టాలీవుడ్‌ మెగాస్టార్‌ చిరంజీవి కొత్త సినిమా షూటింగ్‌ ఇప్పటికే ప్రారంభమైంది. మెగా 156గా తెరకెక్కుతున్న ఈ చిత్రానికి 'విశ్వంభర' అనే పేరు ఖారారు చేయనున్నారు. ఈ చిత్రాన్ని  ‘బింబిసార’ ఫేమ్‌ వశిష్ట దర్శకత్వం వహిస్తుండగా... యు.వి.క్రియేషన్స్‌ పతాకంపై విక్రమ్‌, వంశీ, ప్రమోద్‌ నిర్మిస్తున్నారు. షూటింగ్‌ ప్రారంభమే పోరాట ఘట్టాలతో మొదలైంది.  ఈ సినిమా షూటింగ్ జరుగుతుండగానే తెలంగాణ ఎన్నికల్లో ఓటేసేందుకని చిరంజీవి  ఇటీవల విరామం తీసుకుని హైదరాబాద్ వచ్చారు. ఈ సినిమా  ప్రత్యేకమైన ఓ ఊహా ప్రపంచం నేపథ్యంలో సాగనుంది. చిరంజీవి సరసన పలువురు కథానాయికలు నటించే అవకాశాలున్నాయి. నిజానికి ఈ సినిమాలో సీనియర్ హీరోయిన్ అనుష్క శెట్టి ఒక్కరే హీరోయిన్ అని గతంలోనే బయటకు వచ్చింది.  కానీ ఇప్పుడు తెరపైకి త్రిష పేరు బయటకు వచ్చింది. అనుష్క శెట్టి ఆశించిన స్థాయిలో బరువు తగ్గకపోవడంతో ఆ ఛాన్స్‌ త్రిషకు దక్కినట్లు తెలుస్తోంది.  పొన్నియన్ సెల్వన్,లియో వంటి చిత్రాలతో పాన్‌ ఇండియా రేంజ్‌లో త్రిషకు కూడా గుర్తింపు ఉంది. కానీ చాలా రోజుల నుంచి ఆమె టాలీవుడ్‌లో కూడా రీ ఎంట్రీ ఇవ్వాలని ఎదురు చూస్తుంది. మెగాస్టార్‌ చిత్రంతో వస్తున్న ఈ అవకాశాన్ని ఆమె ఉపయోగించుకోవాలని చూస్తుందట. అప్పట్లో, త్రిష, చిరంజీవి కాంబినేషన్‌లో స్టాలిన్‌ చిత్రం ద్వారా మెప్పించారు. తర్వాత ఆచార్య సినిమాతో మరోసారి ఆచార్య సినిమాలో వీరిద్దరూ కలిసి నటించనున్నారనే వార్తలు వచ్చాయి. కానీ  క్రియేటివ్ డిఫరెన్స్ కారణంగా త్రిష స్థానంలో కాజల్ అగర్వాల్‌ని తీసుకున్నారు.  ఏది ఏమైనా చిరు సినిమాలోకి త్రిష ఎంట్రీకి సంబంధించి అఫీషియల్ అప్ డేట్ వచ్చే వరకు వేచి చూడాల్సిందే. మెగా 156లో విజువల్‌ ఎఫెక్ట్స్‌కి ప్రాధాన్యం ఎక్కువగా ఉంది. ఈ సినిమాలో చిన్నారుల్ని అలరించే అంశాలు పుష్కలంగా ఉంటాయని తెలుస్తోంది. ఈ సినిమా కోసం చిరంజీవి ప్రత్యేకంగా సన్నద్ధమవుతున్నారు. ఎం.ఎం. కీరవాణి స్వరాలు సమకూరుస్తున్నారు. ఛోటా కె.నాయుడు ఛాయాగ్రాహకుడు.

