మైక్‌ మిచెల్, స్టెఫానీ స్టైన్‌ దర్శకత్వం వహించిన ఈ యానిమేటెడ్‌ సంచలనం కుంగ్‌ ఫూ పాండా 4వ భాగం రానుంది. నగరంలోని చిన్నారులను, టీనేజర్లతో పాటు యానిమేషన్‌ చిత్రాలను ఇష్టపడే ప్రతి ఒక్కరినీ అలరించే సాహస దృశ్యాలు, అలాగే సునిశిత హాస్యంతో కూడిన ఈ చిత్రం... ఈ నెల15న జియో సినిమా ప్రీమియమ్‌లో ప్రసారం కానుందని సంస్థ ప్రతినిధులు తెలిపారు. ఈ డ్రాగన్‌ వారియర్‌ ఇంగ్లి‹Ù, హిందీతో పాటు, తెలుగు, తమిళం తదితర ప్రాంతీయ భాషల్లోనూ అలరించనుందని వివరించారు.లామాకాన్‌లో ఒలక్‌లంత్‌ కా సర్‌..కళలు, సాహిత్యం, థియేటర్‌కు వేదికైన లామకాన్‌లో ‘ఒలక్‌లంత్‌ కా సర్‌’ అనే మరాఠీ థియేటర్‌ ప్లే శుక్రవారం ప్రదర్శితమవ్వనుంది. రాత్రి 8 గంటలకు ప్రారంభమై గంట పాటు సాగనుంది. ఇందులో సౌరభ్‌ ఘరీపురీకర్, అదితీ ఇనామ్‌దార్‌ ప్రధాన పాత్రలు పోషించనున్నారు. ఈ ప్లేను యోగేశ్‌ సోమన్‌ రచించగ, సౌరభ్‌ ఘరీపురీకర్‌ దర్శకత్వం వహించనున్నారు. సౌరభ్‌ జోషి సంగీతం అందించనున్నారు. జాగిల్‌ ఫిన్‌టెక్‌ లీడర్‌ ఆఫ్‌ ద ఇయర్‌..మాదాపూర్‌లోని జాగిల్‌ ప్రీపెయిడ్‌ ఓషన్‌ సరీ్వసెస్‌ లిమిటెడ్‌ వ్యవస్థాపకుడు, ఎగ్జిక్యూటివ్‌ ఛైర్మన్‌ రాజ్‌ ఎన్‌కు ప్రతిష్టాత్మకమైన ‘ఫిన్‌టెక్‌ లీడర్‌ ఆఫ్‌ ది ఇయర్‌’ అవార్డు లభించింది. వినూత్న శైలి సామర్థ్య నిర్వహణతో ఫిన్‌టెక్‌ పరిశ్రమాభివృద్ధికి తోడ్పడినందుకు అవార్డు లభించిందని జాగిల్‌ సంస్థ ప్రతినిధులు తెలిపారు.టెక్నాలజీ, మార్కెటింగ్, ఫైనాన్స్, లీగల్‌తో సహా క్రాస్‌–ఫంక్షనల్‌ టీమ్‌లతో కలిసి పని చేయడం ద్వారా బహుళ వ్యాపార కార్యక్రమాలను అమలు చేయగల సామర్థ్యానికి ప్రశంసగా.. ఇటీవల నిర్వహించిన ఫెస్టివల్‌ ఆఫ్‌ ఫిన్‌టెక్‌ కా క్లేవ్‌–అవార్డ్స్‌ 2024లో ఈ పురస్కారం దక్కిందని వివరించారు.ఇవి చదవండి: 'ది ఫస్ట్‌ డిసెన్‌డెంట్‌'.. ఇదొక హైక్వాలిటీ గ్రాఫిక్స్‌ గేమ్‌!

కుత్బుల్లాపూర్‌: సినీనటులు సుమన్, భానుచందర్‌ సినిమాల ప్రభావంతో పాటు బ్రూస్‌లీ, జాకీచాన్‌ల రియల్‌ టైమ్‌ స్టంట్స్‌తో ఆకర్షితుడయ్యాడు.. వచ్చీరాని కరాటే పోజులతో సరదాగా గడిపిన అతను ఏకంగా ఇంటర్నేషనల్‌ కుంగ్‌ఫూ పోటీలకు ఎంపిక కావడం విశేషం.. చదివింది పదో తరగతి. చేస్తోంది డ్రైవర్‌ ఉద్యోగమైనా కరాటేలో రాణిస్తున్నాడు  మహంకాళి చంద్రమోహన్‌. త్వరలో జరగనున్న అంతర్జాతీయ కుంగ్‌ఫూ పోటీల్లో పాల్గొనేందుకు అవకాశం వచ్చినా ఆర్థిక ఇబ్బందులు అడ్డంకిగా మారాయి. దాతలు ఆర్థికంగా సహకారం అందిస్తే పోటీలకు వెళ్లేందుకు మార్గం సుగమమవుతుందని భావిస్తున్నాడు.   అంతర్జాతీయ స్థాయికి.. ఉమ్మడి ఆదిలాబాద్‌ జిల్లా మందమర్రికి చెందిన మహంకాళి పోశం, గంగమ్మల రెండో కుమారుడు మహంకాళి చంద్రమోహన్‌. సొంతూరులోని ప్రభుత్వ పాఠశాలలో 10వ తరగతి వరకు చదువుకున్నాడు. 