జైపూర్‌: అతను తన క్రేజీ వీడియోలతో దేశంలోనే అత్యధిక ఆదాయం అర్జిస్తున్న యూట్యూబర్‌లలో ఒకడు. ఉన్నత చదువులు చదివాడు. ఆ చదువుకు తగ్గట్లు మంచి ప్యాకేజీతో ఉద్యోగం దక్కదే. కానీ, విచిత్రంగా యూట్యూబ్‌ వీడియోల వైపు ఆసక్తి చూపించాడు. అది అతనికి కోట్లలో ఆదాయం తెచ్చిపెడుతోంది. అయితే.. చివరికి వ్యూస్‌ కోసం చేసిన యత్నమే ఆ యూట్యూబర్‌ ప్రాణం మీదకు తెచ్చింది.  24 ఏళ్ల వయసున్న అమిత్‌ శర్మ.. రాజస్థాన్‌లో టాప్‌ యూట్యూబర్‌. అల్వార్‌ అతని స్వస్థలం. ఐఐటీ రూర్కీలో ఇంజినీరింగ్‌ పూర్తి చేశాడు. ఉద్యోగ ప్రయత్నం చేయకుండా.. యూట్యూబ్‌ ఛానెల్‌ వైపు అడుగులు వేశాడు. క్రేజీ ఎక్స్‌వైజెడ్‌ అనే పేరుతో గత ఐదేళ్లుగా ఒక యూట్యూబ్‌ ఛానెల్‌ నిర్వహిస్తున్నాడు అతను. స్నేహితుల సహకారంతో నడిపిస్తున్న ఆ ఛానెల్‌కు 25 మిలియన్ల సబ్‌స్క్రయిబర్స్‌ ఉన్నారు కూడా. ఈ ఛానెల్‌ ద్వారా నెలకు అతని సంపాదన రూ. 9 కోట్లు అని, అన్‌బాక్సింగ్‌(కొత్త ప్రొడక్టుల డెమో, రివ్యూల) ద్వారా అతని ప్రత్యేక ఛానెల్‌ ద్వారా నెలకు మరో రూ.2.5 కోట్లు సంపాదిస్తున్నాడంటూ అక్కడి మీడియా ఛానెల్స్‌ కథనాలు ప్రచురిస్తుంటాయి.  అయితే..  సైన్స్‌ ఎక్స్‌పెరిమెంట్స్‌ మీద వీడియోలు తీసే అమిత్‌ శర్మ.. తాజాగా కాలనాగుతో ఓ వీడియో తీయాలని యత్నించాడట. ఆ ప్రయత్నంలోనే అది వేలిని కాటేసింది. కాసేపు అతను ఆ విషయాన్ని పెద్దగా పట్టించుకోలేదట. ఆపై విషం శరీరానికి వ్యాపించడంతో అతను ఆస్పత్రి పాలయ్యాడు. బాడీ మొత్తం పాము విషం వ్యాపించడంతో చావు బతుకుల్లో ఉన్నట్లు అతని స్నేహితులు ఓ వీడియోను పోస్ట్‌ చేశారు. అతను ప్రాణాపాయం నుంచి బయటపడాలని, త్వరగా  కోలుకోవాలని ప్రార్థించాలని వ్యూయర్స్‌ను, సబ్‌స్క్రయిబర్స్‌ను కన్నీళ్లతో వాళ్లు కోరారు. అమిత్‌ శర్మ వీడియోలకు అక్కడ క్రేజ్‌ ఉంది. అతను బతకాలని, త్వరగా కోలుకుని మళ్లీ వీడియోలు తీయాలని అతని ఫాలోవర్స్‌ పోస్టులు పెడుతున్నారు.


  ప్రేమ క్షణంలో పుడుతుంది. కానీ ఆ ప్రేమను వ్యక్తపరచడానికి చాలా సమయం పడుతుంది. ఆ ప్రేమను ఎలా చెప్పాలన్న సందిగ్ధం.. అవతలి వ్యక్తి ఎలా స్పందిస్తారో అన్న సంశయం.. నిరాకరిస్తారేమోనన్న భయం.. నో అంటుందో.. చెంప చెల్లు మనిపిస్తుందోనన ్న అయోమయం.. వెరసి ప్రేమికులు ఉక్కిరిబిక్కిరి కావడం ఖాయం! అందుకే ప్రేమ ప్రపోజల్‌ని లైఫ్ అండ్ డెత్ క్వశ్చన్‌గా ఫీలవుతుంటారు యూత్.
  
  ఐ లవ్ యూ.. పలకడానికి చిన్న వాక్యమే. మనసు నిండా దాచుకున్న ప్రేమ.. పెదవుల దగ్గరికి వచ్చేసరికి నాలుక మడతలో రోజులకు రోజులు నానుతుంది. తీరా ప్రేమను తెలిపే సమయం వచ్చినప్పుడు ఆ మూడు ముక్కలు ముప్పుతిప్పలు పెట్టి మూడు చెరువుల నీళ్లు తాగిస్తాయి. అప్పటి వరకు లబ్‌డబ్ అంటూ కొట్టుకున్న గుండె..దడదడల తాళం వేస్తుంది. గడగడా గ్యాప్ లేకుండా మాట్లాడే నోరు.. తడారి తడబడుతుంది. ధైర్యముంటే..దక్కుతుంది..అంటూ తొలివలపు ప్రోత్సహిస్తున్నా.. తొందరెందుకంటూ మనసు వెనక్కి తోస్తూ ప్రపోజల్‌కు అడ్డు తగులుతుంది. ఒక్కసారి అధిగమించామా.. ఇక మీ ఎద లయ లవ్‌ల వ్‌గా మారిపోతుంది.
  
