‘‘నాకు తెలుగు రాదు. అందువల్ల, తెలుగులో ఇంతకుముందు అవకాశాలొచ్చినా అంగీకరించలేదు. భాష రానప్పుడు దర్శకుడు ఆశించినట్లుగా చేయలేనేమోననే భయం. ‘ఒరువడక్కన్‌ సెల్ఫీ’ స్ఫూర్తితో రూపొందిన ఈ ‘మేడమీద అబ్బాయి’కి మలయాళంలో సినిమా తీసిన ప్రజిత్‌గారే దర్శకుడని ఒప్పుకున్నా’’ అన్నారు నిఖిలా విమల్‌. ‘అల్లరి’ నరేశ్, నిఖిలా విమల్‌ జంటగా బొప్పన చంద్రశేఖర్‌ నిర్మించిన ‘మేడమీద అబ్బాయి’ ఈ నెల 8న విడుదలవుతోంది. నిఖిలా విమల్‌ చెప్పిన విశేషాలు...
 
 ► తెలుగులో నా తొలి చిత్రమిది. సింధు అనే సున్నితమైన అమ్మాయి పాత్రలో కనిపిస్తా. దర్శకుడు అవ్వాలనే ఓ యువకుడి జీవితం ఒక అమ్మాయి వల్ల ఎలాంటి మలుపు తిరిగింది? అనేది చిత్రకథ. కథంతా నా పాత్ర చుట్టూనే తిరుగుతుంది. వన్‌ సైడ్‌ లవ్‌ నేపథ్యంలో ట్విస్టులతో రూపొందింది.
 
 ► లాంగ్వేజ్‌ ప్రాబ్లమ్‌ వల్ల ఇంతకు ముందు తెలుగు సినిమాలేవీ చూడలేదు. ఈ సినిమాకు ముందు నరేశ్‌ గురించి తెలియదు. తర్వాత ఆయన సినిమాలు చూశా, ఆయన గురించి తెలుసుకున్నా. వెరీ ఫ్రెండ్లీ కో–స్టార్‌. తెలుగులో నాకు తెలిసిన హీరోలు ఇద్దరే... మహేశ్‌బాబు, పవన్‌కల్యాణ్‌. వారిని నేనెప్పుడూ కలవలేదు. కానీ, వాళ్లు బాగా తెలిసినవారిలా అనిపిస్తుంటారు.
 
 ► ప్రస్తుతం మోహన్‌బాబుగారు హీరోగా నటిస్తున్న ‘గాయత్రి’లో ఆయన కూతురిగా నటిస్తున్నా. ఫుల్‌ గ్లామరస్‌ రోల్స్‌ నాకు సరిపోవు. అందుకే, వాటికి నేను దూరం. యాక్టింగ్‌కీ, గ్లామర్‌కీ ఈక్వల్‌ ఇంపార్టెన్స్‌ ఉన్న క్యారెక్టర్స్‌ చేయాలనుంది. ఇప్పుడు తెలుగు నేర్చుకుంటున్నా. త్వరలో మాట్లాడతా. తెలుగులో మరిన్ని సినిమాలు చేయాలనుంది.


 మేడ మీదున్న ఈ అబ్బాయి పేరు ‘అల్లరి’ నరేశ్‌. అక్కణ్ణుంచి చూస్తే ఊళ్లో చాలావరకు కనిపిస్తుంది. కానీ, ఓ అమ్మాయి నిఖిలా విమల్‌ మాత్రం బైనాక్యులర్‌లోంచి చూస్తే తప్ప కనిపించడం లేదు. ఎందుకంటే... తను కొంచెం దూరంగా ఉన్న అపార్ట్‌మెంట్‌లో ఉంటుంది. ఈ అబ్బాయి, ఆ అమ్మాయి మధ్య ప్రేమకథతో తెరకెక్కుతోన్న సినిమా ‘మేడ మీద అబ్బాయి’. జాహ్నవి ఫిల్మ్స్‌ పతాకంపై జి. ప్రజిత్‌ దర్శకత్వంలో బొప్పన చంద్రశేఖర్‌ నిర్మిస్తున్న ఈ సినిమా ఫస్ట్‌ లుక్‌ను ఈవీవీ సత్యనారాయణ జయంతి (శనివారం) సందర్భంగా విడుదల చేశారు.
 
