సాక్షిప్రతినిధి, కరీంనగర్‌: పేరుకు వారు పీజీలు, పీహెచ్‌డీలు చేసిన పట్టభద్రులు... పది మందికి పాఠాలు చెప్పి భావి భారత పౌరులను తీర్చిదిద్దే ఉపాధ్యాయులు. అయితే వారిలో కొందరు ఎమ్మెల్సీ ఓటు కూడా సరిగ్గా వేయలేకపోయారు.కరీంనగర్‌–మెదక్‌–ఆదిలాబాద్‌–నిజామాబాద్‌ పట్టభద్రుల ఎమ్మెల్సీ నియోజకవర్గంలో 3.55 లక్షల ఓట్లకుగాను 2,52,100 ఓట్లు పోలయ్యారు. అందులో సుమారు 28,000 ఓట్లను చెల్లనివిగా పరిగణించారు.ఇందుకోసం ఒకటికి రెండుసార్లు వెరిఫికేషన్‌ కూడా చేశారు. కరీంనగర్‌–మెదక్‌–ఆదిలాబాద్‌–నిజామాబాద్‌ జిల్లాల టీచర్స్‌ ఎమ్మెల్సీలో 897 ఓట్లు, వరంగల్‌–ఖమ్మం–నల్లగొంట టీచర్స్‌ ఎమ్మెల్సీ పరిధిలో 499 ఓట్లు చెల్లలేదు. చెల్లని ఓట్ల సంఖ్య భారీగా ఉండటంలో అవి ఎవరి కొంపముంచుతాయోనన్న ఆందోళన గ్రాడ్యుయేట్‌ అభ్యర్థుల్లో కనిపిస్తోంది. అవగాహన లేకపోవడం వల్లే.. వాస్తవానికి ఈసారి ఎమ్మెల్సీ ఓట్ల నమోదులో అధికారులు మంచి ప్రచారమే కల్పించారు. దీనికితోడు అభ్యర్థులు సైతం ఓటు నమోదులో కీలకంగా వ్యవహరించారు. గత ఎమ్మెల్సీ ఎన్నికల్లో కరీంనగర్‌ గ్రాడ్యుయేట్‌ పరిధిలో 1.95 లక్షల ఓట్లకు 1.15 లక్షల ఓట్లు పోల్‌ అయ్యాయి. ఈసారి అదే సెగ్మెంట్‌లో 3.55 లక్షల ఓట్లు నమోదు కాగా, 2.52 లక్షల ఓట్లు పోలయ్యాయి. ఇందులో చెల్లకుండా పోయిన గ్రాడ్యుయేట్‌ 28 వేలు ఉండటంతో, ఓటు వేసే విషయంలో ముందస్తుగా ఎలాంటి అవగాహన కల్పించకపోవడం వల్లే ఇలాంటి పరిస్థితి తలెత్తిందన్న విమర్శలున్నాయి. డబ్బులు తీసుకొని ఓట్లు చెల్లకుండా చేసి.. ఈసారి ఎమ్మెల్సీ ఎన్నికల్లో భారీ మొత్తంలో టీచర్‌ ఓటర్లకు డబ్బులు పంచేవారని వార్తలొచ్చాయి. కొందరు అభ్యర్థులు ఓటును బట్టి.. రూ.5,000, రూ.8,000, రూ.10,000 వరకూ పంచారన్న విమర్శలు ఉన్నాయి. ఇక పట్టభద్రుల విషయానికి వస్తే కొందరు అభ్యర్థులు ఓటుకు రూ.1,000, మరికొందరు రూ.1,500 చొప్పున పంచినట్టు ప్రచారం జరిగింది. అభ్యర్థులు చదువుకున్న వారని, తమ వైపునకు తిప్పుకునేందుకు డబ్బులు ఇస్తే.. తీరా వేలాది ఓట్లు చెల్లకుండా చేసి తమ డబ్బును నీళ్లలో పోశారని లోలోపల బాధపడుతున్నారు. చెల్లకుండాపోయిన ఓట్లు ఎవరి ఓటమికి దారితీస్తాయోనని అభ్యర్థులు ఆందోళన వ్యక్తం