గుంటూరు జిల్లా సత్తెనపల్లిలో శనివారం ఆటో - ట్రాక్టర్ డీ కొన్నాయి. ఆ ప్రమాదంలో 10 మంది గాయపడ్డారు. స్థానికులు వెంటనే స్పందించి పోలీసులకు సమాచారం అందించారు. పోలీసులు హుటాహుటిన సంఘటన స్థలానికి చేరుకుని క్షతగాత్రులను స్థానిక ఆసుపత్రికి తరలించారు. అయితే వారిలో ఐదుగురి పరిస్థితి విషమంగా ఉందని వైద్యులు వెల్లడించారు. దాంతో క్షతగాత్రులను గుంటూరులోని జిల్లా ప్రభుత్వ ఆసుపత్రికి తరలించారు. పోలీసుల కేసు నమోదు చేసి దర్యాప్తు చేస్తున్నారు. ప్రమాదంలో గాయపడిన వారంతా ముప్పాళ్ల మండలం మాదల గ్రామస్తులని పోలీసులు తెలిపారు.