అనంతపురం సెంట్రల్‌: ప్రేమ పేరుతో యువతిని మోసం చేసినట్లు నమోదైన కేసులో నిందితుడైన కానిస్టేబుల్‌కు రిమాండ్‌ విధించారు. పోలీసులు తెలిపిన వివరాల మేరకు... కదిరిలో పనిచేస్తున్న కానిస్టేబుల్‌ వీరనారాయణకు ఇది వరకే పెళ్లయ్యింది. అయినా గుత్తికి చెందిన ఓ యువతిని ప్రేమ పేరుతో మోసం చేశారు. బాధిత యువతి ఎస్సీకి ఫిర్యాదు చేయడంతో ఎస్పీ ఆదేశాల మేరకు అనంతపురం టూటౌన్ పోలీసులు సదరు కానిస్టేబుల్‌పై కేసు నమోదు చేశారు. సోమవారం కోర్టులో హాజరు పరచగా మెజిస్ట్రేట్‌ డిసెంబర్‌ 8 వరకు రిమాండ్‌కు ఆదేశించారు.