టాలీవుడ్‌కి చెందిన మరో హీరోయిన్ పెళ్లి చేసుకుంది. మూడు రోజుల క్రితమే శుభకార్యం జరగ్గా.. తాజాగా ఆ ఫొటోల్ని సోషల్ మీడియాలో పోస్ట్ చేసింది. ఫొటోలు చూస్తుంటేనే వివాహం చాలా గ్రాండ్‌గా జరిగినట్లు తెలుస్తోంది. ఈ క్రమంలోనే సదరు బ్యూటీకి అందరూ శుభాకాంక్షలు చెబుతున్నారు. ఇంతకీ ఎవరీ హీరోయిన్? పెళ్లి కొడుకు ఎవరో ఇప్పుడు చూద్దాం. (ఇదీ చదవండి: ఓటీటీలోకి కన్నడ హిట్ సినిమా.. అందులోనే స్ట్రీమింగ్) ముంబయి బ్యూటీ నటాషా దోషి.. మలయాళ సినిమాలతో నటిగా కెరీర్ ప్రారంభించింది. 2012-17 మధ్య నాలుగు చిత్రాల్లో హీరోయిన్‌గా చేసింది. 2018లో 'జై సింహా' చిత్రంతో తెలుగు ఇండస్ట్రీలోకి ఎంట్రీ ఇచ్చింది. ఈ మూవీ పెద్దగా ఆడలేదు. దీంతో ఈమెకు మరో రెండు చిత్రాల్లో మాత్రమే అవకాశమొచ్చింది. శ్రీకాంత్ 'కోతలరాయుడు'లో హీరోయిన్‌గా, కల్యాణ్ రామ్ 'ఎంతమంచి వాడవురా' మూవీలో స్పెషల్ సాంగ్‌ చేసింది. 2020 తర్వాత సినిమాల్ని పక్కనబెట్టేసిన నటాషా దోషి.. పూర్తిగా సైలెంట్ అయిపోయింది. కానీ గతేడాది జూలైలో మనన్ షా అనే వ్యాపారవేత్త నిశ్చితార్థం చేసుకున్నట్లు ప్రకటించింది. త్వరలోనే పెళ్లి ఉంటుందని అనుకున్నారు. కానీ ఈ ఏడాది జనవరి 31న కుటుంబ సభ‍్యుల సమక్షంలో గ్రాండ్‌గా పెళ్లి చేసుకుంది. కానీ దాదాపు నెల తర్వాత ఇప్పుడు తనకు మ్యారేజ్ అయిన విషయాన్ని బయటపెట్టింది. ఈ క్రమంలోనే అందరూ నటాషా దంపతులకు కంగ్రాట్స్ చెబుతున్నారు. (ఇదీ చదవండి: సీక్రెట్‌గా టాలీవుడ్ లేడీ విలన్ నిశ్చితార్థం.. 14 ఏళ్ల ప్రేమకథ)

