పాశ్చాత్య సంస్కృతి అంటూ కొందరు, సౌందర్యం తగ్గుతుందని మరికొందరు, ఉద్యోగరీత్యా ఇంకొందరు తల్లులు బిడ్డలకు పాలివ్వడం లేదు. పుట్టిన నెలరోజులకే పోతపాలు పట్టిస్తున్నారు. ఇది మంచిది కాదని వైద్యులు చెబుతున్నారు. తల్లిపాలు బిడ్డకు అమృతంతో సమానమని, పుట్టిన అరగంటలోపు తల్లిపాలు తాగించడం వల్ల శిశువుకు అనేక ప్రయోజనాలు ఉన్నట్లు వైద్యులు వివరిస్తున్నారు. నేటికీ కొందరు మూఢ నమ్మకాలతో పుట్టిన రెండు, మూడు రోజుల వరకూ తల్లిపాలను ఇవ్వడం లేదని సర్వేలు వెల్లడిస్తున్నాయి. ఇలాంటి చర్యల వల్ల బిడ్డలతో పాటు, తాము నష్టపోతున్నామనే విషయాన్ని తల్లులు గ్రహించలేక పోతున్నారని వైద్యులు వివరిస్తున్నారు. ఈ నేపథ్యంలో తల్లిపాలలో ఉండే పోషకాలు, బిడ్డ ఎదుగుదలపై చూపే ప్రభావంపై పూర్తిస్థాయిలో అవగాహన కలిగించేందుకు ప్రపంచ ఆరోగ్యసంస్థ ఏటా ఆగస్టు 1 నుంచి 7 వరకూ వారోత్సవాలు నిర్వహిస్తోంది. అందులో భాగంగా నేత్ర, శిశు సంక్షేమశాఖతో కలిసి వైద్య ఆరోగ్యశాఖ అవగాహన కార్యక్రమాలు నిర్వహించనుంది. శిశు మరణాలు నివారించవచ్చు.. ఎక్కువ మంది శిశువులకు ఇన్‌ఫెక్షన్స్‌లు సోకడం, పుట్టగానే కామెర్లు, శ్వాసకోశ వ్యాధులతో మరణాలు సంభవించడం జరుగుతున్నట్లు యూనిసెఫ్‌ గుర్తించింది. అలాంటి మరణాలను నివారించేందుకు పుట్టిన అరగంటలోపు తల్లిపాలు తాగించడం ద్వారా నెలలోపు శిశువుల్లో సంభవించే మరణాలను తగ్గించవచ్చని ప్రపంచ ఆరోగ్య సంస్థ పేర్కొంది. దీంతో తల్లిపాల ఆవశ్యకతపై గర్భిణులుగా ఉన్నప్పటి నుంచే విస్తృతంగా అవగాహన కలిగిస్తున్నారు. బిడ్డకు పాలివ్వడం ద్వారా తల్లికీ ప్రయోజనాలు ఉన్నాయని వైద్యులు చెబుతున్నారు. తల్లిపాలతో ప్రయోజనాలెన్నో.. ► బిడ్డకు పాలిచ్చే తల్లులకు బ్రెస్ట్‌ క్యాన్సర్‌, అండాశయ క్యాన్సర్‌ వచ్చే అవకాశాలు తక్కువ. ► రక్తహీనత, ఎముకల బలహీనత వంటి జబ్బులు రావని వైద్యులు చెబుతున్నారు. ► అంతేకాదు బిడ్డకు పాలివ్వడం ద్వారా ప్రసవం అనంతరం అయ్యే రక్తస్రావాన్ని అదుపు చేస్తాయని వైద్యులు వివరిస్తున్నారు.  ►  తల్లిపాలలో అన్ని పోషకాలు సమపాళ్లలో ఉంటాయి. వ్యాధి నిరోధకశక్తిని కూడా పెంపొందిస్తాయి. ► తల్లిపాలు తాగిన శిశువుల్లో యాంటీబాడీస్‌ వృద్ధి చెంది ఇన్‌ఫెక్షన్లు, నిమోనియా, డయేరియా వంటి వ్యాధులు సోకకుండా నివారించవచ్చు. ► మెదడు ఎదుగుదలకు దోహదం చేయడంతో పాటు, జ్ఞాపకశక్తి పెంపొందుతుంది. తల్లిపాలు తాగిన పిల్లల్లో తెలివితేటలు ఎక్కువగా ఉంటాయి. ● పసిబిడ్డకు ► ప్రధాన శత్రువు చలి. బిడ్డను ఒడిలో ఉంచుకుని పాలివ్వడం ద్వారా తల్లిశరీరం నుంచి శిశువుకు అవసరమైన వేడి అందుతుంది. అంతేకాదు తల్లీబిడ్డ మధ్య ఆప్యాయత పెరుగుతుంది. ►  ముర్రుపాలు వ్యాధి నిరోధకశక్తిని పెంచడంతో పాటు, శిశువు జీర్ణాశయ అభివృద్ధికి దోహదపడే విటమిన్‌–ఎ అధిక మోతాదులో ఉంటుంది.  ►శిశువు మొట్టమొదట విసర్జించే నల్లటి మెకోనియం అనే మలంతో పాటు, పచ్చకామెర్లు కలిగించే బెలురూబిన్‌ అనే పదార్థాన్ని కూడా త్వరగా విసర్జించేలా ముర్రుపాలు దోహదం చేస్తాయి. బిడ్డకు మొదటి వారంలో కలిగే పచ్చకామెర్లను నివారిస్తాయి. అవగాహన కల్పిస్తున్నాం తల్లిపాల విశిష్టతపై విస్తృతంగా అవగాహన కార్యక్రమాలు నిర్వహించనున్నాం. ప్రాథమిక ఆరోగ్య కేంద్రాలు, పట్టణ ప్రాథమిక ఆరోగ్య కేందాల్లో, కుటుంబ డాక్టర్‌ కార్యక్రమంలో, వైఎస్సార్‌ విలేజ్‌ హెల్త్‌ క్లినిక్‌లో గర్భిణులు, బాలింతలకు తల్లిపాల విశిష్టతను వివరిస్తాం. అంగన్‌వాడీ కేంద్రాల్లో ప్రత్యేక కార్యక్రమాలు నిర్వహిస్తాం. బిడ్డకు పాలివ్వడం ద్వారా తల్లికీ ప్రయోజనాలు ఉన్నాయని అవగాహన కల్పిస్తాం. – డాక్టర్‌ మాచర్ల సుహాసిని, వైద్య ఆరోగ్యశాఖాధికారి, ఎన్టీఆర్‌ జిల్లా

పాలమూరు: బిడ్డ పుట్టగానే తల్లికి మొదటగా వచ్చే పాలను ‘ముర్రు పాలు’ అంటారు. వీటిలో ఔషధ గుణాలు, రోగ నిరోధక శక్తి అధికంగా ఉండటంతో పాటు తలీబిడ్డలకు కూడా మేలు జరుగుతుంది. అందుకే తల్లి పాలను అమృతంతో పోలుస్తారు. తల్లిపాలు బిడ్డకు ఆకలిని తీర్చడంతో పాటు వారి మానసిక, శారీరక ఎదుగుదలకు అవసరమైన ప్రొటీన్లు అందిస్తాయి. కొందరు తల్లులు అనేక అపోహాలతో బిడ్డలకు పోతపాలు అందిస్తున్నారు. అయితే, ఇది సరికాదని వైద్యులు సూచిస్తున్నారు. ఈ మేరకు తల్లుల్లో అవగాహన కల్పించేందుకు బుధవారం నుంచి 7వ తేదీ వరకు ప్రపంచ తల్లి పాల వారోత్సవాలు నిర్వహించనున్నారు. ఈ సందర్భంగా ప్రత్యేక కథనం.   మారుతున్న జీవన విధానం  నానాటికీ సమాజంలో వస్తున్న మార్పుల్లో భా గంగా ఈ తరం తల్లులు పిల్లలకు పాలు ఇవ్వడాని కి సందేహిస్తున్నారు. ఉన్నత స్థాయిలో ఉన్న మహిళలే ఇలాంటి పనులు చేయడం ఆశ్చర్యాన్ని కలిగిస్తోంది. ఈ మేరకు తల్లులకు కూడా తల్లిపాల ప్రా ముఖ్యతపై కౌన్సెలింగ్‌ చేయాల్సి ఉంది. ఏటా తల్లి పాల వారోత్సవాలు నిర్వహిస్తున్నా కొన్నిచోట్ల త మ పిల్లలకు పాలిచ్చేందుకు అనువైన పరిస్థితులు కరవయ్యాయని సామాజికవేత్తలు ౠవేదన వ్యక్తం చేస్తున్నారు. మన దేశంలో 1993లో తల్లిపాల వా రోత్సవాల సందర్భంగా ప్రతీ సంస్థలో మాతృ దో హద పరిస్థితులు తీసుకురావాలనే లక్ష్యంగా నిర్దేశించుకున్నారు. 