మరో మూడు రజతాలు
  సాక్షి, హైదరాబాద్: పాటియాలాలో జరుగుతున్న సీనియర్ నేషనల్ వెయిట్ లిఫ్టింగ్ పోటీల్లో విజయనగరానికి చెందిన ఎం. రామకృష్ణ సత్తా చాటాడు. ఓ స్వర్ణం, రెండు రజతాలతో మెరిశాడు. స్నాచ్ (126 కేజీ)లో పసిడిని సాధించిన రామకృష్ణ... జర్క్ (157 కేజీ)లో రజతం నెగ్గాడు. ఓవరాల్‌గా మొత్తం 283 కేజీల బరువు ఎత్తి మరో రజత పతకాన్ని సొంతం చేసుకున్నాడు. మరోవైపు ఇంటర్ స్టేట్ టోర్నమెంట్‌లోనూ రామకృష్ణ రజతం సంపాదించాడు.