కుప్పం: జల్సాల కోసం ద్విచక్ర వాహనాలను కొట్టేస్తున్న ముఠా ఆటకట్టించారు చిత్తూరు జిల్లా పోలీసులు. జిల్లా ఎస్పీ శ్రీనివాసులు తెలిపిన వివరాల ప్రకారం.. ఎనిమిది మంది సభ్యుల ముఠా బెంగళూరు నగరంలో ద్విచక్ర వాహనాలను దొంగలించి వాటిని కుప్పంకు తరలించేవారు. కుప్పంలో వాటిని విక్రయిస్తూ సొమ్ము చేసుకునేవారు. సమాచారం అందుకున్న పోలీసులు ప్రత్యేక నిఘా ఏర్పాటు చేసి ఎనిమిది మంది దొంగలను బుధవారం అరెస్ట్ చేశారు. వారి నుంచి 54 ద్విచక్ర వాహనాలను స్వాధీనం చేసుకున్నారు.