ముదిగొండ(ఖమ్మం): ఎదురెదురుగా వస్తున్న రెండు వాహనాలు ఢీకొన్న ఘటనలో ఒకరు మృతిచెందగా.. మరో ఇద్దరికి తీవ్ర గాయాలయ్యాయి. ఈ సంఘటన ఖమ్మం జిల్లా ముదిగొండ మండలం కొత్త లక్ష్మీపురం గ్రామంలో ఆదివారం చోటుచేసుకుంది. గ్రామంలో ప్రయాణికులతో వెళ్తున్న ఆటోను వ్యవసాయ పనులకు వెళ్తున్న ట్రాక్టర్ ఢీ కొట్టడంతో.. ఆటోలో ఉన్న ఓ మహిళ మృతిచెందగా.. మరో ఇద్దరికి తీవ్ర గాయాలయ్యాయి. ఇది గుర్తించిన స్థానికులు క్షతగాత్రులను ఆస్పత్రికి తరలించి పోలీసులకు సమాచారం అందించారు.