టాలీవుడ్ మాస్ హీరో నందమూరి బాలకృష్ణ, నయనతార నటించిన చిత్రం 'జై సింహా'. ఈ చిత్రంలో మరో నటి హీరోయిన్‌గా కనిపించింది. మలయాళ చిత్రం మాంత్రికన్‌తో ఎంట్రీ ఇచ్చిన ముంబయి ముద్దుగుమ్మ నటాషా దోషి ఆ తర్వాత తెలుగులో కోతల రాయుడు చిత్రంలో నటించింది. తాజాగా ఈ ముంబయి భామ ఎంగేజ్‌మెంట్‌ చేసుకున్నట్లు వెల్లడించింది. ఉంగరాలు మార్చుకుంటున్న ఫోటోలను తన ఇన్‌స్టాలో షేర్ చేసింది. 'ప్రేమ ఎప్పుడు గెలుస్తుంది' అంటూ క్యాప్షన్ కూడా ఇచ్చింది. దీంతో నటాషా లవ్‌ మ్యారేజ్ చేసుకుంటున్నట్లు తెలుస్తంది. ఇది చూసిన నటాషా ఫ్యాన్స్ కంగ్రాట్స్ చెబుతున్నారు.  (ఇది చదవండి: ఆ దర్శకుడికి కలిసొచ్చిన హీరోయిన్.. దక్షిణాదిలోనే భారీ రెమ్యునరేషన్‌!) అమ్మ కుట్టి పాటకు అదరగొట్టింది జై సింహా చిత్రంతోనే టాలీవుడ్ ఎంట్రీ ఇచ్చింది నటాషా. ఈ చిత్రంలో సినిమాలో 'అమ్మ కుట్టి' పాటకు స్టెప్పులతో అదరగొట్టింది. అంతకుముందు మలయాళంలో నాలుగు సినిమాల్లో నటించింది. జైసింహా తర్వాత  శ్రీకాంత్ సరసన 'కోతల రాయుడు'లో కనిపించింది. అంతే కాకుండా కల్యాణ్ రామ్ హీరోగా నటించిన 'ఎంత మంచివాడవురా' చిత్రంలో ఓ స్పెషల్ సాంగ్‌లో మెరిసింది.  (ఇది చదవండి: 'సౌందర్య చనిపోలేదు.. ఆ రూపంలో ఇంకా బతికే ఉంది') View this post on Instagram A post shared by Natasha Doshi (@natashadoshi)

శ్రీకాంత్‌ హీరోగా నటిస్తున్న తాజా చిత్రం ‘కోతలరాయుడు’. డింపుల్‌ చోపడే, నటాషా దోషి హీరోయిన్లుగా నటిస్తున్నారు. సుధీర్‌ దర్శకత్వం వహిస్తున్నారు. అవారు సదానంద్‌ కిషోర్, కోలన్‌ వెంకటేశ్‌ నిర్మించారు. రెండు పాటలు మినహా ఈ సినిమా చిత్రీకరణ పూర్తయింది. శనివారం శ్రీకాంత్‌ పుట్టినరోజు సందర్భంగా ఈ సినిమాకు సంబంధించిన విశేషాలను వెల్లడించారు టీమ్‌. ‘‘ఈ చిత్రం అన్ని వర్గాలవారినీ అలరిస్తుంది. సుధీర్‌ అద్భుతంగా తెరకెక్కించారు’’ అని శ్రీకాంత్‌ అన్నారు. ‘‘దర్శకుడిగా ‘రయ్‌.. రయ్‌’ నా తొలి చిత్రం. ఇది రెండోది. ఈ చిత్రంలో శ్రీకాంత్‌ స్టైలిష్‌గా కనిపిస్తారు. మంచి ఫ్యామిలీ ఎంటర్‌టైనర్‌. నిర్మాతలు కాంప్రమైజ్‌ కాకుండా నిర్మిస్తున్నారు. డీజే వసంత్‌ మంచి సంగీతాన్ని అందించారు. కెమెరామేన్‌ బుజ్జి విజువల్స్‌ బాగా వచ్చాయి. ఈ సినిమా విజయం సాధిస్తుందన్న నమ్మకం ఉంది’’ అన్నారు సుధీర్‌బాబు. పోసాని కృష్ణమురళి, పృథ్వీ, చంద్రమోహన్, జయప్రకాష్‌రెడ్డి, మురళీశర్మ తదితరులు ముఖ్య పాత్రల్లో కనిపిస్తారు.