7వ తరగతి చదివే సమయంలో తెలుగు యాక్షన్‌ సినిమాలు, హాలీవుడ్‌ యాక్షన్‌ పోస్టర్లలో హీరోల స్టంట్స్‌ చూసి కరాటేపై మక్కువ పెంచుకున్నాడు. స్థానికంగా ఉన్న కరాటే మాస్టర్‌ కంఠేష్‌ వద్ద ఓనమాలు నేర్చుకున్న చంద్రమోహన్‌ స్థానికంగా జరిగిన పలు పోటీల్లో ప్రతిభ కనబరుస్తూ అంచెలంచెలుగా ఎదిగాడు.   ఎన్నో పతకాలు.. స్థానిక పోటీల్లో ప్రతిభ కనబరిచిన చంద్రమోహన్‌ తొలిసారిగా 1998లో స్టేషన్‌ఘన్‌పూర్‌లో జరిగిన రాష్ట్రస్థాయి కరాటే పోటీల్లో మొదటిస్థానంలో నిలిచాడు. అనంతరం 1999లో బెల్లంపల్లిలో, 2000లో మందమర్రిలో, 2001లో కాజీపేటలో, 2003లో హైదరాబాద్‌ మల్కాజిగిరిలో, 2004లో చెన్నూరులో జరిగిన పోటీల్లో మొదటి స్థానంలో నిలుస్తూ వచ్చాడు. అనంతరం ఉపాధి కోసం హైదరాబాద్‌లోని కుత్బుల్లాపూర్‌ గాజులరామారంలోని వలస వచ్చి ఓ ప్రైవేట్‌ సాఫ్ట్‌వేర్‌ కంపెనీలో డ్రైవర్‌ వృత్తిలో కొనసాగుతూ వస్తున్నాడు. కరాటేపై మక్కువతో మరోసారి పోటీలకు సన్నద్ధమై 2017లో ఆసిఫాబాద్‌ కాగజ్‌నగర్‌లో జరిగిన చాంపియన్‌షిప్‌లో రెండో స్థానం సాధించాడు. గత ఏడాది మందమర్రిలో జరిగిన తెలంగాణ రాష్ట్ర గ్రాండ్‌ చాంపియన్‌ కరాటే పోటీల్లో మొదటి స్థానం సాధించి ప్రతిభ చాటాడు.   ఇంటర్నేషనల్‌ బీచ్‌ కాంబాట్‌కు అవకాశం.. మహంకాళి చంద్రమోహన్‌కు ఈ నెల 17 నుంచి 20 వరకు గోవా వేదికగా ఇంటర్నేషనల్‌ వరల్డ్‌ కాంబాట్‌ గేమ్స్‌ కౌన్సిల్‌ మార్షల్‌ ఆర్ట్స్‌ అసోసియేషన్‌ ఆధ్వర్యంలో జరగనున్న  ఇంటర్నేషనల్‌ బీచ్‌ కాంబాట్‌– 2019లో పాల్గొనే అవకాశం లభించింది. ఇక్కడ జరిగే మార్షల్‌ ఆర్ట్స్‌ పోటీల్లో సత్తా చాటితే ఒలింపిక్స్‌కు వెళ్లే అవకాశం మహంకాళి చంద్రమోహన్‌కు లభిస్తుంది.   ఆటంకంగా మారిన ఆర్థిక పరిస్థితి.. జీవనోపాధి కోసం నగరానికి వచ్చిన చంద్రమోహన్‌ డ్రైవర్‌ వృత్తితో వచ్చే చాలీచాలని వేతనంతో కుటుంబాన్ని నెట్టుకొస్తున్నాడు. ప్రస్తుతం గోవాలో జరగనున్న కరాటే పోటీలకు హాజరయ్యేందుకు ఖర్చు భారీగానే ఉంటుంది. పోటీల కోసం నాలుగు రోజులు గోవాలో ఉండడమే కాకుండా రానుపోను ఖర్చులు సొంతంగా పెట్టుకోవాల్సి ఉంటుంది. దాతలు, క్రీడా ప్రేమికులు ప్రోత్సహించి కొంతమేర ఆర్థిక సహాయం అందించాలని కోరుతున్నాడు. దాతలు సంప్రదించాల్సిన నంబర్‌ 89196 37615.  


 ఆలమూరు : అంతర్జాతీయ స్థాయి కుంగ్‌పూ పోటీల్లో మండలంలోని మడికి శివారు చిలకలపాడుకు చెందిన చెక్కపల్లి కిరణ్‌కుమార్‌ రజతపతకాన్ని సాధించాడు. ఈనెల 12న నేపాల్‌లో నిర్వహించిన పోటీల్లో కిరణ్‌ ఈ ఘనత సాధించడంతో పాటు వచ్చే ఏప్రిల్‌లో తైవాన్‌లో జరిగే ఏసియన్‌ గేమ్స్‌ పోటీలకు అర్హత సాధించాడు. కిరణ్‌ గత అక్టోబర్‌లో ఢిల్లీలో నిర్వహించిన జాతీయ స్థాయి పోటీల్లో రాష్ట్రం తరఫున పాల్గొని ప్రతిభ కనబరిచాడు. కిరణ్‌ ప్రస్తుతం హైదరాబాద్‌లో ఇంటర్మీడియట్‌ ద్వితీయ సంవత్సరం చదువుతున్నాడు. అంతర్జాతీయ పోటీల్లో రజత పతకాన్ని సాధించడంతో పాటు ఏసియన్‌ గేమ్స్‌కు అర్హత సాధించడం పట్ల గ్రామస్తులు హర్షం వ్యక్తం స్తున్నారు.