారా కోరుకుంటున్నామని, అందుకు మానస్ అన్నివిధాల అర్హుడని అనిల్ పంగులూరి అన్నారు.

‘బిగ్ బాస్‌’ఫేమ్ మానస్ నాగులపల్లి, ప్రముఖ నటుడు బ్రహ్మాజీ తనయుడు సంజయ్ కుమార్ హీరోలుగా అనిల్ పంగులూరి దర్శకత్వంలో రూపొందిన చిత్రం ‘క్షీరసాగర మథనం’. అక్షత సోనావని ఈ సినిమాలో హీరోయిన్‌గా నటించింది. శ్రీ వెంకటేశ్వర పిక్చర్స్‌, కలిసి ఆర్ట్ అండ్ హార్ట్ క్రియేషన్స్ సంయుక్తంగా మూవీని నిర్మించాయి. ఆగస్టు 6న థియేటర్స్ లో విడుదలైన ఈ సినిమా కరోనా కారణంగా పరిమిత ఆదరణ పొందింది.  ఇక ఈ చిత్రం సెప్టెంబర్ 4న ప్రముఖ ఓటీటీ సంస్థ ‘అమెజాన్‌ ఫ్రైమ్‌’లో విడుదలై... సంచలనం సృష్టిస్తూ ట్రేడ్ వర్గాలను విస్మయపరుస్తోంది. ఇప్పటికి ఈ చిత్రానికి 10 కోట్ల వీక్షణలు నమోదయ్యాయి. విడుదలైన మూడు నాలుగు రోజులకే టాప్-2లో స్థానం సంపాదించుకున్న ఈ చిత్రం ఇప్పటికీ టాప్ 5లో కొనసాగుతుండడం విశేషం. తమ చిత్రానికి అమెజాన్ ప్రైమ్  ఆడియన్స్ బ్రహ్మరథం పడుతుండడం ఉక్కిరిబిక్కిరి చేస్తోందని దర్శకుడు అనిల్ పంగులూరి అంటున్నారు.

‘బిగ్ బాస్‌’ఫేమ్ మానస్, ప్రముఖ నటుడు బ్రహ్మాజీ తనయుడు సంజయ్ కుమార్ హీరోలుగా అనిల్ పంగులూరి దర్శకత్వంలో రూపొందిన చిత్రం ‘క్షీరసాగర మథనం’.అక్షత సోనావని ఈ సినిమాలో హీరోయిన్‌గా నటించింది. శ్రీ వెంకటేశ్వర పిక్చర్స్‌, కలిసి ఆర్ట్ అండ్ హార్ట్ క్రియేషన్స్ సంయుక్తంగా మూవీని నిర్మించాయి. ఆగస్టు 6న థియేటర్స్ లో విడుదలై... కరోనా కారణంగా పరిమిత ఆదరణ పొందిన ఈ చిత్రం సెప్టెంబర్ 4న ప్రముఖ ఓటీటీ ‘అమెజాన్‌ ఫ్రైమ్‌’లో విడుదలై... సంచలనం సృష్టిస్తూ ట్రేడ్ వర్గాలను విస్మయపరుస్తోంది. అమెజాన్‌ ప్రైమ్‌లో 499వ చిత్రంగా విడుదలైన ఈ చిత్రం నాని ‘టక్‌ జగదీష్‌’ తార్వాత రెండో స్థానంలో నిలవడం గర్వంగా ఉందని దర్శకుడు అనిల్‌ పంగులూరి పేర్కొన్నారు. 