శ్రీకాంత్‌ హీరోగా తెరకెక్కుతోన్న తాజా చిత్రం ‘కోతల రాయుడు’. ‘కృష్ణాష్టమి’ ఫేమ్‌ డింపుల్‌ చోపడే, ‘జై సింహా’ ఫేమ్‌ నటాషా దోషి కథానాయికలు. ‘జయహే’ సినిమాని తెరకెక్కించిన సుధీర్‌ రాజు దర్శకత్వంలో వెంకటరమణ మూవీస్‌ బ్యానర్‌లో ప్రొడక్షన్‌ నం. 1గా కొలన్‌ వెంకటేశ్‌ నిర్మిస్తున్న ఈ సినిమా సోమవారం హైదరాబాద్‌లో ప్రారంభం అయ్యింది. ఈ సందర్భంగా దర్శక, నిర్మాతలు మాట్లాడుతూ – ‘‘ఈ నెల 16న మా సినిమా రెగ్యులర్‌ షూటింగ్‌ ప్రారంభం కానుంది. రాజమండ్రి, బెంగుళూరులో అధిక భాగం చిత్రీకరణ జరపనున్నాం. ఆగస్టు చివరి వారంలో షూటింగ్‌ పూర్తి అవుతుంది’’ అన్నారు. షాయాజి షిండే, పోసాని కృష్ణమురళి, జయప్రకాష్‌ రెడ్డి, ‘సత్యం’ రాజేష్, పృథ్వీ, చంద్రమోహన్, సుధ, హేమ, శ్రీలక్ష్మీ, జయవాణి, తాగుబోతు రమేష్‌ ముఖ్య పాత్రల్లో నటించనున్న ఈ సినిమాకు సంగీతం: డి.జె. వసంత్, కెమెరా: సతీష్‌. జి, సహ నిర్మాత: సిరాజ్‌ వి. వెంకట్‌ రావు.

నందమూరి బాలకృష్ణ హీరోగా తమిళ దర్శకుడు కేయస్ రవికుమార్ దర్శకత్వంలో రూపొందుతున్న సినిమా జై సింహా. ఈ సినిమాలో నయనతార, నటాషా జోషి, హరిప్రియలు హీరోయిన్లుగా నటిస్తున్నారు. బాలకృష్ణ 102వ సినిమాగా తెరకెక్కుతున్న ‘జై సింహా’ శుక్రవారంతో దుబాయ్ షెడ్యూల్ పూర్తి చేసుకొంది. బాలయ్య, నయనతారలపై  ఒక పాట, బాలయ్య నటాషా జోషిలపై మరో పాట దుబాయ్ లో చిత్రీకరించారు. ఈ రెండు పాటలతో షూటింగ్ మొత్తం పుర్తయింది. ఈ సందర్భంగా చిత్ర నిర్మాత సి.కళ్యాణ్ మాట్లాడుతూ.. ‘దుబాయ్ లో 30 మంది యూరోపియన్ డ్యాన్సర్స్ తో బాలయ్య నటాషా ల మధ్య డ్యూయోట్ సాంగ్ను జానీ మాస్టర్ నేతృత్వంలో, 20 మంది యూరోపియన్ డ్యాన్సర్స్ తో బాలయ్య నయనతారలపై మరో లవ్లీ సాంగ్ ను బృంద మాస్టర్ నేతృత్వంలో చాలా లావిష్ గా చిత్రీకరించాం. డిసెంబర్ నెలాఖరుకు చిరంతన్ భట్ సంగీత సారధ్యంలో రూపొందిన పాటలను భారీ వేడుక నిర్వహించి విడుదల చేయనున్నాం. జనవరి 12న బాలయ్య అభిమానులకు సంక్రాంతి కానుకగా ‘జై సింహా’ చిత్రాన్ని విడుదల చేయనున్నాం. బాలయ్య ఎనర్జిటిక్ పెర్ఫార్మన్స్, కె.ఎస్.రవికుమార్ చిత్రాన్ని తెరకెక్కించిన విధానం ఆడియన్స్ ను విశేషంగా ఆకట్టుకుంటుంది’ అన్నారు.

