వెల్లింగ్టన్‌ : టీమిండియా ఫాస్ట్‌ బౌలర్‌ మహ్మద్‌ షమీ తన కూతురును చూసి తెగ మురిసిపోతున్నాడు. ఇంతకి అతడు అంతలా మురిసిపోవడానికి కారణం ఏమై ఉంటుందా అని ఆలోచిస్తున్నారా.. ఏం లేదండి.. షమీ కూతురు ఐరా షమీ ఎల్లో కలర్‌ చీరను ధరించిన ఫోటోను తన నాన్నకు వాట్సప్‌లో షేర్‌ చేసింది. తన కూతురు చీరలో ఉన్న ఫోటోను చూసిన షమీ వెంటనే దానిని ఇన్‌స్టాగ్రామ్‌లో షేర్‌ చేశాడు. 'ఈ చీరలో చాలా అందంగా కనపడుతున్నావు, ముద్దు పెట్టుకోవాలనిపిస్తుంది తల్లి...నిన్ను చాలా మిస్సవుతున్నా..త్వరలోనే నిన్ను కలుస్తానంటూ'  క్యాప్షన్‌ కూడా జతచేశాడు. (‘సూపర్‌’ మ్యాచ్‌: గెలిపించినోడే హీరో) ప్రసుత్తం షమీ న్యూజిలాండ్‌ పర్యటనలో ఉన్న సంగతి తెలిసిందే. ఇప్పటికై ఐదు టీ20 మ్యాచ్‌ల్లో టీమిండియా 3-0 ఆధిక్యంలో నిలిచి సిరీస్‌ను గెలుచుకుంది. కాగా మూడో టీ 20లో బుమ్రా విఫలమైన షమీ మాత్రం తన చివరి ఓవర్లో చివరి బంతికి రాస్‌ టేలర్‌ను బౌల్డ్‌ చేసి న్యూజిలాండ్‌ గెలవాల్సిన మ్యాచ్‌ను టైగా ముగించడంలో కీలకపాత్ర పోషించాడు. తర్వాత మ్యాచ్‌ సూపర్‌ ఓవర్‌కు దారితీయడం.. టీమిండియా గెలవడం చకచకా జరిగిపోయాయి. టీమిండియా, న్యూజిలాండ్‌ మధ్య నాలుగో టీ20 వెల్లింగ్టన్‌ వేదికగా మరికొన్ని గంటల్లో జరగనుంది. View this post on Instagram Looking so sweet beta love you so much 👨‍👧❤️❤️❤️❤️god bless you beta see you soon 💪🏻 A post shared by Mohammad Shami , محمد الشامي (@mdshami.11) on Jan 30, 2020 at 3:00am PST


 సాక్షి, స్పోర్ట్స్‌: టీమిండియా కెప్టెన్‌ విరాట్ కోహ్లీ ఎంత మంచి డాన్సరో ప్రత్యేకంగా చెప్పనక్కర్లేదు. ఐపీఎల్‌ సీజన్ లో  రాయ్‌ ఛాలెంజర్స్ బెంగళూర్‌ తరపున తన టీం సభ్యులతో జరుపుకున్న పార్టీల్లో క్రిస్‌ గేల్‌ తో కలిసి చిందులేయటం చూశాం. అంతేకాదు టీమిండియా వేడుకల్లో, చివరకు యువీ, భజ్జీ పెళ్లి వేడుకల్లోనూ స్టెప్పులేశాడు కూడా. 
  
 ఇక ఇప్పుడు ఓ క్రికెట్‌ కూతురితో కలిసి చేసిన డాన్స్‌ వీడియో వైరల్ అవుతోంది. టీమిండియా ఫాస్ట్‌ బౌలర్‌ మహ్మద్‌ షమీ రెండేళ్ల కూతురు అరియాతో కలిసి లోబెగా హిట్ సాంగ్‌ ఐ గాట్‌ ఏ గర్ల్‌ పాటకు డాన్స్ చేశాడు. టీమిండియాపై 3-0 తేడాతో సిరీస్‌ గెలిచిన సందర్భంగా ఇలా అరియా-కోహ్లీలు చిందులేశారంటూ మహ్మద్‌ షమీ ఆ వీడియోను పోస్ట్ చేశాడు. 
  
 ఇక వీళ్ల వీడియో చాలా క్యూట్‌ గా ఉందంటూ పలువురు కామెంట్లు పెడుతున్నారు. పోస్ట్ చేసిన కాసేపటికే వీడియోకు 9,000 లైకులు రావటం విశేషం.