ksheera Sagara Madhanam: ‘బిగ్ బాస్‌’ఫేమ్ మానస్, ప్రముఖ నటుడు బ్రహ్మాజీ తనయుడు సంజయ్ కుమార్ హీరోలుగా అనిల్ పంగులూరి దర్శకత్వంలో రూపొందిన చిత్రం ‘క్షీరసాగర మథనం’.  అక్షత సోనావని ఈ సినిమాలో హీరోయిన్‌గా నటించింది. శ్రీ వెంకటేశ్వర పిక్చర్స్‌, కలిసి ఆర్ట్ అండ్ హార్ట్ క్రియేషన్స్ సంయుక్తంగా మూవీని నిర్మించాయి. ఆగస్టు 6న థియేటర్స్‌లో విడుదలై ప్రేక్షకులను మెప్పించింది. కాగా ఇటీవలే అమెజాన్‌ ప్రైమ్‌లో విడుదలైన ఈ మూవీ​కి అక్కడ కూడా మంచి రెస్పాన్స్‌ వస్తోందని మూవీ దర్శకుడు తెలిపాడు. ప్రేక్షకుల స్పందన ఇలాగే కొనసాగుతుందని ఆయన ఆకాంక్షించారు. ప్రఖ్యాతిగాంచిన సాఫ్ట్‌వేర్‌ సంస్థల్లో పనిచేసే ఇరవై మంది మిత్రులు ఈ మూవీని నిర్మాణంలో భాగమైనట్లు ఆయన పేర్కొన్నాడు. ఆ ఉత్సాహంలో తన తదుపరి చిత్రం కోసం సన్నాహాలు చేసుకుంటునట్లు వెల్లడించాడు.

టైటిల్‌ : క్షీర సాగర మథనం నటీనటులు :  మానస్,  చరిష్మా శ్రీకర్, గౌతమ్ శెట్టి, ప్రియాంత్, మహేష్, అదిరే అభి, శశిధర్, ఇందు తదితరులు నిర్మాణ సంస్థ : ఆర్ట్ అండ్ హార్ట్ క్రియేషన్స్ దర్శకత్వం: అనిల్ పంగులూ సంగీతం :  అజయ్ అరసాడ సినిమాటోగ్రఫీ : సంతోష శానమోని ఎడిటర్‌ : వంశీ అట్లూరి శ్రీ వెంకటేశ పిక్చర్స్ తో కలిసి ఆర్ట్ అండ్ హార్ట్ క్రియేషన్స్ పతాకంపై డెబ్యూ డైరెక్టర్ అనిల్ పంగులూరి తెరకెక్కించిన చిత్రం ‘క్షీర సాగర మథనం. వాస్తవానికి  ఈ సినిమా గత ఏడాదిలోనే ప్రేక్షకుల ముందుకు రావాల్సింది. కానీ కరోనా కారణంగా విడుదల వాయిదా పడుతూ.. శుక్రవారం(ఆగస్ట్‌ 6) ప్రేక్షకుల ముందుకు వచ్చింది.  మానస్ నాగులపల్లి, ప్రముఖ నటుడు బ్రహ్మాజీ తనయుడు సంజయ్ కుమార్ హీరోలుగా నటించిన ఈ చిత్రంలో అక్షత సోనావని హీరోయిన్. ప్రదీప్ రుద్ర విలన్ గా నటించారు. ఇటీవల విడుదలైన ఫస్ట్‌లుక్, ట్రైలర్‌కు మంచి స్పందన రావడంతో సినిమాపై అంచనాలు పెరిగాయి. మరి ఆ అంచనాలను ‘క్షీర సాగర మథనం’ఏ మేరకు అందుకుందో రివ్యూలో చూద్దాం. కథ:  రిషి(మానస్ నాగులపల్లి), ఓంకార్(సంజయ్ కుమార్) మరో ముగ్గురు సాఫ్ట్ వేర్ ఇంజినీర్లు. వీరిని ఓ టెర్రరిస్ట్‌ (ప్రదీప్‌ రుద్ర) పార్టీకి పిలిచి, వారి శరీరంలో ఆధునిక టెక్నాలజీతో రూపొందించిన ఓ డివైజ్ ను అమర్చి... ఆ ఐదు మందిని మానవ బాంబులుగా మార్చి... భారీ పేలుడుకు పక్కా ప్లాన్ వేస్తాడు. వ్యక్తిగత జీవితంలో ఆటుపోటులు