దాన.. వీర.. శూర.. కర్ణ... నరసింహుడతడు! కానీ, కత్తిపట్టి సింహంలా రంగంలోకి దూకాడో... శత్రువులు శరణు కోరాల్సిందే. సింహం ముందు లొంగిపోవాల్సిందే. దానవీర శూరకర్ణుడు లాంటి వ్యక్తి కసితో రగిలే నరసింహుడిలా ఎందుకు మారాడు? అసలేమైంది? ఉగ్ర నరసింహ అవతారంలో బాలకృష్ణ ఏం చేశారు? అనేది వచ్చే సంక్రాంతికి తెలుస్తుంది. నందమూరి బాలకృష్ణ హీరోగా కేయస్‌ రవికుమార్‌ దర్శకత్వంలో సి. కల్యాణ్‌ నిర్మిస్తున్న సినిమా ‘జై సింహా’. బుధవారం ఈ సినిమాలో బాలకృష్ణ ఫస్ట్‌ లుక్, టైటిల్‌ లోగో, మోషన్‌ పోస్టర్‌ విడుదల చేశారు. ఇటీవలే ఈ సినిమా క్లైమాక్స్‌ ఫైట్, సన్నివేశాల చిత్రీకరణ హైదరాబాద్‌లోని కంటైనర్‌ యార్డులో పూర్తి చేశారు. త్వరలో చిత్రీకరణ అంతా పూర్తి చేసి, సంక్రాంతికి సినిమాను విడుదల చేయాలనుకుంటున్నారు. నయనతార, హరిప్రియ, నటాషా దోషి హీరోయిన్లుగా నటిస్తున్నఈ చిత్రానికి కథ–మాటలు: యం. రత్నం, సంగీతం: చిరంతన్‌ భట్, ఎగ్జిక్యూటివ్‌ నిర్మాతలు: సి. వరుణ్‌కుమార్‌–సి. తేజ, సహనిర్మాత: సీవీ రావు.

అభిమానులు నందమూరి బాలకృష్ణను ముద్దుగా ఏమని పిలుచుకుంటారు? ‘నటసింహా’! ఈ పిలుపుకు తగ్గట్టు.. ‘సింహా’లో తెరపై సింహంలా బాలకృష్ణ నట విశ్వరూపమే చూపారు. ఇప్పుడు హీరోగా నటిస్తున్న 102వ సినిమాలో అంతకు మించి అనేలా ఉంటుందట! ఫ్యామిలీ ఎమోషన్స్, సెంటిమెంట్, యాక్షన్, లవ్, కామెడీ.. బాలకృష్ణ నుంచి అభిమానులు ఆశించే హీరోయిజమ్‌తో కేఎస్‌ రవికుమార్‌ దర్శకత్వంలో సి. కల్యాణ్‌ ఈ చిత్రాన్ని నిర్మిస్తున్నారు. దీనికి ‘జై సింహా’ టైటిల్‌ని ఖరారు చేశారని యూనిట్‌ సన్నిహిత వర్గాల సమాచారమ్‌. గతంలో ‘కర్ణ’తో పాటు కొన్ని టైటిల్స్‌ని పరిశీలించారు. అయితే... బాలకృష్ణ ఇమేజ్, కథను దృష్టిలో పెట్టుకుని ‘జై సింహా’ను ఫిక్స్‌ చేశారట! నయనతార, హరిప్రియ, నటాషా దోషి హీరోయిన్లుగా నటిస్తున్న ఈ చిత్రం షూటింగ్‌ ప్రస్తుతం అరకులో జరుగుతోంది. ఈ చిత్రానికి కథ–మాటలు: ఎం. రత్నం, సంగీతం: చిరంతన్‌ భట్, ఎగ్జిక్యూటివ్‌ నిర్మాతలు: వరుణ్‌–తేజ, సహనిర్మాత: సీవీ రావు.

