న్యూఢిల్లీ: దేశీ మొబైల్‌ హ్యాండ్‌సెట్స్‌ తయారీ కంపెనీ ‘మైక్రోమ్యాక్స్‌’ తాజాగా ప్రీమియం హ్యాండ్‌సెట్స్‌ విభాగంలోకి అడుగుపెట్టింది. ‘డ్యూయెల్‌ 5’ అనే స్మార్ట్‌ఫోన్‌ను మార్కెట్‌లోకి తీసుకువచ్చింది. దీని ధర రూ.24,999. కొత్త స్మార్ట్‌ఫోన్‌లో మూడు 13 ఎంపీ కెమెరాలు (రెండు వెనుక భాగంలో, ఒకటి ముందు భాగంలో) ఉన్నాయి. ఇందులో క్వాల్‌కామ్‌ స్నాప్‌డ్రాగన్‌ ప్రాసెసర్, 4 జీబీ ర్యామ్, 128 జీబీ ఇంటర్నల్‌ మెమరీ, 5.5 అంగుళాల స్క్రీన్, 3,200 ఎంఏహెచ్‌ బ్యాటరీ వంటి పలు ప్రత్యేకతలున్నాయని కంపెనీ పేర్కొంది.
 
  ఇవి ఏప్రిల్‌ 10 నుంచి కస్టమర్లకు అందుబాటులోకి వస్తాయని తెలిపింది. ‘ప్రీమియం స్మార్ట్‌ఫోన్‌ విభాగంలో ప్రధానమైన కంపెనీగా అవతరించాలని ప్రయత్నిస్తున్నాం. ఇక నుంచి అన్ని మైక్రోమ్యాక్స్‌ ఫోన్లు 4జీ ఫీచర్‌తోనే మార్కెట్‌లోకి వస్తాయి. 2017–18లో 20–25 శాతం వ్యాపార వృద్ధిని ఆశిస్తున్నాం’ అని సంస్థ సహ వ్యవస్థాపకుడు రాహుల్‌ శర్మ తెలిపారు. మైక్రోమ్యాక్‌ కంపెనీ తొలి 4జీ ఫీచర్‌ ఫోన్‌ ‘భారత్‌–1’ను మార్కెట్‌లోకి తీసుకురానుంది. వీటి ప్రారంభ ధర రూ.1,999 ఉండొచ్చని అంచనా.


 చైనా కంపెనీలకు ధీటుగా డ్యూయల్ కెమెరా స్మార్ట్ ఫోన్ రేస్లోకి మైక్రోమ్యాక్స్ వచ్చేసింది. డ్యూయల్ 5 పేరుతో బుధవారం ఓ కొత్త స్మార్ట్ ఫోన్ ను లాంచ్ చేసింది. దీని ధర రూ.24,999గా కంపెనీ నిర్ణయించింది. ఏప్రిల్ 10 నుంచి ఫ్లిప్ కార్ట్ ద్వారా ఈ ఫోన్ విక్రయాలను కంపెనీ ప్రారంభించనుంది. ఫ్లిప్ కార్ట్ తో పాటు మైక్రోమ్యాక్స్ ఈ-స్టోర్, ఆఫ్ లైన్ స్టోర్లలోనూ డ్యూయల్ 5 అందుబాటులోకి రానుంది. కంపెనీ సైట్ ద్వారా ఈ ఫోన్ ముందస్తు రిజిస్ట్రేషన్లను మైక్రోమ్యాక్స్ ప్రారంభించింది. డ్యూయల్ కెమెరా సెటప్ దీనిలో ప్రధాన ఆకర్షణ. ఈ రెండు కెమెరాలు 13 మెగాపిక్సెల్ సెన్సార్ నే కలిగి ఉన్నాయి. ఫ్రంట్ కెమెరా కూడా 13 మెగాపిక్సెల్ నే కలిగి ఉంది. డ్యూయల్ సిరీస్ లో ఇదే తొలి స్మార్ట్ ఫోన్. త్వరలోనే డ్యూ4ను మార్కెట్లోకి తేనున్నట్టు కంపెనీ ప్రకటించింది.  
  
 మైక్రోమ్యాక్స్ డ్యూయల్ 5 ఫీచర్లు....
 5.50 అంగుళాల ఫుల్ హెచ్డీ అమోలెడ్ డిస్ ప్లే
 1080x1920 పిక్సెల్స్ రెజుల్యూషన్
 ముందు వైపు గొర్రిల్లా గ్లాస్ 3 స్క్రీన్
 వెనుకవైపు ఫింగర్ ప్రింట్ స్కానర్
 1.4గిగాహెడ్జ్ ఆక్టా-కోర్ ప్రాసెసర్
 4జీబీ ర్యామ్
 128జీబీ ఇంటర్నెల్ స్టోరేజ్
 3200 ఎంఏహెచ్ బ్యాటరీ
 13ఎంపీతో రెండు వెనుక కెమెరాలు
 13ఎంపీతో ఫ్రంట్ కెమెరా
 ఆండ్రాయిడ్ 6.0 మార్ష్ మాలో
 4జీ, వాయిస్ ఓవర్ ఎల్టీఈ సపోర్టు