హైదరాబాద్, న్యూస్‌లైన్: ప్రముఖ బాలీవుడ్ నటుడు ఆమిర్‌ఖాన్, జస్టిస్ రాజేంద్ర సచార్‌లు మౌలానా ఆజాద్ జాతీయ ఉర్దూ విశ్వవిద్యాలయం(మనూ) 2013 విద్యా సంవత్సరానికి ఇచ్చే గౌరవ డాక్టరేట్లకు ఎంపికయ్యారు. ఈ నెల 24న హైదరాబాద్ గచ్చిబౌలి శాంతి సరోవర్‌లోని గ్లోబల్ పీస్ ఆడిటోరియంలో జరిగే వర్సిటీ 5వ స్నాతకోత్సవంలో వారికి డాక్టరేట్లను ప్రదానం చేస్తారు. ఈ కార్యక్రమంలో కేంద్ర మంత్రి పల్లంరాజు ముఖ్య అతిథిగా పాల్గొంటారు.