రామ్‌చరణ్‌ నటించిన ‘మగధీర, బ్రూస్‌లీ’ సినిమాల్లో అతిథి పాత్రల్లో కనిపించారు ఆయన తండ్రి చిరంజీవి. ఆ సన్నివేశాలకు మంచి స్పందన లభించింది. చిరంజీవి కమ్‌బ్యాక్‌ చిత్రం ‘ఖైదీ నంబర్‌ 150’లోని ‘అమ్మడు లెట్స్‌ డూ కుమ్ముడు...’ పాటలో తండ్రితో కలిసి స్టెప్పులేశారు రామ్‌చరణ్‌. మీ నాన్నగారితో కలసి ఫుల్‌ సినిమాలో నటించాలని లేదా? అనే ప్రశ్నను చరణ్‌ని అడిగితే ఈ విధంగా బదులిచ్చారు. ‘‘సైరా’ సినిమా కథా చర్చలు నడుస్తున్నప్పుడు షేర్‌ఖాన్‌ అనే అతిథి పాత్ర నాకు ఉంటుందని చెప్పారు. అయితే చర్చలు పూర్తయ్యేసరికే నా పాత్రను పేపర్‌ మీదే ఎడిట్‌ చేసేశారు. ‘మేమిద్దరం కలసి నటిస్తాం’ అని ఈ మధ్య ఓ సందర్భంలో నాన్నగారు చెప్పారు. అయితే అది ఏ సినిమాను ఉద్దేశించి అన్నారో నాకు కూడా తెలియదు. ప్రస్తుతం నాన్నగారు మూడు నాలుగు కథలు విన్నారు. ఏ కథలో, ఏ పాత్రలో నన్ను చూస్తున్నారో ఆయనకు మాత్రమే తెలుసు. ఆల్రెడీ ‘సైరా’లో నా పాత్ర ఉంటుందన్నారు. లేదు. అందుకే ముందే ఆశపెట్టుకోవడం లేదు. ‘కథలో నువ్వుంటే బావుంటుంది’ అని ఆయన ఎప్పుడు చెబితే అప్పుడు నాన్నగారితో కలిసి నటిస్తాను’’ అని పేర్కొన్నారు రామ్‌చరణ్‌. ప్రస్తుతం కొరటాల శివ దర్శకత్వంలో చిరంజీవి హీరోగా నటించనున్న సినిమాను రామ్‌చరణే నిర్మించనున్నారు. ‘ఖైదీ నంబర్‌ 150’, ‘సైరా’కి కూడా చరణే నిర్మాత అనే సంగతి తెలిసిందే.


 చెన్నై : టాలీవుడ్ ప్రిన్స్ సూపర్ స్టార్ మహేష్ బాబు న్యూ లుక్లో ఫ్యాన్స్ను అలరించబోతున్నారట. పోకిరి, దూకుడు వంటి సినిమాల్లో పోలీసు గెటప్తో ప్రేక్షకులను అలరించిన మహేష్ ఏఆర్. మురుగదాస్ దర్శకత్వం వహిస్తున్న తమిళ-తెలుగు ద్విభాషా ప్రాజెక్టులో నటించనున్నారట. అయితే ఈ ప్రాజెక్టులో అలాంటి ఇలాంటి రెగ్యులర్ పోలీస్గా కాకుండా ఇంటిలిజెన్స్ ఆఫీసర్గా మహేష్ కనిపించనున్నారట. ప్రస్తుతం ఈ షూటింగ్లో మహేష్ బిజీగా ఉన్నాడని తెలుస్తోంది.
  
 ఈ సినిమాలో మహేష్ చాలా స్టైలిష్గా కనిపిస్తాడని, ఇప్పటికే పోలీసు గెటప్తో ప్రేక్షకులకు సుపరిచితమైన మహేష్ను విభిన్న అవతారంలో మురుగదాస్ చిత్రీకరించబోతున్నారని చిత్ర యూనిట్ పేర్కొంటోంది.  అయితే మురుగదాస్, మహేష్ కాంబినేషన్లో వస్తున్న మొదటి ఫిల్మ్ ఇదే కావడం విశేషం. ప్రస్తుతం చెన్నైలోని ఈవీపీ వరల్డ్ పార్క్లో ఈ ప్రాజెక్టు షూటింగ్ జరుగుతోందని చిత్ర యూనిట్ వెల్లడిస్తోంది. అయితే ఈ ప్రాజెక్టుకు టైటిల్ను మాత్రం ఇంకా నిర్ణయించలేదు. ఈ సినిమాలో రకుల్ ప్రీతీ సింగ్, ఎస్.జే సూర్య నటిస్తున్నారని తెలుస్తోంది.