న్యూఢిల్లీ: నాగా తీవ్రవాదులతో ప్రభుత్వానికి కుదిరిన నాగా ఒప్పందానికి సంబంధించిన ఫైళ్లు ఇవ్వాలని హోంశాఖను కేంద్ర సమాచార కమిషన్‌ (సీఐసీ)ఆదేశించింది. ఈ ఒప్పందం పత్రాలను ఇవ్వాలంటూ దాఖలైన ఓ సమాచార హక్కు దరఖాస్తును హోంశాఖ తిరస్కరించటంపై సీఐసీ మండిపడింది.
 
 కామన్‌వెల్త్‌ హ్యూమన్‌ రైట్స్‌ ఇనిషియేటివ్‌కు చెందిన వెంకటేశ్‌ నాయక్‌ దరఖాస్తు చేయగా.. ఆర్టీఐ చట్టంలోని సెక్షన్‌ 8 (1) (ఏ) ప్రకారం వివరాలు అందజేయటం కుదరదని హోంశాఖ తెలిపింది. దీంతో నాయక్‌.. ప్రధాన సమాచార కమిషనర్‌ ఆర్‌ కమిషనర్‌ ఆర్కే మాథుర్‌కు ఫిర్యాదు చేశారు. దీనిపై స్పందించిన సీఐసీ నాగా ఒప్పందం వివరాలను వెంటనే తమకు ఇవ్వాలని ఆదేశించింది.