పోలాండ్‌ టెన్నిస్‌ స్టార్‌ స్వియాటెక్‌ మయామి ఓపెన్‌ డబ్ల్యూటీఏ–1000 టోర్నీ ఫైనల్లో 6–4, 6–0తో మాజీ నంబర్‌వన్‌ నయోమి ఒసాకా (జపాన్‌)పై నెగ్గి విజేతగా నిలిచింది. ఈ సీజన్‌లో స్వియాటెక్‌కిది వరుసగా మూడో ప్రీమియర్‌ టైటిల్‌ (ఖతర్‌ ఓపెన్, ఇండియన్‌ వెల్స్‌ ఓపెన్, మయామి ఓపెన్‌) కావడం విశేషం. సెరెనా (అమెరికా–2013లో), వొజ్నియాకి (డెన్మార్క్‌–2010లో) తర్వాత ఒకే సీజన్‌లో వరుసగా మూడు డబ్ల్యూటీఏ–1000 టైటిల్స్‌ నెగ్గిన మూడో ప్లేయర్‌గా స్వియాటెక్‌ గుర్తింపు పొందింది.


 ఎనిమిదోసారి ‘మియామి’ టైటిల్ సొంతం
  
 ఫ్లోరిడా : మహిళల టెన్నిస్ ప్రపంచ నంబర్‌వన్ సెరెనా విలియమ్స్ తన కెరీర్‌లో 66వ సింగిల్స్ టైటిల్‌ను సొంతం చేసుకుంది. మియామి ఓపెన్ డబ్ల్యూటీఏ ప్రీమియర్ టోర్నీలో ఈ అమెరికా స్టార్ ఎనిమిదోసారి విజేతగా నిలిచింది. ఏకపక్షంగా జరిగిన ఫైనల్లో సెరెనా 6-2, 6-0తో కార్లా స్యురెజ్ నవారో (స్పెయిన్)పై గెలిచింది.
 
 విజేతగా నిలిచిన సెరెనాకు 9,00,400 డాలర్ల ప్రైజ్‌మనీ (రూ. 5 కోట్ల 77 లక్షలు)తోపాటు 1000 ర్యాంకింగ్ పాయింట్లు లభించాయి. టైటిల్ సాధించిన క్రమంలో సెరెనా ఒకే టోర్నీని ఎనిమిదిసార్లు నెగ్గిన నాలుగో క్రీడాకారిణిగా గుర్తింపు పొందింది. గతంలో ఈ ఘనతను మార్టినా నవ్రతిలోవా (చికాగో ఓపెన్-12 సార్లు), స్టెఫీ గ్రాఫ్ (బెర్లిన్ ఓపెన్-9 సార్లు), క్రిస్ ఎవర్ట్ (హిల్టర్ హెడ్ ఓపెన్-8 సార్లు) సాధించారు.