‘ఆడపిల్లలకు బైక్‌లు ఎందుకు!’ అని ఆ తండ్రి నిరాశపరిచి ఉంటే ఆ అమ్మాయి భవిష్యత్‌లో ఎంతోమంది అమ్మాయిలకు స్ఫూర్తినిచ్చేది కాదు. ‘బైక్‌ రేసింగ్‌ అంటే బాయ్స్‌కు మాత్రమే’ అనే అలిఖిత నిబంధనను జగతిశ్రీ కుమరేశన్‌ బ్రేక్‌ చేసింది. ప్రొఫెషనల్‌ మోటర్‌ సైకిల్‌ రేసర్‌గా దూసుకుపోతోంది. ట్రిపుల్‌ నేషనల్‌ చాంపియన్‌ జగత్‌శ్రీ కుమరేశన్‌ థాయ్‌లాండ్‌లో జరిగే ఎఫ్‌ఐఎం ఆసియా మహిళల కప్‌ ఆఫ్‌ సర్క్యూట్‌ రేసింగ్‌(ఏసీసీఆర్‌)లో మన దేశం నుంచి ప్రాతినిధ్యం వహిస్తోంది. కొన్ని సంవత్సరాలు వెనక్కి వెళితే... చెన్నైకి చెందిన జగత్‌శ్రీ ఒకానొక రోజు బైక్‌ రేసింగ్‌ చూసి ఆహా అనుకుంది. ఆరోజు నుంచి బైక్‌ రేసింగ్‌పై పాషన్‌ మొదలైంది. తండ్రికి తన మనసులోని మాట చెబితే సరే అని ప్రోత్సహించాడు. అలా శిక్షణ మొదలైంది. పెద్ద పెద్ద బైక్‌లపై ప్రాక్టీస్‌ మొదలుపెట్టేది. 2021లో టీవీఎస్‌ రూకీస్‌ ఛాంపియన్‌షిప్‌ కోసం బాయ్స్‌తో పోటీ పడి సత్తా చాటింది. చదువు కారణంగా 2022లో పోటీలకు విరామం ఇచ్చింది. 2023లో ఎంఎంఎస్‌సీ ఎఫ్‌ఎంఎసీఐ ఇండియన్‌ నేషనల్‌ డ్రాగ్‌ రేసింగ్‌ చాంపియన్‌షిప్‌లో నేషనల్‌ టైటిల్‌ గెలుచుకుంది. మద్రాస్‌ క్రిస్టియన్‌ కళాశాల ఆర్కియాలజీ గ్రాడ్యుయేట్‌ అయిన జగత్‌శ్రీ ఎఫ్‌ఐఎం ఉమెన్స్‌ సర్క్యూట్‌ రేసింగ్‌ వరల్డ్‌ ఛాంపియన్‌షిప్‌(వరల్డ్‌ డబ్ల్యూసీఆర్‌) తనదైన స్థానాన్ని నిలుపుకోవాలని పట్దుదలగా ప్రయత్నిస్తోంది.


 తమిళనాడు : ప్రేమ పేరుతో యువతిని గర్భవతి చేసి మోసగించిన ప్రభుత్వ ఉద్యోగిని పోలీసులు అరెస్టు చేశారు. సేలం జిల్లా పెరమచూర్‌కు చెందిన కుమరేశన్‌ (30) అనే యువకుడు విద్యుత్‌ బోర్డు కార్యాలయంలో టెక్నీషియన్‌ సహాయకుడిగా పని చేస్తున్నాడు.
 
 తొలసంపట్టికి చెందిన శశికళ (23) అనే యువతి కుమరేశన్‌ గత కొంతకాలంగా ప్రేమించుకుంటున్నారు. నాలుగు సంవత్సరాల క్రితం కాలేజీలో చదువుతున్న సమయంలో కుమరేశన్‌ బంధువు కుమార్తె ద్వారా ఆమె పరిచయమైంది. వివాహం చేసుకుంటానని నమ్మించి కుమరేశన్‌ శశికళను లొంగదీసుకున్నాడు. ఈ క్రమంలో శశికళకు రెండుసార్లు గర్భం అయ్యింది. ఆమెకు కుమరేశన్‌ అబార్షన్‌ చేయించాడు. ఇదే సమయంలో కుమరేశన్‌కు ఉద్యోగం పర్శినెంట్‌ కావడంతో ప్రియురాలితో మాట్లాడడం మానేశాడు. అతనికి మరో యువతితో వివాహ సంబంధాలు చూస్తున్నట్టు తెలుసుకున్న శశికళ స్థానిక మహిళా పోలీసుస్టేషన్‌లో ఫిర్యాదు చేసింది. కుమరేశన్‌ను పోలీసులు అరెస్టు చేసి కోర్టులో హాజరు పరిచారు.