మోదీ ‘పర్యాటక’ వ్యాఖ్యలపై కశ్మీరీ సంస్థల స్పందన
 
 శ్రీనగర్‌: కశ్మీరీ యువత ఉగ్రవాదమో, పర్యాటకమో తేల్చుకోవాలంటూ ప్రధాని నరేంద్ర మోదీ చేసిన వ్యాఖ్యలను విపక్షాలతోపాటు, పలు కశ్మీర్‌ వేర్పాటువాద సంస్థలు తీవ్రంగా దుయ్యబట్టాయి. కశ్మీరీ యువత కోరుకుంటున్న స్వాతంత్య్రాన్ని రోడ్లు, టన్నెల్‌ల ద్వారా ఇవ్వలేరని మండిపడ్డాయి. ‘మోదీ వ్యాఖ్యలు అర్థరహితం. కశ్మీర్‌ లోయలో భారత సైనికుల ఉగ్రవాదం నుంచి విముక్తిని ఇక్కడి యువత కోరుకుంటున్నారు’ అని జమ్మూకశ్మీర్‌ లిబరేషన్‌ ఫ్రంట్‌ చైర్మన్‌ ముహ్మద్‌ యాసిన్‌ మాలిక్‌ విమర్శించారు.
 
 ప్రపంచంతో పోటీపడగలిగే సామర్థ్యమున్నా భారత ప్రభుత్వ అణచివేత కారణంగానే కశ్మీరీ యువత వెనుకబాటుకు గురైందని మిర్వాయిజ్‌ ఫోరం మండిపడింది. ‘కశ్మీర్‌ సున్నితమైన రాజకీయాంశం. గంభీరమైన ఏడు దశాబ్దాల ఈ సమస్యను పరిష్కరించేందుకు అసాధారణమైన ధైర్యం కావాలి. చారిత్రాత్మకమైన కశ్మీర్‌ సమస్యను మోదీ రాజకీయ చతురతతో పరిష్కరించాలి తప్ప.. రోడ్లు, టన్నెల్స్‌ నిర్మాణం ద్వారా కాదు’ అని ఆల్‌పార్టీ హురియత్‌ కాన్ఫరెన్స్‌ ఓ ప్రకటనలో తెలిపింది.


 శాంతిభద్రతల దృష్ట్యా షోపియాన్, కుల్గం, జమ్మూ కాశ్మీర్లోని పలు పట్టణాల్లో విధించిన నిరవధిక కర్ప్యూను నేడు కూడా కొనసాగిస్తున్నట్లు ఆ రాష్ట్ర ఉన్నతాధికారులు శుక్రవారం ఇక్కడ వెల్లడించారు. అయితే షోపియన్ పట్టణంలో అందోళనలు అదుపులోకి వచ్చాయన్నారు. శ్రీనగర్లోని కొన్ని ప్రాంతాల్లో మాత్రంలో కర్ప్యూను పాక్షికంగా సడలిస్తామన్నారు.
  
 బుధవారం గగరన్ ప్రాంతంలోని సీఆర్పీఎప్ శిబిరం వద్ద జవాన్లు జరిపిన కాల్పుల్లో ఓ వ్యక్తి మరణించాడు. ఆ ఘటనను  జమ్మూ కాశ్మీర్లోని వేర్పాటువాద నాయకుడు సయ్యద్ అలీ జిలానీ తీవ్రంగా ఖండించారు. ఆ ఘటనకు నిరసనగా శుక్రవారం మధ్యాహ్నం ప్రార్థన అనంతరం నిరసన తెలపాలని ఆయన ముస్లిం మతస్థులకు పిలుపునిచ్చారు.
  
 అలాగే గగరన్ ఘటనకు నిరసనగా జమ్మూ అండ్ కాశ్మీర్ లిబరేషన్ ఫ్రంట్ (జేకేఎల్ఎఫ్) అధ్యక్షుడు మహ్మమద్ యాసిన్ మాలిక్ శుక్రవారం శ్రీనగర్లోని లాల్ చౌక్లో ధర్నా చేపట్టనున్నట్లు ప్రకటించారు. ఈ నేపథ్యంలో శ్రీనగర్ పరిసర ప్రాంతాల్లో భద్రతను అత్యంత కట్టుదిట్టం చేశారు.
  
 ఇప్పటికే జమ్ముకాశ్మీర్లో గగరన్ ప్రాంతంలో ఈ నెల 7, 11 తేదీల్లో జరిగిన కాల్పుల ఘటనపై ఒమర్ అబ్దుల్లా ప్రభుత్వం విచారణకు ఆదేశించిన సంగతి తెలిసిందే. అలాగే గగరన్లోని సీఆర్పీఎఫ్ శిబిరాన్ని మరోక చోటుకు తరలించాలని అబ్దుల్లా ప్రభుత్వం జారీ చేసిన ఆదేశాల్లో పేర్కొంది.