నితిన్‌ హీరోగా నటిస్తున్న తాజా చిత్రం ‘మాచర్ల నియోజకవర్గం’. ఎంఎస్‌ రాజశేఖర్‌ రెడ్డి దర్శకత్వంలో తెరకెక్కుతోన్న ఈ చిత్రం షూటింగ్‌లో హీరోయిన్‌ కేథరిన్‌ థ్రెసా జాయిన్‌ అయ్యారు. రాజ్‌కుమార్‌ ఆకెళ్ల  సమర్పణలో సుధాకర్‌ రెడ్డి, నిఖితా రెడ్డి నిర్మిస్తున్న ఈ సినిమా షూటింగ్‌ ప్రస్తుతం హైదరాబాద్‌లో జరుగుతోంది. ఈ షెడ్యూల్‌లో కేథరిన్‌ పాల్గొంటున్నారు. కాగా ఈ చిత్రంలో మొదటి హీరోయిన్‌గా కృతీ శెట్టి ఫిక్స్‌ అయిన సంగతి తెలిసిందే. ‘‘ఫుల్‌ యాక్షన్‌ మూవీగా రూపొందుతోన్న చిత్రమిది. ఏప్రిల్‌ 29న సినిమాను రిలీజ్‌ చేస్తాం’’ అన్నారు నిర్మాతలు. ఈ చిత్రానికి లైన్‌ ప్రొడ్యూసర్‌: జి. హరి. 

లక్‌ అంటే ఏంటి? మనం అనుకున్న పనిలో ఈజీగా సక్సెస్‌ అవ్వడం. అనుకోకుండా సక్సెస్‌ వరించడం. హార్డ్‌వర్క్‌ చేసినప్పుడు అది వృథా కాకూడదంటే లక్‌ తోడవ్వాలి. అప్పుడు లక్‌ మన వెంటే ఉన్నట్లు లెక్క. హన్సిక ఇంకో లక్‌ గురించి చెబుతున్నారు. ఇతరులకు సహాయం చేసే స్థాయిలో ఉండటం కూడా లక్‌ అంటున్నారామె. ఈ విషయం గురించి హన్సిక మాట్లాడుతూ – ‘‘మనకి కావల్సినవన్నీ మనకు సమకూరినప్పుడు తోటి వారికి కొంచెం సాయపడాలనే సిద్ధాంతాన్ని నమ్ముతాను. నిజానికి యాక్టర్‌ అయ్యాక సర్వీస్‌ చేయడం అలవాటు కాలేదు. చిన్నప్పటి నుంచి సేవా కార్యక్రమాల్లో ఎక్కువగా పాల్గొనేదాన్ని. ఇదంతా మా అమ్మ నుంచే వచ్చింది అనుకుంటున్నాను. అమ్మకి సేవాగుణం ఎక్కువ. ఇలా సహాయపడటం కూడా దేవుడు మాకిచ్చిన అదృష్టం అని నమ్ముతాను’’ అని పేర్కొన్నారు. ఇదిలా ఉంటే.. గోపీచంద్‌తో చేసిన ‘గౌతమ్‌ నందా’ తర్వాత తెలుగులో కనిపించలేదీ భామ. నితిన్‌తో వెంకీ కుడుముల రూపొందించనున్న ‘భీష్మా : ది బ్యాచిలర్‌’ చిత్రంలో హీరోయిన్‌గా హన్సికను సంప్రదించారని టాక్‌. ఒకవేళ ఈ సినిమాలో హన్సిక నటిస్తే.. 2010లో రిలీజ్‌ అయిన ‘సీతారాముల కల్యాణం’ తర్వాత ఎనిమిదేళ్లకు నితిన్, హన్సిక కలసి నటించే చిత్రం ఇదే అవుతుంది.

‘లై’ సినిమాతో నిరాశపరిచిన యంగ్ హీరో నితిన్, ప్రస్తుతం యువ దర్శకుడు కృష్ణ చైతన్య దర్శకత్వంలో ఓ సినిమా చేస్తున్న సంగతి తెలిసిందే. చాలా రోజులుగా షూటింగ్ జరుపుకుంటున్న ఈసినిమాకు సంబంధించి ఫస్ట్ లుక్ పోస్టర్ గాని, టైటిల్ ను గాని ప్రకటించలేదు. తాజాగా ఈ సినిమాకు సంబంధించిన ఆసక్తికరమైన వార్త ఒకటి టాలీవుడ్ సర్కిల్స్ లో వినిపిస్తోంది. పవన్ కల్యాణ్, త్రివిక్రమ్ శ్రీనివాస్ లు సంయుక్తంగా నిర్మిస్తున్న ఈ సినిమా కోసం ఇంట్రస్టింగ్ టైటిల్ ను రిజిస్టర్ చేయించారట. టైటిల్ లో త్రివిక్రమ్ మార్క్ కనిపించేలా ‘గుర్తుందా శీతాకాలం’ అనే టైటిల్‌ను ఫిక్స్ చేశారన్న టాక్ వినిపిస్తోంది. నితిన్ సరసన  లై ఫేం మేఘా ఆకాష్ హీరోయిన్ గా నటిస్తోంది. ఇటీవల అమెరికా షెడ్యూల్ పూర్తి చేసుకున్న ఈ సినిమా త్వరలోనే మరో షెడ్యూల్ కు రెడీ అవుతోంది. అయితే సినిమా టైటిల్ పై వినిపిస్తున్న వార్తలను యూనిట్ సభ్యులు మాత్రం ధృవీకరించలేదు. ఈ సినిమాకు తమన్ సంగీతమందిస్తున్నాడు.


 పూరి జగన్నాథ్-నితిన్ సినిమా డబ్బు లేకపోవడం వల్లే ఆగిపోయిందని, తనవల్ల కాదని నటి చార్మి స్పష్టం చేసింది. అనవసరంగా తనను వివాదంలోకి లాగారని ఆమె వాపోయింది. ఈ సినిమా నిర్మాతలు అక్కినేని అఖిల్ మొదటి చిత్రానికి పెట్టుబడి పెట్టినందున పూరి జగన్నాథ్ తో సినిమా తీసేందుకు వెనుకడుగు వేశారని తెలిపింది. అందువల్లే పూరి జగన్నాథ్ మరో హీరో, నిర్మాతలతో ఈ సినిమా తీస్తున్నారని వెల్లడించింది. ఇందులో తన ప్రమేయం ఏమీ లేదని పేర్కొంది.
 
 మహిళను కాబట్టే తనను టార్గెట్ చేశారని చార్మి ఆవేదన వ్యక్తం చేసింది. కొంతమంది మగాళ్లు చాలా ఈజీగా మహిళలపై బురద చల్లుతుంటారని పేర్కొంది. ఇలాంటి వాళ్లు తమ అహంకారం వీడనాడి వాస్తవ పరిస్థితులను గమనించాలని సూచించింది. పురుషాధిక్య సినిమా పరిశ్రమలో మహిళలకు సముచిత గౌరవం ఇవ్వాలని కోరింది. పూరి జగన్నాథ్ దర్శకత్వంతో 'జ్యోతిలక్ష్మి' సినిమాను చార్మి నిర్మించిన సంగతి తెలిసిందే.