చేస్తున్నారు. చాలామంది ఓటు వేశాక.. ప్రాధాన్య అంకెకు ముందు సున్నా పెట్టడం, లేదా అంకెకు సున్నా చుట్టడం, ఫొటోలు చించడం, తొలి ప్రాధాన్యం ఒకరి కంటే ఎక్కువ మందికి ఇవ్వడం, ఫొటోలకు ముందు టిక్‌ పెట్టడం, సంతకం చేయడం, ముద్రలు వేయడం, ప్రభుత్వానికి వ్యతిరేకంగా నినాదాలు రాయడం, వ్యక్తిగత సమస్యలు రాయడం తదితర పొరపాట్ల వల్ల ఓట్లు చెల్లకుండా పోయాయి. మరోవైపు భారీగా ఓట్లు చెల్లకుండా పోవడంపై సోషల్‌ మీడియాలో ట్రోల్స్‌ ఆగడం లేదు. వీరి కంటే చదువురాని నిరక్షరాస్యులు నయమంటూ పలువురు కామెంట్లు పెడుతున్నారు. కొనసాగుతున్న ‘గ్రాడ్యుయేట్‌’ కౌంటింగ్‌» ఎమ్మెల్సీ ఎన్నికల్లో బీజేపీ, కాంగ్రెస్, బీఎస్పీ మధ్య త్రిముఖ పోరు »ఐదు రౌండ్ల వరకు బీజేపీ, ఆరోరౌండ్‌లో కాంగ్రెస్‌కు ఆధిక్యం»7,118 ఓట్ల మెజారిటీతో అంజిరెడ్డి ముందంజసాక్షిప్రతినిధి,కరీంనగర్‌: కరీంనగర్‌–మెదక్‌–ఆదిలాబాద్‌–నిజామాబాద్‌ గ్రాడ్యుయేట్‌ ఎమ్మెల్సీ ఓట్ల లెక్కింపు ఎట్టకేలకు మంగళవారం మొదలైంది. ఈ ఎన్నికల్లో అంజిరెడ్డి (బీజేపీ), నరేందర్‌రెడ్డి (కాంగ్రెస్‌), ప్రసన్న హరికృష్ణ (బీఎస్పీ)ల మధ్య త్రిముఖపోరు నెలకొంది. బీజేపీ అభ్యర్థి మిగిలిన ఇద్దరి అభ్యర్థుల కంటే స్వల్ప ఆధికత్యను ప్రదర్శిçస్తున్నారు. ఈ సెగ్మెంట్‌లో మొత్తం 3.55 లక్షల ఓట్లలో..పోస్టల్‌ బ్యా లెట్‌తో కలిపి 2,52,100 ఓట్లు పోల్‌ కాగా, అందులో 2,24,000 ఓట్లు చెల్లుబాటు అయ్యాయి. దాదాపు 28వేల ఓట్లు చెల్లలేదు. వాస్తవానికి సోమవారం ఉదయం నుంచి చెల్లని ఓట్లు, చెల్లుబాటు అయ్యే ఓట్లను వేరు చేసి వడబోసే కార్యక్రమం ప్రారంభమైనా.. అది మంగళవారం మధ్యా హ్నం వరకు కొనసాగింది. ఓట్ల లెక్కింపునకు 21 టేబుళ్లు కేటాయించారు. అందులో ప్రతీ టేబుల్‌కు 1,000 చొప్పున ప్రతీ రౌండ్‌కు 21,000 ఓట్లను 12 రౌండ్లలో లెక్కిస్తామని అధికారులు తెలిపారు. మొదటి రౌండ్‌ : లెక్కింపు ప్రారంభమైన తర్వాత తొలిరౌండ్‌ ఫలితం మధ్యా హ్నం 2.30 గంటలకు వెలువడింది. బీజేపీ అభ్యర్థి అంజిరె డ్డికి 6,712 ఓట్లు, కాంగ్రెస్‌ అభ్యర్థి నరేందర్‌రెడ్డికి 6,676, బీఎస్పీ అభ్యరి్థకి ప్రసన్న హరికృష్ణకు, 5,867 ఓట్లు సాధించారు. తొలిరౌండ్‌లో బీజేపీ అభ్యర్థి అంజిరెడ్డి తన సమీప