భారతంలో కర్ణుడి గురించి మనకు తెలుసు. ఇచ్చిన మాట మీద నిలబడ్డ మహానుభావుడు. మరి, ఈ కలియుగ కర్ణుడు ఏం చేశాడు? ఎవరికి ఏం చేస్తానని మాటిచ్చాడు? ఇచ్చిన మాటకు కట్టుబడి ఏమేం చేయాల్సి వచ్చింది? అనేది ప్రేక్షకులకు తెలియాలంటే మరికొన్ని రోజులు వెయిట్‌ చేయక తప్పదు!! నందమూరి బాలకృష్ణ హీరోగా కేయస్‌ రవికుమార్‌ దర్శకత్వంలో సి. కల్యాణ్‌ నిర్మిస్తున్న సినిమాకు ‘కర్ణ’ టైటిల్‌ని ఖరారు చేశారని సమాచారం. ప్రస్తుతం ఈ సినిమా చిత్రీకరణ హైదరాబాద్‌లో జరుగుతోంది. ఈ నెల 5 నుంచి క్లైమాక్స్‌ సన్నివేశాలు తెరకెక్కిస్తున్నారు. 16 వరకు హైదరాబాద్‌ షెడ్యూల్‌ జరుగుతుంది. ఈ షెడ్యూల్‌లో హీరోయిన్లు నయనతార, నటాషా దోషి, ఇతర ప్రధాన తారాగణం పాల్గొంటున్నారు.


 సాక్షి, సినిమా: గ్యాప్‌ లేకుండా వరుస సినిమాలతో దూసుకెళ్తున్న టాలీవుడ్‌ టాప్‌హీరో నందమూరి బాలకృష్ణ ప్రస్తుతం 102వ చిత్రం షూటింగ్‌లో బిజీగా ఉన్నారు. కేఎస్‌ రవికుమార్ దర్శకత్వంలో ఫ్యాక్షన్‌ బ్యాగ్రౌండ్‌తో ఈ చిత్రం తెరకెక్కుతోంది. ఇదిలా ఉంటే ఈ చిత్రంలో ముగ్గురు హీరోయిన్లు నటించబోతున్నారనే ముందు నుంచి చెప్పుకుంటూ వస్తున్నాం. 
  
 నయనతార లీడ్ హీరోయిన్‌ కాగా, మళయాళం బ్యూటీ నటాషా దోషిని ఈ మధ్యే తీసేసుకున్నారు. అయితే ఇందులో బాలయ్యకు నటాషాకు మధ్య రొమాన్స్‌ ఉండబోదనే సమాచారం ఇప్పుడు అందుతోంది. బాలయ్య-నయనతార కూతురిగా నటాషా కనిపించబోతుందని, ఆమె క్యారెక్టర్‌ చుట్టూనే కథ మొత్తం తిరుగుతుందని చెబుతున్నారు. నటాషాకి ఎదురయ్యే సమస్యలను తీర్చే వ్యక్తిగా బాలయ్య కనిపించబోతున్నారని టాక్‌. ఇక మూడో హీరోయిన్‌ సెలక్షన్‌ ఇంకా పూర్తి కాలేదని అంటున్నారు. 
  
 ప్రస్తుతం తమిళనాడు.. కుంభకోణంలో ఈ చిత్రం షూటింగ్‌ జరుపుకుంటోంది. ఈ చిత్రానికి సీ కళ్యాణ్ నిర్మాత కాగా, 2018 సంక్రాంతికి ఈ చిత్రం విడుదల కాబోతుంది.


 నందమూరి బాలకృష్ణ హీరోగా కె.ఎస్‌. రవికుమార్‌ దర్శకత్వంలో రూపొందుతోన్న సినిమా షూటింగ్‌ ప్రస్తుతం కుంభకోణంలో జరుగుతోంది. సి.కె. ఎంటర్‌టైన్మెంట్స్‌ పతాకంపై సి. కళ్యాణ్‌ నిర్మిస్తున్నారు. నయనతార, నటాషా దోషి కథానాయికలు. సి. కళ్యాణ్‌ మాట్లాడుతూ– ‘‘సెన్సేషనల్‌ డైరెక్టర్‌ కె.ఎస్‌. రవికుమార్‌ దర్శకత్వంలో బాలకృష్ణగారి 102వ చిత్రాన్ని నిర్మిస్తుండటం చాలా సంతోషంగా ఉంది. భారీ బడ్జెట్‌తో అత్యాధునిక సాంకేతిక నైపుణ్యంతో ఈ సినిమా రూపొందుతోంది.
 
 ఎం. రత్నం మంచి కథ అందించారు. ఆర్‌.ఎఫ్‌.సి.లో 30 రోజులు చిత్రీకరణ ముగించుకుని, కుంభకోణంలో మొదలుపెట్టాం. ఆదివారం బాలకృష్ణ సెట్లో అడుగుపెట్టారు. ఈ షెడ్యూల్‌లో  కీలక సన్నివేశాలతో పాటు, పోరాట ఘట్టాల్ని తెరకెక్కిస్తాం’’ అన్నారు. ప్రకాశ్‌రాజ్, మురళీమోహన్, బ్రహ్మానందం, జయప్రకాష్‌రెడ్డి తదితరులు నటిస్తున్న ఈ చిత్రానికి కెమెరా: రాంప్రసాద్, సంగీతం: చిరంతన్‌ భట్, సహ–నిర్మాత: సి.వి.రావు, ఎగ్జిక్యూటివ్‌ నిర్మాతలు: వరుణ్‌–తేజ.


 బాలకృష్ణ హీరోగా నటిస్తున్న 102వ సినిమాతో తెలుగు తెరకు పరిచయమవుతోన్న హీరోయిన్‌ నటాషా దోషి. మలయాళంలో ‘హైడ్‌ అండ్‌ సీక్, నయన, కాల్‌ మిః’ సినిమాల్లో నటించారీమె. ప్రస్తుతం బాలకృష్ణ, నటాషాలపై కీలక సన్నివేశాలు తెరకెక్కిస్తున్నారు. కేఎస్‌ రవికుమార్‌ దర్శకత్వంలో సి. కల్యాణ్‌ నిర్మిస్తున్న ఈ సిన్మాలో నయనతార మెయిన్‌ హీరోయిన్‌. మరొక హీరోయిన్‌ని ఎంపిక చేయాల్సి ఉంది.


 పైసా వసూల్ సినిమాతో ఆకట్టుకున్న నందమూరి బాలకృష్ణ తన నెక్ట్స్ సినిమా పనులు కూడా శరవేగంగా ముగించేస్తున్నారు. తమిళ దర్శకుడు కే యస్ రవికుమార్ దర్శకత్వంలో తెరకెక్కుతున్న ఈ సినిమా షూటింగ్ ప్రస్తుతం రామోజీ ఫిలిం సిటీలో జరుగుతోంది. ఈ సినిమాలో బాలయ్య సరసన ముగ్గురు అందాల భామలు ఆడి పాడనున్నారు. ఇప్పటికే నయనతారను ఓ హీరోయిన్ గా ఫైనల్ చేయగా తాజాగా మరో బ్యూటీని ఎనౌన్స్ చేశారు.
 
 ఈ సినిమా సెకండ్ హీరోయిన్ గా నటాషా దోషిని ఎంపిక చేశారు. మలయాళంలో హీరోయిన్ గా మంచి గుర్తింపు తెచ్చుకున్న నటాషా తెలుగు తెరకు ఈ సినిమాతోనే పరిచయం అవుతున్నారు. మాలీవుడ్ లో హైడ్ అండ్ సీక్, మాంత్రికన్, నయన, ఫర్ సెల్ వంటి చిత్రాలతో మంచి క్రేజ్ సొంతం చేసుకున్నారు. త్వరలోనే నటషా ఈ సినిమా షూటింగులో జాయిన్ కానున్నారు. త్వరలోనే మరో హీరోయిన్ వివరాలు కూడా వెల్లడించేందుకు రెడీ అవుతోంది చిత్రయూనిట్.