జీవితంలో అన్ని సంఘటనలు జ్ఞాపకాలు కాలేవు. కానీ ప్రేమ విషయంలో ప్రతీది జ్ఞాపకమే అవుతుంది. మరి ఆ జ్ఞాపకాలు తీపివా? చేదువా అంటే? ‘తేరీ యాద్‌’ (నీ జ్ఞాపకాలు అని అర్థం) చూడాలంటున్నారు మోహిత్‌ సూరి. ‘ఆషికీ 2, హాఫ్‌ గర్ల్‌ఫ్రెండ్‌’ వంటి లవ్‌ స్టోరీలు తెరకెక్కించిన మోహిత్‌ తన తదుపరి సినిమాకు ‘తేరీ యాద్‌’ టైటిల్‌ను ఫిక్స్‌ చేశామని అనౌన్స్‌ చేశారు. ‘ఆషికీ 2, ఏక్‌ విలన్, హాఫ్‌ గర్ల్‌ ఫ్రెండ్‌’ సినిమాల హీరోయిన్‌ శ్రద్ధా కపూర్‌ ఈ సినిమాలోనూ హీరోయిన్‌గా నటించనున్నట్టు సమాచారం. 


 బాలీవుడ్ హాట్ బ్యూటీ శ్రద్ధా కపూర్ కొత్త సంవత్సరాన్ని బిజీ బిజీగా ప్రారంభించింది. ఇప్పటికే రెండు సినిమాల షూటింగ్లలో పాల్గొంటున్న ఈ భామ, కొత్త ఏడాదిలో మరో రెండు సినిమాలకు కమిట్ అయ్యింది. యాక్షన్ హీరో టైగర్ ష్రాఫ్తో బాగీతో పాటు రాక్ ఆన్ సీక్వల్లో నటిస్తున్న శ్రద్ధా, ఈ సినిమాలు సెట్స్ మీద ఉండగానే మరో రెండు సినిమాలను సెట్స్ మీదకు తీసుకొచ్చే ఆలోచనలో ఉంది.
 
 ప్రముఖ బాలీవుడ్ దర్శక నిర్మాత కరణ్ జోహార్ నిర్మాణంలో సౌత్ సూపర్ హిట్ సినిమా ఓకే బంగారం రీమేక్ అవుతోంది. ఈ సినిమాలో హీరోయిన్గా నటించడానికి అంగీకరించింది శ్రద్ధా. ఈ సినిమాతో పాటు తనకు ఆషికీ 2 సక్సెస్తో స్టార్ ఇమేజ్ అందించిన మోహిత్ సూరి దర్శకత్వంలో మరో సినిమాకు సైన్ చేసింది. ఈ సినిమాకు హాఫ్ గర్ల్ఫ్రెండ్ అనే ఇంట్రస్టింగ్ టైటిల్ను ఫైనల్ చేశారు. ఈ రెండు సినిమాల్లోనూ, ఆషికీ 2లో కలిసి నటించిన ఆదిత్య రాయ్ కపూర్తోనే తెరను పంచుకోబోతుంది శ్రద్ధా కపూర్.