అభ్యర్థి నరేందర్‌రెడ్డి (కాంగ్రెస్‌)పై 36 ఓట్ల స్వల్ప మెజారిటీ సాధించారు. రెండో రౌండ్‌ : ఈ రౌండ్‌లోనూ బీజేపీ మెజారిటీ కొనసాగింది. అంజిరెడ్డికి 7,979 (రెండు రౌండ్లు కలిపి 14,691), నరేందర్‌రెడ్డికి 6,522 (రెండు రౌండ్లు కలిపి 13,198), ప్రసన్న హరికృష్ణకు 4,927 (రెండురౌండ్లు కలిపి 10,794) ఓట్లు వచ్చాయి. రెండో రౌండ్‌లోనూ బీజేపీ అభ్యర్థి తన సమీప ప్రత్యర్థి అయిన కాంగ్రెస్‌ అభ్యరి్థపై 1,457 ఓట్లు ఆధిక్యం ప్రదర్శించి.. మొత్తంగా 1,493 ఓట్లు మెజారిటీ సాధించారు. మూడవ రౌండ్‌ : మూడో రౌండ్‌లోనూ బీజేపీ తన హవాను కొనసాగించింది. అంజిరెడ్డి 8,619 ఓట్లు (3రౌండ్లు కలిపి 23,310), నరేందర్‌రెడ్డి 5,614 (3 రౌండ్లు కలిపి 18,812), ప్రసన్న హరికృష్ణ 5,086 (3రౌండ్లు కలిపి 15,880) ఓట్లు సాధించారు. మూడో రౌండ్‌లో బీజేపీ అభ్యర్థి అంజిరెడ్డి తన సమీప అభ్యర్థి నరేందర్‌రెడ్డి (కాంగ్రెస్‌)పై 3,005 ఓట్ల ఆధిక్యం ప్రదర్శించగా, మెజారిటీ 4,498 ఓట్లకు చేరింది. నాలుగో రౌండ్‌: ఈ రౌండ్‌లోనూ అంజిరెడ్డి దూకుడు సాగింది. అంజిరెడ్డి 7,807 (4 రౌండ్లు కలిపి (31,117), నరేందర్‌రెడ్డి 6,544 (4 రౌండ్లు కలిపి 25,356), ప్రసన్న హరికృష్ణకు 5,271 (4 రౌండ్లు కలిపి 21,151)ఓట్లు పడ్డాయి. అంజిరెడ్డి తన సమీప అభ్యర్థి నరేందర్‌రెడ్డి (కాంగ్రెస్‌)పై 1,263 ఓట్ల ఆధిక్యం ప్రదర్శించగా, మెజారిటీ 5,761 ఓట్లకు చేరింది. ఐదో రౌండ్‌: ఈ రౌండ్‌లోనూ బీజేపీ హవా కొనసాగింది. అంజిరెడ్డి 7,850 (5 రౌండ్లు కలిపి 38,967), నరేందర్‌రెడ్డి– 6,288 (5 రౌండ్లు కలిపి 31,644), ప్రసన్న హరికృష్ణ 5,411 (5 రౌండ్లు కలిపి 26,562)ఓట్లు సాధించారు. కాగా అంజిరెడ్డి నరేందర్‌రెడ్డిపై 7,323 ఓట్ల లీడ్‌లో ఉన్నారు. ఆరోరౌండ్‌ : ఈ రౌండ్‌లో కాంగ్రెస్‌కు 205 ఓట్ల ఆధిక్యం వచ్చింది. అంజిరెడ్డి 6,855 (6 రౌండ్లు కలిపి 45,822), నరేందర్‌రెడ్డి– 7,060 (6 రౌండ్లు కలిపి 38,704), ప్రసన్న హరికృష్ణ 5548 (6 రౌండ్లు కలిపి 32110)ఓట్లు సాధించారు. మొత్తంగా 7,118 ఓట్ల మెజారిటీతో అంజిరెడ్డి ముందంజలో ఉన్నాడు. మొత్తం లెక్కించాల్సిన ఓట్లు 2,24,000 కాగా, ఆరోరౌండ్‌ వరకు 1,26,000 ఓట్ల లెక్కింపు పూర్తయ్యింది.

