సాక్షి, కృష్ణా : జిల్లాలోని నందిగామాలో దారుణం చోటు చేసుకుంది. ఓ వ్యక్తిని హత్య చేసి పూడ్చి పెట్టారు గుర్తు తెలియని దుండగులు. మృతుడిని నవీన్‌ అనే వ్యక్తిగా పోలీసులు గుర్తించారు. ఓ యూట్యూబ్‌ చానల్‌లో రిపోర్టర్‌గా పని చేస్తున్న నవీన్‌.. ఐదు రోజుల క్రితం కనిపించకుండా పోయారు. కుటుంబ సభ్యుల ఫిర్యాదుతో మిస్సింగ్‌ కేసు నమోదు చేసుకున్న పోలీసులు.. దర్యాప్తు ప్రారంభించారు. ఈ క్రమంలో శనివారం నందిగామలో ఓ మృతదేహాన్ని గుర్తించారు. వివరాల ఆధారంగా ఆ వ్యక్తిని నవీన్‌గా గుర్తించారు. కుటుంబ సభ్యుల ఫిర్యాదు మేరకు కొంతమంది అనుమానితులను అదుపులోకి విచారిస్తున్నారు. మృతదేహన్ని వెలికి తీసి పోస్ట్‌మార్టంకు తరలించారు. 


 నందిగామ: లబ్ది దారులకు అందాల్సిన రేషన్ బియ్యం బ్లాక్ మార్కెట్‌కు తరలిస్తున్నారనే సమాచారంతో రంగంలోకి దిగిన సివిల్ సప్లై అధికారులు, పోలీసులు రేషన్ బియ్యం తరలిస్తున్న ముగ్గురిని అదుపులోకి తీసుకున్నారు. వారి వద్ద నుంచి 220 క్వింటాళ్ల రేషన్ బియ్యంతో పాటు ఓ లారీని స్వాధీనం చేసుకున్నారు. కృష్ణాజిల్లా నందిగామ నుంచి రేషన్ బియ్యం అక్రమంగా తరలిస్తున్నారనే సమాచారంతో రంగంలోకి దిగిన అధికారులు సోమవారం ఈ దాడులు నిర్వహించారు.