ఖమ్మం కల్చరల్‌: ప్రతిష్టాత్మకమైన ‘మిస్‌ వరల్డ్‌ కెనడా–2017’పోటీల్లో ఖమ్మం జిల్లా వైరా మండలానికి చెందిన కల్యాణపు శ్రావ్య ఫైనల్‌కు అర్హత సాధించింది. కెనడాలోని టొరంటోలో జరుగుతున్న ఈ పోటీల్లో ప్రతిభ కనబరచి ఫైనల్‌ పోటీకి ఎంపికైంది. వైరాకు చెందిన అగ్రికల్చర్‌ ఆఫీసర్‌ రవికుమార్‌ కూతురైన శ్రావ్య స్థానికంగా ఏడో తరగతి వరకు చదివింది. ఉన్నత విద్యను ఆదిలాబాద్‌లో పూర్తి చేసుకుని.. ప్రస్తుతం కెనడాలో బీటెక్‌ మూడో సంవత్సరం చదువుతోం ది. అనుకోకుండా మిస్‌వరల్డ్‌ పోటీల్లో పాల్గొని ప్రతీ కేటగిరీలో విజయం సాధిస్తూ.. తుది దశకు చేరుకుంది.
 
 ఇప్పటికే ఈ ఏడాది మార్చిలో ‘మిస్‌ నార్తర్న్‌ ఆల్బర్టా వరల్డ్‌– 2017’కిరీటాన్ని దక్కించుకుంది. ఫైనల్‌ పోటీలో శ్రావ్య హావభావాలతో పాటు ఆమె నడవడిక, ప్రవర్తన తదితర అంశాలను గమనిస్తారు. దీంతోపాటు శ్రావ్యకు మద్దతుగా నిలుస్తున్న వారి ఓటింగ్‌ శాతాన్ని పరిశీలించి అన్నింట్లో ముందంజలో ఉంటే అప్పుడు ఆమె మిస్‌వరల్డ్‌గా నిలుస్తుంది. కాగా, శ్రావ్యకు ఓటింగ్‌ వేసి తన గెలుపులో పాలుపంచుకోవాలని ఆమె తల్లిదండ్రులు విజ్ఞప్తి చేస్తున్నారు. శ్రావ్యకు మద్దతు తెలపాల్సిన వారు  గిగిగి. Mఐ  గిౖఖఔఈఇఅNఅఈఅ. Nఉఖీ/2017 ద్వారా ఈనెల 22 సాయంత్రం వరకు ఓటింగ్‌ వేయాల్సి ఉంటుంది.


 కొత్తపేట : పుట్టి పెరిగింది కెనడాలో అయినా.. కోనసీమలో సందడి చేస్తోంది వర్ధమాన హీరోయిన్, ‘మిస్ వరల్డ్ కెనడా’  నేహా శ్రీకరం.  హిందీ, బెంగాలీ సినిమాల్లో నటిస్తున్న ఈ అందాల బొమ్మ ఇప్పుడు తెలుగు తెరపై కనిపించబోతోంది. ఎంఏ జర్నలిజం కోర్సు పూర్తిచేయడమే కాదు.. మిస్ వరల్డ్ కెనడా కిరీటాన్ని సొంతం చేసుకుంది ఈ ముద్దుగుమ్మ. పీసీ ఆదిత్య దర్శకత్వం వహిస్తున్న ‘తాతగారింటికి వెళ్లొద్దాం రండి’ సినిమాలో హీరోయిన్‌గా నటిస్తున్న ఈమె షూటింగ్ కోసం మందపల్లి వచ్చింది. ఈ సందర్భంగా ‘న్యూస్‌లైన్’తో మాట్లాడుతూ తన కుటుంబం, కెరీర్ గురించి చెప్పుకొచ్చింది.
  ప్రశ్న: మీ కుటుంబ నేపథ్యం..?
  జవాబు: నాన్న శ్రీచరణ్ బిజినెస్‌మేన్. కెనడా (టొరంటో)లో ఎస్.ఆర్.కిచెన్స్, స్టార్ హోటల్ అధినేత, అమ్మ రజని గృహిణి. నాన్న స్వస్థలం ఢిల్లీ అయినా 30 ఏళ్ల కిందటే కెనడాలో స్థిరపడ్డారు.
  ప్రశ్న: విద్యార్హతలు..?
  జవాబు: ఎమ్‌ఎ జర్నలిజం, ఫ్యాషన్ డిజైనింగ్ కోర్సులు చేశాను. టీవీ చానల్స్‌కు సృజనాత్మక, మానవీయ కథనాలు అందించాను.
 
  ప్రశ్న: మిస్ వరల్డ్ కెనడాగా ఎప్పుడు ఎంపికయ్యారు?
  జవాబు: ముందు వివిధ వేదికలపై అందాల పోటీల్లో ప్రయత్నించాను. 2012-13 సంవత్సరానికి మిస్ వరల్డ్ కెనడాగా ఎంపికయ్యాను.
 ప్రశ్న: సినీ పరిశ్రమకు ఎలా పరిచయమయ్యారు?
  జవాబు: మా నాన్నగారికి ‘తాతగారింటికి’ సినిమాలో తాతయ్య పాత్ర పోషిస్తున్న హోటల్ రంగానికి చెందిన ప్రముఖుడు మంతెన సుందరనాగరాజు మంచి మిత్రులు. ఆయనకు సినీ ప్రముఖులతో పరిచయాలున్నాయి. ఆయన ప్రోత్సాహంతో ప్రవేశించాను.
 
  ప్రశ్న:  ఏవైనా సినిమాల్లో నటించారా?
  జవాబు: హిందీ, బెంగాలీ చిత్రాల్లో నటిస్తున్నాను. బెంగాలీ సినిమాలో రూపాగంగూలీ (‘మహాభారత్ హిందీ సీరియల్ ద్రౌపది పాత్రధారి) కుమార్తెగా నటించాను. తెలుగులో ‘తాతగారింటికి’ తొలి సినిమా.