మెగాస్టార్ చిరంజీవి ఈ ఏడాది అస్సలు మర్చిపోలేడు. ఎందుకంటే 'వాల్తేరు వీరయ్య' లాంటి సూపర్‌హిట్ పడింది. మర్చిపోలేని రీతిలో 'భోళా శంకర్' డిజాస్టర్ అయింది. దీంతో తర్వాత మూవీస్ విషయంలో ఆచితూచి వ్యవహరిస్తున్నాడు. అలా ఇప్పుడు ఓ కొత్త మూవీని లాంచ్ చేశాడు. ఇందులోనే రామ్ చరణ్ ఫ్రెండ్, ఓ తెలుగు హీరో విలన్ గా చేయబోతున్నాడట. దాదాపు పదేళ్ల సినిమాకు బ్రేక్ ఇచ్చిన చిరంజీవి.. 2017లో 'ఖైదీ నం.150' అనే కమర్షియల్ మూవీతో రీఎంట్రీ ఇచ్చారు. అది హిట్ అయింది. ఆ తర్వాత చేసిన 'సైరా' తేడా కొట్టేసింది. ఇక 'గాడ్‌ఫాదర్' కలెక్షన్ తెచ్చుకున్నప్పటికీ హిట్ కాలేకపోయింది. వాల్తేరు వీరయ్య, భోళా శంకర్ గురించి ఇప్పటికే చెప్పుకున్నాం. వీటి తర్వాత కల్యాణ్ కృష్ణ దర్శకత్వంలో చిరు సినిమా చేయాలి. కానీ దాన్ని పక్కనబెట్టేశారు. (ఇదీ చదవండి: పవన్ మతిమరుపు.. సొంత సినిమా గురించే మర్చిపోయాడు!) 'బింబిసార' ఫేమ్ వశిష‍్ట దర్శకత్వంలో సినిమా చేస్తున్నాడు. దసరా సందర్భంగా మంగళవారం లాంఛనంగా ఈ ప్రాజెక్ట్ మొదలైంది. కీరవాణితో మ్యూజిక్ సిట్టింగ్స్ కూడా స్టార్ట్ చేశారు. ముల్లోకాల నేపథ్య కథతో తీస్తున్న ఈ ఫాంటసీ సినిమాలో చిరు డిఫరెంట్ లుక్స్‌లో కనిపించబోతున్నారు. రూ.200 కోట్ల బడ్జెట్ అనే టాక్ వినబడుతోంది.  ఇందులో చిరుకి విలన్‌గా రానా పేరు పరిశీలనలోకి వచ్చింది. ఇప్పటికే 'బాహుబలి'తో తానెంటో ప్రూవ్ చేసుకున్న రానా.. ఇప్పుడు చిరు సరసన హాలీవుడ్ మూవీ 'లోకీ' తరహా పాత్ర చేయబోతున్నాడని తెలుస్తోంది. ఒకవేళ ఇది నిజమైతే మాత్రం సినిమాపై హైప్ పెరగడం గ్యారంటీ. ఇదిలా ఉండగా చరణ్-రానా చిన్నప్పటి నుంచి ఫ్రెండ్స్, క్లాస్‪‌మేట్స్ కూడా.  (ఇదీ చదవండి: గాయపడిన 'లియో' డైరెక్టర్.. వాళ్లని కలవడానికి వెళ్లి!)

మెగా 157 ప్రాజెక్ట్‌ కాస్త నంబర్‌ మారి మెగా 156 అయిన విషయం తెలిసిందే. 'బింబిసార'తో అటు చిత్ర పరిశ్రమ, ఇటు ప్రేక్షకుల దృష్టిని ఆకర్షించిన దర్శకుడు వశిష్ఠ. తన రెండో సినిమాలోనే  మెగాస్టార్‌ లాంటి లెజెండ్‌ హీరోను డైరెక్టె చేసే ఛాన్స్‌ దక్కించుకున్నాడు.  ఇటీవల నిర్వహించిన ‘సైమా’ (SIIMA) వేడుకల్లో ఉత్తమ పరిచయ దర్శకుడిగా 'బింబిసార' సినిమాతో వశిష్ఠ అవార్డు అందుకున్నారు. (ఇదీ చదవండి: పవన్‌ కల్యాణ్‌ సీఎం కావాలని నేను ఎప్పటికీ కోరుకోను ఎందుకంటే: రేణు దేశాయ్‌) దసరా పండుగ సందర్భంగా ఈ సినిమాకు పనిచేస్తున్న ప్రధాన టీమ్‌ను ఒక వీడియో ద్వారా యూవీ క్రియేషన్స్‌ మేకర్స్‌ ప్రకటించారు. అందులో ప్రముఖ సంగీత దర్శకుడు ఎమ్‌ఎమ్‌ కీరవాణితో వీడియో ప్రారంభం అవుతుంది. ఆపై మెగాస్టార్‌ తన సతీమణి సురేఖతో కలిసి పూజ కార్యక్రమాన్ని ప్రారంభించారు. ఈ చిత్రానికి కెమెరామెన్‌గా  చోటా కె. నాయుడు ఉన్నారు. సాయి మాధవ్ బుర్ర డైలాగ్స్‌ అందిస్తుండగా.. ఆస్కార్‌ అవార్డ్‌ విన్నర్‌ చంద్రబోస్‌ గేయ రచయితగా ఉన్నారు. ఇందులో ఆరు పాటలు ఉంటాయని కీరవాణి తెలిపారు. కాస్ట్యూమ్స్‌ సుష్మిత కొణిదెల,ఏడిటర్‌ కోటగిరి వెంకటేశ్వర రావు వంటి వారు మెగా 156 ప్రాజెక్ట్‌లో భాగమయ్యారు. త్వరలో ఈ చిత్రానికి టైటిల్‌ కూడా ప్రకటించనున్నారు.

