కంబదూరు (అనంతపురం): ఓ హోటల్‌కు గుర్తు తెలియని వ్యక్తులు నిప్పు అంటించారు. ఈ ఘటన అనంతపురం జిల్లా కంబదూరు మండలంలో సోమవారం ఉదయం చోటు చేసుకుంది. వివరాలు.. మండలంలోని మూలకనూరు గ్రామంలోని ఓ హోట్‌ల్‌కు సోమవారం తెల్లవారుజామున గుర్తు తెలియని వ్యక్తులు నిప్పు అంటించారు. దీంతో హోటల్ మొత్తం కాలిబూడిద అయింది. దాదాపు రూ. 2లక్షల ఆస్తి నష్టం జరిగిందని హోటల్ యాజమాని తెలిపారు. ఈ ఘటనకు సంబంధించి మరిన్ని వివరాలు తెలియాల్సి ఉంది.