జై, వరలక్ష్మి, కేథరీన్, లక్ష్మీరాయ్‌ ముఖ్య తారలుగా నటిస్తున్న చిత్రం ‘నీయా 2’. తెలుగులో ‘నాగకన్య’ అనే టైటిల్‌ పెట్టారు. ఎల్‌. సురేష్‌ దర్శకత్వం వహిస్తున్నారు. ఏ. శ్రీధర్‌ నిర్మిస్తున్నారు. ఈ సినిమాలోని వరలక్ష్మి శరత్‌కుమార్, లక్ష్మీ రాయ్‌ ఫస్ట్‌ లుక్స్‌ను రిలీజ్‌ చేశారు. ఈ రోజు క్యాథరీన్‌ లుక్‌ను రిలీజ్‌ చేస్తారు. రేపు ‘నాగకన్య’ టీజర్‌ విడుదల అవుతుంది. ‘‘రిలీజ్‌ చేసిన లుక్స్‌కు మంచి స్పందన లభిస్తోంది. విభిన్నమైన కాన్సెప్ట్‌తో తెరకెక్కిన ఈ సినిమాలోని ప్రతి సీన్‌ ప్రేక్షకులను ఉత్కంఠకు గురిచేస్తుంది. సినిమాలో హీరో జై క్యారెక్టర్‌ హైలైట్‌గా ఉంటుంది. వరలక్ష్మి, కేథరీన్, లక్ష్మీరాయ్‌ పాత్రలు ఊహించని విధంగా ఉంటాయి. స్టోరీ, స్క్రీన్‌ప్లే ఆసక్తికరంగా ఉంటాయి. గ్రాఫిక్స్‌ ఆడియన్స్‌ను అబ్బుర పరుస్తాయి. వేసవిలో సినిమాను విడుదల చేస్తాం’’ అని నిర్మాతలు పేర్కొన్నారు.


 ఈరోజు మీతో పాటు పుట్టిన రోజు జరుపుకుంటున్న ప్రముఖులు: నటి రమాప్రభ, లక్ష్మీరాయ్
  
 ఈ సంవత్సరం విద్యా విషయాల్లో అనుకూలంగా ఉంటుంది. సాంకేతిక విద్య, మెడికల్ సర్జరీ విద్యార్థులకు ఇది అనుకూల సమయం. విదేశాలలో చదువుకోవాలనుకునేవారి ప్రయత్నాలు ఫలిస్తాయి. కొన్నేళ్లుగా ఆశాజనకంగా లేని పనులు ఈ ఏడాది ఒక కొలిక్కి వచ్చి సంతృప్తి కలుగుతుంది.
 
 అయితే, దూకుడుగా ప్రవర్తించడం తగ్గిస్తే శ్రేయస్కరం. కోపాన్ని అదుపులో ఉంచుకోవాలి. అనుకూలమైన రంగులు ఆకుపచ్చ, నారింజ, ఎరుపు. అనుకూలమైన సంఖ్యలు: 5, 6, 9 వీరు సుబ్రహ్మణ్య స్వామికి అభిషేకం చేయడం, రక్తదానం చేయడం మంచిది.
  - రహిమాన్ దావూద్, ఆస్ట్రో న్యూమరాలజిస్ట్
  
  


 ఎప్పుడూ వార్తల్లో ఉండే హీరోయిన్లలో లక్ష్మీరాయ్ ఒకరు. హీరోయిన్‌గానూ, ఐటమ్ సాంగ్స్‌తోనూ దూసుకుపోతోంది. తాజాగా ఆమె చెబుతున్న కబుర్లేమిటంటే..నేను బెంగుళూరు అమ్మాయినైనా కన్నడంలో కొన్ని చిత్రాల్లోనే నటించాను. అదీ స్నేహితులు, అభిమానుల కోసమే ఆ చిత్రాలను అంగీకరించాను. నాకు తమిళం, తెలుగు, మలయాళం భాషలలోనే మంచి మార్కెట్ ఉంది. 
  
  ఇంతకుముందు కాస్త బరువెక్కినా వ్యాయూమం చేసి సన్నబడ్డాను. నా గురించి మీడియూ చాలా ఎక్కువగానే ప్రచారం చేస్తోంది. నా చిరకాల బాయ్‌ఫ్రెండ్ పెద్ద బిజినెస్‌మన్ అంటూ మీడియూలో ఊదరగొడుతున్నారు. నిజానికి ఆయన బిజినెస్‌మన్ కాదు. మా మధ్య స్నేహం తదుపరి స్టేజికి చేరినప్పుడు పూర్తి వివరాలు వెల్లడిస్తా.