టాలీవుడ్లో మరో ఇంట్రస్టింగ్ కాంబినేషన్లో సినిమా తెరకెక్కనుంది. ఒకప్పటి హీరోయిన్ రేవతి త్వరలో ఓ తెలుగు సినిమాకు దర్శకత్వం వహించనుంది. పలు సందేశాత్మక చిత్రాలను తెరకెక్కించిన రేవతి తెలుగులో కమర్షియల్ సినిమా చేయనుందట. ఇప్పటికే ఈ సినిమాకు సంబందించిన కథా చర్చలు కూడా ప్రారంభమయ్యాయన్న టాక్ వినిపిస్తుంది.
 
 ఈ సినిమాకు టాలీవుడ్ స్టార్ డైరెక్టర్ పూరి జగన్నాథ్ కథా స్క్రీన్ ప్లే అందిస్తున్నాడు. ప్రస్తుతం రేవతి పూరి దర్శకత్వంలో తెరకెక్కుతున్న 'లోఫర్' (వర్కింగ్ టైటిల్) సినిమాలో నటిస్తుంది. ఈ సినిమా సమయంలోనే తన స్టోరి ఐడియా వినిపించిన పూరి రేవతిని ఆ సినిమాను డైరెక్ట్ చేయాల్సిందిగా కోరాడట, అందుకు రేవతి కూడా అంగీకరించటంతో త్వరలోనే ఈ ప్రాజెక్ట్ పట్టాలెక్కా ఛాన్స్ కనిపిస్తుందంటున్నారు.
 
 పూరి స్వయంగా నిర్మిస్తున్న ఈ సినిమాకు హీరోయిన్ చార్మీ సహనిర్మాతగా వ్యవహరించనుంది. గతంలో 'జ్యోతిలక్ష్మీ' సినిమాతో నిర్మాతగా మారిన ఈ బ్యూటి, మరోసారి తన అదృష్టాన్ని పరిక్షించుకోనుంది. 'ఉయ్యాల జంపాల', 'సినిమా చూపిస్త మామ' లాంటి వరుస హిట్స్ తో మంచి ఫాంలో కనిపిస్తున్న రాజ్ తరుణ్ ఈ సినిమాలో హీరోగా నటించనున్నాడు. తెలుగులో నటిగా మంచి గుర్తింపు తెచ్చుకున్న రేవతి దర్శకురాలిగా ఎలాంటి రిజల్ట్ ఇస్తుందో చూడాలి.


 పూరి జగన్నాథ్ తన తదుపరి సినిమా టైటిల్ ను మార్చే ఆలోచనలో ఉన్నాడట. గురువు రామ్గోపాల్వర్మ సూచన మేరకు వరుణ్తో చేస్తున్న సినిమాకు సాఫ్ట్ టైటిల్ పెట్టాలని భావిస్తున్నాడట. ఇన్నాళ్లు ఆ సినిమా కోసం 'లోఫర్' అనే టైటిల్ను పరిశీలించినా, ఇప్పుడు ఆ టైటిల్ మార్చాలని ఫిక్స్ అయ్యాడట.
 
 ప్రస్తుతం 'కంచె' రిలీజ్ కోసం వెయిట్ చేస్తున్నాడు వరుణ్ తేజ్. తొలి సినిమా 'ముకుంద'తో పాటు కంచె కూడా తనకు మాస్ ఇమేజ్ తీసుకురాదని తెలిసిన వరుణ్, పూరితో పక్కా కమర్షియల్ ఎంటర్టైనర్ చేస్తున్నాడు. అయితే ఈ సినిమాకు తొలుత 'లోఫర్' అన్న టైటిల్ నిర్ణయించినా, ప్రస్తుతానికి 'మా అమ్మ సీతామాలక్ష్మీ' అనే టైటిల్ ను పరిశీలిస్తున్నారు. గతంలో 'అమ్మ నాన్న ఓ తమిళమ్మాయి' పేరుతో అమ్మ సెంటిమెంట్ పండించిన పూరి, మరోసారి అదే ఫార్ములను రిపీట్ చేస్తున్నాడు.