 నిర్మాత మాట్లాడుతూ – ‘‘సరికొత్త కథ, కథనాలతో రొమాంటిక్‌ కామెడీ థ్రిల్లర్‌గా రూపొందుతోన్న ఈ సినిమాలో స్క్రీన్‌ప్లే హైలైట్‌గా ఉంటుంది. అలాగే, నరేశ్‌ శైలి కామెడీ కూడా ఉంటుంది. ఓ పాట చిత్రీకరణ మాత్రమే మిగిలుంది. త్వరలో ఆ పాటను చిత్రీకరించి, జూలైలో సినిమాను విడుదల చేయాలనుకుంటున్నాం’’ అన్నారు. అవసరాల శ్రీనివాస్, జయప్రకాశ్, తులసి, సుధ, ‘సత్యం’ రాజేశ్, మధునందన్‌ తదితరులు నటిస్తున్న ఈ చిత్రానికి మాటలు: చంద్రశేఖర్‌ (‘పిల్ల జమీందార్‌’ ఫేమ్‌), కెమేరా: ఉన్ని ఎస్‌.కుమార్, కళ: రాజీవ్‌ నాయర్, కూర్పు: నందమూరి హరి, ఎగ్జిక్యూటివ్‌ నిర్మాత: ఎం.ఎస్‌.కుమార్, సంగీతం: షాన్‌ రెహమాన్, సమర్పణ: శ్రీమతి నీలిమ.


 ‘‘గమ్యం, శంభో శివ శంభో’ చిత్రాల తర్వాత అంతటి శక్తిమంతమైన కథతో నరేశ్‌ చేస్తున్న చిత్రం ‘మేడ మీద అబ్బాయి’. రొమాంటిక్‌ కామెడీ థ్రిల్లర్‌గా రూపొందుతున్న ఈ చిత్రంలో స్క్రీన్‌ప్లే హైలైట్‌. థ్రిల్లింగ్‌ అంశాలతో పాటు నరేశ్‌ శైలి వినోదం ఉంటుంది. నరేశ్‌ను కొత్త కథలో చూడాలనుకునే వారికి ఈ సినిమాతో ఆ లోటు తీరుతుంది’’ అని నిర్మాత బొప్పన చంద్రశేఖర్‌ అన్నారు. ‘అల్లరి’ నరేశ్, నిఖిలా విమల్‌ జంటగా జి.ప్రజీత్‌ దర్శకత్వంలో రూపొందుతోంది.
 మలయాళంలో ఘన విజయం సాధించిన ‘ఒరు వడక్కన్‌ సెల్ఫీ’ చిత్రానికి ఈ చిత్రం రీమేక్‌ అనే విషయం తెలిసిందే. నిర్మాత మాట్లాడుతూ– ‘‘పొలాచ్చిలో జరిగిన భారీ షెడ్యూల్‌ తర్వాత హైదరాబాద్‌లో తాజా షెడ్యూల్‌ జరుగుతోంది. 90 శాతం షూటింగ్‌ పూర్తయింది. బ్యాలెన్స్‌ పాటను త్వరలోనే పూర్తి చేసి, జూన్‌ చివరి వారంలో చిత్రాన్ని విడుదల చేయడానికి సన్నాహాలు చేస్తున్నాం’’ అన్నారు. ఈ చిత్రానికి కెమెరా: ఉన్ని ఎస్‌. కుమార్, సంగీతం: షాన్‌ రెహమాన్, ఎగ్జిక్యూటివ్‌ నిర్మాత: ఎం.ఎస్‌.కుమార్, సమర్పణ: శ్రీమతి నీలిమ.