మెగాస్టార్ చిరంజీవి భోళాశంకర్ భారీ డిజాస్టర్‌ తర్వాత రెండు చిత్రాలను ప్రకటించారు. ఇందులో మెగా 156 చిత్రాన్ని తన కుమార్తె సుష్మిత నిర్మాణ సారథ్యంలో తెరకెక్కించాలని ఆయన ప్లాన్‌ చేశారు. మరోకటి మెగా 157 చిత్రాన్ని యూవీ క్రియేషన్స్‌లో బింబిసార డైరెక్టర్‌ వశిష్టతో స్కెచ్‌ వేశారు. కానీ ఇక్కడ చిరు చిన్న మార్పు చేశారు. మెగా 157వ చిత్రంపైనే ఆయన ఎక్కువ ఫోకస్‌ పెట్టారు. డైరెక్టర్‌ వశిష్ట కథ పట్ల ఆయనకు భారీ నమ్మకం ఏర్పడ్డాకే ఈ నిర్ణయం తీసుకున్నట్లు తెలుస్తోంది. ఈ నేపథ్యంలో మెగా 156 చిత్రాన్ని వదిలేసి మెగా 157 ప్రాజెక్ట్‌పైనే ఆయన ఫోకస్‌ పెట్టారు. కాబట్టి ఇప్పుడు వశిష్ట డైరెక్ట్‌ చేస్తున్న సినిమానే ముందుగా విడుదలవుతుందని క్లారిటీ ఇచ్చేశారు. అందులో భాగంగానే తాజాగా ఆ ప్రాజెక్ట్‌ను మెగా 156 అని ఒక పోస్టర్‌ను వశిష్ఠ షేర్‌ చేశారు. మెగాస్టార్‌-వశిష్ఠ ఈ క్రేజీ ప్రాజెక్ట్‌లో సంగీత దర్శకుడిగా ఎమ్‌ఎమ్‌ కీరవాణి భాగమయ్యారు. సాయి మాధవ్ బుర్ర డైలాగ్స్‌ అందిస్తుండగా  చోటా కె. నాయుడు కెమెరామెన్‌గా ఉన్నారు. ఇక మెగా 156 గురించి మాట్లాడుకుంటే.. ఈ సినిమాకు సోగ్గాడే చిన్నినాయన దర్శకుడు కళ్యాణ్ కృష్ణ దర్శకత్వం వహిస్తున్నాడని వార్తలు వచ్చాయి. ఇప్పటికే స్క్రిప్ట్ కూడా రెడీ అయిందని, త్వరలో  ఆ డైరెక్టర్‌ని చిరునే అధికారికంగా ప్రకటిస్తాడని అనుకున్నారు. అయితే దసరా రోజున అభిమానులకు షాకిచ్చే న్యూస్ చెప్పాడు చిరు. తన లైన్లో మెగా 156 లేదు అంటూ తెలిపాడు. మెగా 157 గా తెరకెక్కుతున్న వశిష్ట సినిమానే మెగా 156 గా మార్చినట్లు అధికారికంగా ప్రకటించారు. దీంతో మెగా 156 పై పలు అనుమానాలు వ్యక్తమవుతున్నాయి.  #Mega156 begins 🔥 దసరా శుభాకాంక్షలు 🏹 Mega Star @KChiruTweets @mmkeeravaani @NaiduChota @saimadhav_burra @UV_Creations pic.twitter.com/sMsVhXnbAj — Vassishta (@DirVassishta) October 23, 2023