2015 వారోత్సవాల్లో కూడా ఇదే ప్రధాన నినాదంగా ఉంది. ఈ విధానాలు, చట్టాల ప్రకారం.. ఉద్యోగం, పని చేసే మహిళలు తమ బి డ్డలకు పాలిచ్చేందుకు అనువైన పరిస్థితులను, స దుపాయాలను సంబంధిత సంస్థలు ఏర్పాటు చే యాల్సి ఉంది. అయినా సమస్యలు తీరడం లేదు.   బిడ్డకు ప్రయోజనం కోసం  బిడ్డ పుట్టిన అరగంట లోపు ముర్రుపాలు తాగిస్తే వారిలో రోగనిరోధక శక్తి పెంపొందుతుంది. బిడ్డ ఆరోగ్యంగా ఎదుగుతారని వైద్యులు చెబుతున్నారు. అంటు వ్యాధుల నుంచి రక్షిస్తూ మలబద్దకం తగ్గుతుంది. బాల్యంలో యవ్వనంలో ఉబకాయం వ్యాధుల నుంచి సంరక్షణ ఉంటుంది. పుట్టిన బిడ్డకు చనుపాలు ఇవ్వటంతో రక్తస్రావ ప్రమాదం తగ్గి తల్లి త్వరగా కోలుకోవడానికి అవకాశం ఉంది. బలంగా ఉంటూ గర్భానికి పూర్వం ఉన్న బరువుకే తల్లి చేరుకుంటుంది. పాలే సరైన పౌష్టికాహారం బిడ్డ పుట్టిన గంటలోపు ముర్రుపాలు అందించాలి. అవి బిడ్డలో రోగనిరోధక శక్తికి, మానసిక వికాసానికి దోహదపడతాయి. ఆరు నెలల వరకు తల్లిపాలే అందించాలి. తల్లిపాలు తాగిన పిల్లలకు తెలివితేటలు బాగుంటాయి. బిడ్డకు పాలు ఇవ్వడం ద్వారా తల్లికి రొమ్ము కేన్సర్, రక్తస్రావం నుంచి విముక్తి కలుగుతుంది.   – డాక్టర్‌ రాధ, గైనిక్‌ విభాగం హెచ్‌ఓడీ, జనరల్‌ ఆస్పత్రి, మహబూబ్‌నగర్‌ తల్లిపాల ఆవశ్యకతపై ప్రచారం  తల్లిపాల ప్రాముఖ్యతపై ఈ వారం రోజుల్లో ప్రత్యేక కార్యక్రమాలు చేపట్టి బాలింతలు, మహిళలకు అవగాహన కల్పిస్తాం. ప్రతీ గ్రామంలో గ్రామ సభలు ఏర్పాటుచేయడమే కాకుండా పీహెచ్‌సీల్లో ప్రసవమైన తల్లులు, ఏరియా, సివిల్‌ ఆస్పత్రుల్లో ప్రసవించిన తల్లులే కాకుండా వారి వెంట వచ్చే కుటుంబ సభ్యులకు సైతం తల్లిపాల ప్రాముఖ్యతను వివరిస్తాం.   – డాక్టర్‌ రజిని, డీఎంహెచ్‌ఓ, మహబూబ్‌నగర్‌  


 ఊట్కూర్‌ : తల్లిపాలు ఎంతో శ్రేష్టమైనవని తల్లిపాలతో సంపూర్ణ ఆరోగ్యంగా ఉంటారని ఎంపీఎచ్‌ఈఓ కతలప్ప అన్నారు. మంగళవారం పులిమామిడి ప్రభుత్వ ఆస్పత్రితో తల్లిపాల వారోత్సవాలను నిర్వహించారు. ఈ సందర్భంగా ఆయన మాట్లాడుతూ పుట్టిన బిడ్డకు గంటలోపు ముర్రుపాల తాగించాలని వాటి ద్వార వ్యాధినిరోధక శక్తి లభిస్తుందని  తెలిపారు. గర్భిణిలకు ముర్రుపాలపై అవగాహన కల్పించాలని ఆశ వర్కర్లకు సూచించారు. వారం రోజుల పాటు గ్రామాల్లో తల్లిపాల వారోత్సవాలను నిర్వహించాలని అన్నారు. ఈ నెల 10 నూలిపురుగుల దినోత్సవాన్ని నిర్వహించాలని, 2–19 సంవత్సరాల వారికి నూలిపురుగుల మాత్రలను ఇవ్వాలని అన్నారు. ఈ కార్యక్రమంలో హెల్త్‌ సూపర్‌వైజర్‌ సురేష్, ఏఎన్‌ఎంలు గోవిందమ్మ, చిట్టెమ్మ, అంబుబాయి, చెన్నమ్మ, ఆశావర్కర్లు మంజుల, పద్మమ్మ తదితరులు పాల్గొన్నారు.