సాక్షి, న్యూఢిల్లీ: ప్రముఖ అగ్మెంట్‌ రియాలిటీ మొబైల్‌ గేమింగ్‌ సంస్థ క్రికీ, జియోతో కలిసి కొత్తగా రియాలిటీ గేమింగ్‌ యాప్‌ యాత్రను భారత్‌లో  ప్రారంభించింది. ఇందుకోసం జియో కూడా సిరీస్‌ ఎ ఫండింగ్‌ రౌడ్‌కు నాయకత్వం వహించి దాదాపు 22 మిలియన్‌ డాలర్‌లను క్రికీకు ఇచ్చింది. ఈ యాప్‌లో జియోతో కలిసి భారతదేశంలో ప్రారంభించిన సందర్భంగా క్రికీ వ్యవస్థాపకులు జాన్వీ, కేతకి శ్రీరామ్‌లు మాట్లాడుతూ.. ‘ఆన్‌లైన్‌ గేమింగ్‌ ప్రియులకు మరింత వినోదాన్ని అందించేందుకు మా క్రికీ యాప్‌ ప్రేరణ ఇచ్చింది. అందుకే ఆన్‌లైన్‌ ఆటగాళ్ల కోసం కొత్తగా యాత్ర యాప్‌ను ప్రారంభించాం. మీ మొబైల్‌లో గేమ్‌ ఆడుతున్నసమయంలో ఈ యాప్‌ మిమ్మల్ని ఆటలో లీనం చేస్తుంది. ఎ విధంగా అంటే ఈ యాప్‌ను త్రిడీలో రూపోందించినందున ఇందులో గేమ్‌ మీకు వాస్తవిక భావన కలిగిస్తుంది. కేవలం మీ మొబైల్‌ కెమెరాతో ఆటగాళ్లను యాక్షన్‌, ఆడ్వెంచర్‌లతో ఫాంటసీ ప్రపంచాన్ని మీ ఇంటికే తీసుకువస్తుంది. అయితే అగ్మెంట్‌ రియాలిటీ గేమ్‌లో రాక్షసుడు సైన్యాన్ని ఓడించే ప్రయత్నం చేయడం, బాణం, విల్లు చక్రం, మెరుపు, ఫైర్‌ బోల్ట్‌ వంటి ఆయుధాలను ఉపయోగించి ఆటగాళ్లంతా ఇందులో పాల్గొనవచ్చు. ఈ రియాలిటీ గేమ్‌ అంతా త్రీడిలో ఉన్నందున యాత్ర యూజర్‌లంతా ఈ ఆటలో వాస్తవంగా పాల్గొన్న అనుభూతిని ఇస్తుంది’ అని వారు చెప్పుకొచ్చారు. ఇక ఆటగాళ్లు తమ ఆటను స్నేహితులతో పంచుకునే ఆప్షన్‌ కూడా ఉంది. మీ గేమ్‌ పూర్తి కాగానే వీడియో ఫేరింగ్‌ ఆప్షన్‌తో పాటు ఇతరులు పోస్టు చేసిన గేమ్‌ వీడియోను కూడా చూడటానికి వీడియో ఫీడ్‌ ఆప్షన్‌ ఉంటుంది. అలాగే తిరిగి అదే గేమ్‌ను ఆడేందుకి డిజిటల్‌ గ్రౌండ్‌ ఆప్షన్‌ సౌకర్యం కూడా ఉందని వారు పేర్కొన్నారు. అయితే జియో మొబైల్‌ యూజర్‌లకు మాత్రం కొన్ని అదనపు ఫిచర్‌లను అందిస్తున్నట్లు వారు స్పష్టం చేశారు. అవి: 3డీ అవతార్‌ ఫీచర్‌, గెమ్‌ప్లే టోకెన్లు(అదనపు ఆయుధాలు, పవన్‌ ఆన్‌లాక్‌ చేయడం), గేమ్‌ ప్లేస్‌లు. అదే విధంగా దీనిపై జియో డైరెక్టర్‌ ఆకాష్‌ అంబానీ మాట్లాడుతూ.. ‘‘ఆగ్మెంటెడ్ రియాలిటీ గేమ్‌తో క్రికీ ఒక తరం భారతీయులను ప్రేరేపిస్తుందని, ప్రపంచవ్యాప్తంగా అద్భుతమైన అనుభవనాలను భారతీయులకు అందించేందుకు ఈ యాత్ర యాప్‌ మా దృష్టి ఆకర్షించిందన్నారు. ఈ యాప్‌ వినియోగాదారులంతా రియాలిటి గేమ్‌లో మంచి అనుభూతిని పొందుతారని, కాబట్టి ఆన్‌లైన్‌ గేమ్‌ ప్రియులంతా ఈ యాప్‌ను ఇన్‌స్టాల్‌ చేసుకుని ఫాంటసీ అనుభవాన్ని పొందాలని పిలుపునిచ్చారు. ఆగ్మెంటెడ్ రియాలిటీ గేమింగ్‌తో ఆటగాళ్లంత తమ స్వంత ప్రపంచ అనుభూతిని పొందడానికి యాత్ర యాప్‌ ఆక్సెస్‌ను జియో యూజర్‌లతో పాటు, జియోతర మొబైల్‌ యూజర్‌లకు కూడా కల్పిస్తున్నాం’ అని ఆకాష్‌ తెలిపారు. అయితే ఈ క్రికీ యాప్‌ ఇప్పడు ఐఓసీ(ios) యాప్‌ స్టోర్‌లతో పాటు గూగుల్‌ ప్లే స్టోర్‌లలో ఉచితంగా అందుబాటులోకి తెచ్చారు. 


 న్యూఢిల్లీ:  మోటోరోలా సంస్థ తన నూతన స్మార్ట్‌ఫోన్ 'మోటో జీ4'ను   మంగళవారం భారత మార్కెట్లో  విడుదల  కానుంది. మోటో జీ3 స్మార్ట్ ఫోన్ కు  అప్ గ్రేడెడ్ మోడల్గా రాబోతోన్న మోటో జీ4 వినియోగదారులకు అందుబాటులోకి తీసుకొస్తోంది. మోటో. ఈ నెల 17న  మార్కెట్ లో విడుదల కానుండగా ఈ  ఫోన్ కు సంబంధించి ఆసక్తికర రూమర్స్ ఇంటర్నెట్లో హల్చల్ చేశాయి.   అయితే దీని ధర వివరాలను ఇంకా వెల్లడి కావాల్సిఉంది.  లాంచింగ్ ముందే గ్రీక్ బెంచ్  వెబ్ సైట్ లో ఈ ఫోన్  కు సంబంధించిన వివరాలు లభ్యమయ్యాయి.
 ఈ- కామర్స్ వెబ్ సైట్ లో అమెజాన్ తమ ఫోన్లు అందుబాటులో ఉంచనున్నట్టు ఇటీవల మోటరోలా   ఇండియా హెడ్  అమిత్ బోనీ ఒక ప్రకటనలో తెలిపారు.  భారత మార్కెట్ లో తమకు డిమాండ్ భారీగా పెరిగిందని పేర్కొన్నారు.
 
 మోటో జీ4 ఫీచర్లు ఇలా ఉన్నాయి...
 5.5 ఇంచ్ ఫుల్ హెచ్‌డీ డిస్‌ప్లే, 1
 920 x 1080 పిక్సల్స్ స్క్రీన్ రిజల్యూషన్
 1.2 జీహెచ్‌జడ్ ఆక్టాకోర్ ప్రాసెసర్, అడ్రినో 505 గ్రాఫిక్స్
 2 జీబీ ర్యామ్, 16 జీబీ ఇంటర్నల్ స్టోరేజ్
 డ్యుయల్ సిమ్, ఆండ్రాయిడ్ 6.0.1 మార్ష్‌మాలో
 13 మెగాపిక్సల్ రియర్ కెమెరా విత్ ఎల్‌ఈడీ ఫ్లాష్
 5 మెగాపిక్సల్ సెల్ఫీ కెమెరా
 వాటర్ రెసిస్టెంట్, 4జీ ఎల్‌టీఈ, బ్లూటూత్ 4.2, ఎన్‌ఎఫ్‌సీ
 3000 ఎంఏహెచ్ బ్యాటరీ