అనంతపురం అర్బన్‌: పశ్చిమ రాయలసీమ పట్టభద్ర, ఉపాధ్యాయ నియోజకవర్గ ఎమ్మెల్పీ ఎన్నికల్లో ఓట్ల లెక్కింపు భిన్నంగా ఉంటుంది. అభ్యర్థి గెలవాలంటే పోలైన ఓట్లలో చెల్లని ఓట్లు తీసివేయగా.. చెల్లిన ఓట్లలో ప్రాధాన్యతా పద్ధతిలో 50 శాతంపైన ఒక ఓటు అధికంగా రావాలి. పట్టభద్ర ఎమ్మెల్సీకి 2,45,576, ఉపాధ్యాయ ఎమ్మెల్సీకి సంబంధించి 25,887 ఓట్లు పోలయ్యాయి. ● తొలుత మొదటి ప్రాధాన్యత (1) ఓట్లు ఎవరికి ఎన్ని వచ్చాయో లెక్కిస్తారు. ఈ దశలో ఎవరైనా 50 శాతంపైన ఒక ఓటు ఎక్కువ సాధిస్తే ఆ అభ్యర్థిని గెలిచినట్లు ప్రకటిస్తారు. అప్పుడు 2వ, 3వ, 4వ ప్రాధాన్యత ఓట్లు లెక్కించాల్సిన అవసరమే ఉండదు. ● మొదటి ప్రాధాన్యత (1) ఓట్లు ఎవరికీ 50 శాతంపైన ఒక ఓటు రాకపోతే... మొదటి ప్రాధాన్యత ఓట్లు అందరికంటే తక్కువ వచ్చిన అభ్యర్థిని ఎలిమినేట్‌ (తొలగింపు) చేస్తారు. అతని రెండవ (2) ఓటును మిగిలిన వారికి ఎవరికి ఎన్ని వచ్చాయో లెక్కించి కలుపుతారు. ఈ క్రమంలో ఎవరైనా అభ్యర్థికి 50 శాతంపైన ఒక ఓటు వస్తే గెలిచినట్లు ప్రకటిస్తారు. లేనిపక్షంలో లెక్కింపు కొనసాగిస్తారు. ● ఆ తరువాత తక్కువ ఓట్లు వచ్చిన అభ్యర్థిని తప్పించి అతని రెండవ (2) ఓట్లను మిగిలిని వారిలో ఎవరికి ఎన్ని వచ్చాయో లెక్కించి కలుపుతారు. అప్పుడూ ఎవరికీ 50 శాతంపైన ఒక ఓటు రాకపోతే.... అప్పటికే ఎలిమినేట్‌ అయిన ఇద్దరి మూడవ (3) ప్రాధాన్యత ఓట్లను లెక్కించి పై వారికి కలుపుతారు. ● చెల్లిన ఓట్లలో 50 శాతంపై ఒక ఓటు వచ్చే వరకు ఆఖరు నుంచి తక్కువ ఓట్లు వచ్చిన వారి 2వ, 3వ, 4వ ఓట్లను ఒక క్రమంలో కలుపుతూ పోతారు. ● చివరిదాకా 50 శాతంపై ఒక ఓటు రాకపోతే... ఎలిమినేట్‌ కాని చివరి అభ్యర్థి గెలిచినట్లు ప్రకటిస్తారు. కట్టుదిట్టమైన బందోబస్తు అనంతపురం శ్రీకంఠంసర్కిల్‌: ఎమ్మెల్సీ ఎన్నికల కౌంటింగ్‌ ప్రక్రియకు కట్టుదిట్టమైన బందోబస్తు ఏర్పాట్లు చేస్తున్నట్లు ఎస్పీ ఫక్కీరప్ప తెలిపారు. జేఎన్‌టీయూ కళాశాల ఆవరణలోని స్ట్రాంగ్‌ రూంను ఆయన పరిశీలించారు. అనంతరం కౌంటింగు హాలులో ఏర్పాట్లపై ఆరా తీశారు. అభ్యర్థులు, ఏజెంట్లు, అధికారుల వాహనాల ఎంట్రీతో పాటు పార్కింగ్‌ విషయంలో తగు జాగ్రత్తలు తీసుకోవాలని అధికారులకు సూచించారు. పోలీసు బందోబస్తు, భద్రతా ఏర్పాట్లలో తీసుకోవాల్సిన జాగ్రత్త చర్యలపై పోలీసు అధికారులకు సూచనలు చేశారు. రాష్ట్ర ఎన్నికల కమిషన్‌ ఆదేశాల మేరకు ఓట్ల లెక్కింపు ప్రక్రియ సజావుగా జరిగేలా జిల్లా యంత్రాంగంతో కలసి చర్యలు తీసుకుంటున్నట్లు వెల్లడించారు. ఫలితాల అనంతరం విజయోత్సవాలు, ర్యాలీలపై నిషేధం విధిస్తున్నట్లు తెలిపారు. నిబంధనలు ఉల్లంఘిస్తే చర్యలు తప్పవని హెచ్చరించారు. కార్యక్రమంలో ఎస్పీతో పాటు అనంతపురం డీఎస్పీ జి.ప్రసాదరెడ్డి, పాల్గొన్నారు.


 - ఈ నెల 20న ఎమ్మెల్సీ ఎన్నికల ఓట్ల లెక్కింపు
 - వేదిక:  ప్రభుత్వం పాలిటెక్నిక్‌ కళాశాల
 – సిబ్బందికి ప్రత్యేకంగా శిక్షణ
  
 అనంతపురం అర్బన్‌ : పశ్చిమ రాయలసీమ (వైఎస్‌ఆర్, అనంతపురం, కర్నూలు జిల్లాలు) పట్టభద్ర, ఉపాధ్యాయ ఎమ్మెల్సీ ఎన్నికల్లో చివరి ఘట్టమైన ఓట్ల లెక్కింపు ఈ నెల 20న నిర్వహిస్తారు. కౌంటింగ్‌ ప్రక్రియ జేఎన్‌టీయూ సమీపంలోని ప్రభుత్వం పాలిటెక్నిక్‌ కళాశాలలో నిర్వహిస్తున్నారు. కౌంటింగ్‌ పకడ్బందీగా నిర్వహించేందుకు అవసరమైన ఏర్పాట్లను జిల్లాయంత్రాగం పూర్తి చేసింది. కౌంటింగ్‌ సిబ్బందికి శుక్రవారం పాలిటెక్నిక్‌ కళాశాలలో  జాయింట్‌ కలెక్టర్‌ బి.లక్ష్మీకాంతం స్వయంగా శిక్షణ ఇచ్చి పలు సూచనలు చేశారు. వారి చేత మాక్‌ కౌంటింగ్‌ నిర్వహింపజేశారు. పారదర్శకంగా, కచ్చితంగా విధులు నిర్వహించాలని సిబ్బందిని ఆదేశించారు. 