  ప్రేమపక్షులు..
  ప్రేమ అన్నది ఒకప్పుడు గుండె గడప దాటి బయటకు రావడానికి చాలా సమయమే పట్టేది. అబ్బాయిలు ఎలాగో తంటాలుపడి ప్రేయసి చెవిన వేసినా.. చాలామంది అమ్మాయిలు తమ ప్రేమను మనసుకే పరిమితం చేసుకునేవారు. ఈ రోజుల్లో అమ్మాయిలూ తమ ప్రేమను ధైర్యంగా వ్యక్తపరుస్తున్నారు. యువతీ యువకులు పరస్పరం భావాలను వెల్లడించుకుంటున్నారు. ప్రేమపక్షుల్లా మారి విహరిస్తున్నారు. పెళ్లి పీటలు ఎక్కి ప్రేమను పండించుకుంటున్నారు.
  ..:: సమీర నేలపూడి
  
  ఐ ఫీల్ లవ్..
  ప్రేమ యాత్ర మొదలయ్యేది ప్రపోజల్‌తోనే. ఐ లవ్యూ అన్న మాటకు ఐ టూ లవ్యూ అన్న జవాబు దొరికిన క్షణం.. ఈ ప్రపంచాన్నే జయించినంత ఆనందం.. అయితే మన ప్రపోజల్ కచ్చితంగా అవతలి వారిని ఇంప్రెస్ చేయాలంటే ప్రేమ వ్యక్తీకరణ దగ్గర్నుంచి.. వ్యక్తం చేసే ప్రదేశం, అక్కడి వాతావరణం కూడా ముఖ్యమే. అందుకే ‘మన్మథుడు’లో నాగార్జున సోనాలీ బింద్రేతో అంటాడు.. ‘నేనెవరినైనా ప్రేమిస్తే ఐఫిల్ టవర్ మీద ప్రపోజ్ చేస్తాను, ఇంత ఎత్తులో అయితే నో చెప్పలేదు’ అని. అవును మరి. అవతలివారు నో అనలేని అందమైన ప్రదేశాలను ఎంచుకుని, అక్కడ మనసు విప్పితే.. అవతలివారు ఇంప్రెస్ అవక తప్పదు. అలా అని నాగార్జునలా ప్యారిస్ వెళ్లాల్సిన పనిలేదు.
  
  ఎంతో అందమైన, ప్రపోజల్‌కు అనువైన ప్రదేశాలు మన సిటీలో చాలానే ఉన్నాయి. ట్యాంక్ బండ్, ఓరిస్ తాన్‌సేన్, దుర్గం చెరువు, గోల్కొండ, గండిపేట, షామీర్‌పేట్ లేక్, బోలెడన్ని కాఫీ షాపులు, అందమైన ఉద్యానవనాలు ఉన్నాయి మన భాగ్యనగరంలో. మీ లవర్ టేస్ట్‌ని బట్టి ప్లేస్‌ని ఎంచుకోండి. ప్లజెంట్‌గా ప్రేమని ప్రపోజ్ చేసెయ్యండి. ఆల్ ద బెస్ట్!
  
  ఇవి మర్చిపోకండి!
   మీరు ప్రపోజ్ చేస్తున్న వ్యక్తి మీకు తెలిసినవారే అయితే సమస్య లేదు. కానీ మీరు రహస్యంగా ప్రేమించి, తొలిసారిగా తనని కలసి ప్రపోజ్ చేయబోతుంటే మాత్రం జాగ్రత్త. ఫస్ట్ ఇంప్రెషన్ ముఖ్యం కాబట్టి డ్రెస్సింగ్ బాగుండాలి.
  
  చెప్పాల్సిన విషయం నసుగుతూ కాకుండా సూటిగా చెప్పండి.నేల చూపులు చూసేవాళ్ల మీద మంచి అభిప్రాయం కలగదు. అలాగే అటూ ఇటూ చూస్తూ మాట్లాడటమూ కరెక్ట్ కాదు. మనుషులు దగ్గరవ్వాలంటే ఐ కాంటాక్ట్ చాలా అవసరం. కాబట్టి తన కళ్లలోకి చూసి మాట్లాడండి.
  
  గ్రీటింగ్ కార్డ్, పువ్వులు, రింగ్.. ఏదో ఒకటి ఇచ్చే ఎందుకు ప్రపోజ్ చేస్తారో తెలుసా? ఒకవేళ అప్పటికి తాను జవాబు ఇవ్వలేకపోయినా, తర్వాత దాన్ని చూసినప్పుడల్లా మీ ప్రపోజల్ తనకి గుర్తొస్తుంది. కాబట్టి తప్పకుండా గిఫ్ట్ ఇవ్వండి. అయితే అది రిచ్‌గా ఉండటం కంటే, తనని ఆకట్టుకునేలా ఉండటం ముఖ్యం.
  
  నీ నిర్ణయం ఏదైనా నాకు సమ్మతమే, నేను నిన్ను బలవంత పెట్టడం లేదు అన్న భావాన్ని తప్పక వ్యక్తపర్చండి. దాన్నిబట్టి మీరు తన అభిప్రాయానికి విలువ ఇచ్చే మనిషని తనకు అర్థమవుతుంది. అన్నిటికంటే ముఖ్యం.. తను పొరపాటున నో అంటే నవ్వుతూ స్వీకరించండి. వీలైతే మరోసారి ఆలోచించమని చెప్పి వెళ్లిపోండి. అంతేకానీ తనను బలవంతపెట్టి, ఇబ్బందిపెట్టి మీ ప్రేమను అగౌరవపరచుకోకండి.