ఎదుర్కొని, చివరకు లైఫ్ సెటిల్ అవుతుందని భావిస్తున్నతరుణంలో జరిగిన ఈ ఊహించని ఘటన వారి జీవితాలను ఏ తీరాలకు చేర్చిందన్నదే మిగతా కథ. నటీనటులు బాల నటుడిగా గుర్తింపు తెచ్చుకుని ఆ తర్వాత కొన్ని చిత్రాలలో, సీరియల్స్ లో హీరోగా నటించిన మానస్.. రిషి పాత్రలో ఒదిగిపోయాడు. తల్లిదండ్రులను కోల్పోయిన ఓ కొడుకుగా, ప్రియురాలు వెతుకుతోంది తననే అని తెలిసినా, ఆ మాట చెప్పలేని నిస్సహాయుడిగా చక్కగా నటించాడు. అలానే యాక్షన్ సన్నివేశాలలోనూ మెప్పించాడు. ఇక బ్రహ్మాజీ తనయుడు సంజయ్‌ రావ్‌ ఓంకార్‌ పాత్రకు న్యాయం చేశాడు. తన పాత్ర నెగెటివ్ షేడ్స్‌తో మొదలైనా చివరకు పాజిటివ్‌గా మారుతుంది. హీరోయిన్‌గా నటించిన అక్షత సోనావాలే నటన ఫర్వాలేదు. విలన్‌ పాత్రకు ప్రదీప్‌ రుద్ర న్యాయం చేశాడు. మిగిలిన నటీనటులు తమ పాత్రల పరిధిమేర నటించారు.  విశ్లేషణ టైటిల్‌కి తగ్గట్టే... ఏడు పాత్రల తాలూకు భావోద్వేగ సంఘర్షణల మథనమే ‘క్షీర సాగర మథనం’ కథ. అనిల్ పంగులూకు ఇది తొలి సినిమా అయినా.. అనుభవం ఉన్న దర్శకుడిగా మూవీని తెరకెక్కించాడు. ఎన్ని కష్టాలొచ్చినా... వాటిని ధైర్యంగా ఫేస్ చేసి ముందుకు సాగాలనే కాన్సెప్ట్‌తో కథ.. కథనాలను నడిపించిన తీరు బాగుంది. తను చెప్పాలనుకున్న విషయాన్ని ఎక్కడా డీవియేట్ కాకుండా తెరమీద చూపించడంలో దర్శకుడు కొంత మేరకు సక్సెస్ అయ్యాడనే చెప్పాలి. ఐదుగురి స్నేహితుల సమస్యలను టెర్రరిజానికి ముడిపెడుతూ ప్రేక్షకులను ఉత్కంఠకు లోనయ్యేలా చేశారు దర్శకుడు. మొదట్లో కథలోకి వెళ్లడానికి దర్శకుడు కొంత సమయం తీసుకున్నా... ఆ తరువాత సినిమా వేగం పుంజుకుంటుంది. అయితే సెకండాఫ్‌ వచ్చేసరికి కథ కాస్త నెమ్మదిగా సాగుతూ.. ప్రేక్షకులకు బోరింగ్‌ అనిపించక మానదు. క్లెమాక్స్‌ కూడా కాస్త పేలవంగా అనిపిస్తుంది. ఐదుగురు స్నేహితుల సమస్యల్లో కాస్తంత ఆసక్తికరంగా ఉంది గోవింద్‌, విరిత జంటలదే. మిగిలిన వారి సమస్యలు, వాటి పరిష్కారాలు పెద్దగా ఆసక్తిని కలిగించేలా లేవు. అయితే ఓవరాల్‌గా హంగులు, ఆర్భాటాలకు వెళ్లకుండా కథను నడిపించిన తీరు ప్రశంసనీయం. అజయ్ అరసాడ సంగీతం వినసొంపుగా ఉంది. తనదైన బీజీఎంతో కొన్ని సన్నివేశాలకు ప్రాణం పోశాడు. ఎడిటింగ్ పర్వాలేదు. ఇంకాస్త క్రిస్పీగా కట్‌ చేస్తే మరింత బాగుండేది. సంతోష శానమోని సినిమాటోగ్రఫీ, నిర్మాణ విలువలు సినిమా స్థాయికి తగినట్లుగా ఉన్నాయి.