 
 అనంతరం ఆయన మాట్లాడుతూ 352 పోలింగ్‌ కేంద్రాల ఓట్ల లెక్కింపునకు 26 టేబుళ్లు ఏర్పాటు చేశామన్నారు. ప్రతి టేబుల్‌కు ఆరుగురు సిబ్బంది ఉంటారన్నారు. 20వ తేదీ ఉదయం 8 గంటలకు ప్రాథమిక కౌంటింగ్‌ ప్రారంభమవుతుందన్నారు. అభ్యర్థులు, ఎన్నికల ఏజెంట్ల సమక్షంలో స్ట్రాంగ్‌ రూములు తెరిచి బ్యాలెట్‌ బాక్సులను కౌంటింగ్‌ హాళ్లలోకి తెచ్చి పోలింగ్‌ కేంద్రాల వారీగా టేబుళ్లకు అందజేస్తామన్నారు.  సమగ్ర కౌంటింగ్‌ మధ్యాహ్నం 2 గంటలకు ప్రారంభమవుతుందన్నారు. మొదటి ప్రాధాన్యత ఓట్ల లెక్కింపు కోసం ప్రతి టేబుల్‌కు వెయ్యి బ్యాలెట్లు చొప్పున ఒక్కో రౌండ్‌కి 26 టేబుళ్లకు 26 వేల బ్యాలెట్‌ పేపర్లు ఇస్తారన్నారు.  పట్టభద్ర ఎమ్మెల్సీకి పోలైన 1,55,536 ఓట్ల లెక్కింపు ఆరు రౌండ్లలో ముగుస్తుందన్నారు.
 
 అభ్యంతర ఓట్లపై రిటర్నింగ్‌ అధికారి నిర్ణయం తీసుకుంటారన్నారు. బ్యాలెట్‌ పేపర్‌లో ఊదా రంగు స్కెచ్‌ పెన్‌తో 1 అంకె వేసిన ఓట్లు మాత్రమే చెల్లుతాయన్నారు. పదాల్లోనూ, రైట్, రాంగ్‌ గుర్తులు వేసినా ఓట్లు చెల్లవన్నారు. మొదటి ప్రాధాన్యత ఓటు 1, 1 అని ఇద్దరు అభ్యర్థులకు వేసి ఉన్నా తిరస్కరిస్తారన్నారు. ఒకే అభ్యర్థికి 1, 2, 3 ప్రాధాన్యతలతో వేసినా, వేలిముద్రలు, సంతకాలు చేసినా చెల్లవన్నారు. మొబైల్‌ఫోన్లు, నీటి గ్లాసులు, టీ కప్పులు, ఇతర ద్రావణాలు కౌంటింగ్‌ హాల్లోకి అనుమతించడవన్నారు. ఉపాధ్యాయ ఓట్ల లెక్కింపులోనే ఇవే నిబంధనలు ఉంటాయన్నారు. అక్కడ 14 టేబుళ్లు ఏర్పాటు చేశామన్నారు.
 
 కౌంటింగ్‌ ఏర్పాట్లను పరిశీలించిన కలెక్టర్‌
     ఎమ్మెల్సీ ఎన్నికల కౌంటింగ్‌ ఏర్పాట్లను కలెక్టర్‌ కోన శశిధర్‌ పరిశీలించారు. కౌంటింగ్‌ హాళ్లను సందర్శించారు.  ఆర్‌డీఓలు మలోలా, రామారావు, బాలానాయక్, తహశీల్దారు శ్రీనివాసులు, సూపరింటెండెంట్లు వరదరాజులు, హరి, డీటీ భాస్కర నారాయణ, తదితరులు పాల్గొన్నారు.