మెగాస్టార్ చిరంజీవి నుంచి వచ్చిన 'భోళా శంకర్' సినిమా సాధారణ ప్రేక్షకులకే కాదు మెగా ఫ్యాన్స్‌కి కూడా నచ్చలేదని చెప్పవచ్చు. దీంతో చిరుతో పాటు దర్శకుడు మెహర్ రమేశ్‌పైనా  విమర్శలు వచ్చాయి. మెగస్టార్‌ లాంటి పెద్ద నటుడితో సినిమా తీస్తున్నప్పుడు కనీస జాగ్రత్తలు కూడా తీసుకోలేదని ఆయనపై విమర్శలు వచ్చాయి. అంతేకాకుండా చిరంజీవి కూడా రీమేక్స్ సినిమాలను మరోసారి తీయకండని ఫ్యాన్స్‌ కూడా కోరారు. (ఇదీ చదవండి: సీఎం యోగి పాదాలను తాకడంపై క్లారిటీ ఇచ్చిన రజనీకాంత్‌) దీంతో ఆయన నుంచి వచ్చే కొత్త ప్రాజెక్ట్‌లు ఎలా ఉంటాయని అందరిలోనూ ఉత్కంఠత నెలకొంది. ఇందులో భాగంగా యూవీ క్రియేషన్స్‌ నుంచి చిరంజీవి తర్వాతి సినిమా ఉంటుందని అధికారికంగా ప్రకటించారు. అందుకు సంబంధించిన కథను 'బింబిసార' మూవీ ఫేమ్ డైరెక్టర్ వశిష్ఠ  కథను రెడీ చేశారు. మెగా 157 సినిమాను వశిష్ఠ  డైరెక్ట్‌ చేస్తున్నట్లు అధికారికంగా ప్రకటంచారు. సోషియో ఫాంటసీగా ఈ సినిమా రాబోతున్నట్లు తెలుస్తోంది. పోస్టర్‌లో పంచభూతాల గుర్తులను వశిష్ట చూపించాడు.  టైటిల్‌ ఇదేనా..? డైరెక్టర్‌ వశిష్ఠ, మెగాస్టార్ కాంబో నుంచి వస్తున్న ఈ సినిమా సోషియో ఫాంటసీ నేపథ్యంలో అనగా అంజి, జగదేక వీరుడు అతిలోక సుందరి సినిమాల మాదిరిగా ఉండబోతోందని సమాచారం. ఆ సినిమాలో శ్రీదేవి దేవకన్యలా భూమి మీదకు వచ్చి మానవుడైనా చిరంజీవిని ప్రేమించగా. అప్పుడు ఎదురైన ఇబ్బందులను చిరు ఎలాంటి ఇబ్బందులు ఫేస్‌ చేశాడో చూశాం. (ఇదీ చదవండి: చిరంజీవిని మెప్పించిన డైరెక్టర్‌ వశిష్ఠ గురించి పూర్తి వివరాలు) ఇక్కడ కూడా అలాంటి కాన్సెప్ట్‌తో కొందరు దేవకన్యలు భూమిపైకి రావడం వంటి ముఖ్యమైన కాన్సెప్ట్‌తో మెగా 157 ఉండనున్నట్లు సమాచారం. పంచభూతాలను చిరు ఎలా అధిగమిస్తాడనే కథాంశం మీద స్టోరీ లైన్‌ ఉండవచ్చు. ఈ సినిమాలో చాలామంది హీరోయిన్స్ కనిపిస్తారని తెలుస్తోంది. మరి ఆ హీరోయిన్లు ఎవరు అన్నది అయితే తెలియాల్సి ఉంది. కాగా ఈ సినిమాకు 'ముల్లోక వీరుడు' అనే టైటిల్ ని కూడా ఫిక్స్ చేసినట్టుగా కూడా వార్తలు వినిపిస్తున్నాయి. #Mega157 🔮 This time, its MEGA MASS BEYOND UNIVERSE ♾️ The five elements will unite for the ELEMENTAL FORCE called MEGASTAR ❤️‍🔥 Happy Birthday to MEGASTAR @KChiruTweets Garu ❤️@DirVassishta @UV_Creations#HBDMegastarChiranjeevi pic.twitter.com/llJcU6naqX — UV Creations (@UV_Creations) August 22, 2023