ప్రపంచంలోని ఏ చిత్రపరిశ్రమలో చూసినా.. ప్రతిచోటా కామాంధులకు కొదవ లేదన్నట్టుంది పరిస్థితి! నటీమణులు తమ చేదు అనుభవాలను, చిత్రపరిశ్రమల్లోని నగ్న సత్యాలను బయటపెడుతున్నారు. ఇటీవల ‘క్యాస్టింగ్‌ కౌచ్‌’ అనేది ఎక్కువ వినబడుతోంది. క్యాస్టింగ్‌ కౌచ్‌ అంటే... చాన్సుల పేరుతో అమ్మాయిలకు వల వేయడం, లైంగికంగా లోబరుచుకోవడం అన్నమాట! ఇక్కడా... అక్కడా... అనే తేడాల్లేవ్‌! హాలీవుడ్‌లోనూ క్యాస్టింగ్‌ కౌచ్‌ ఓ రేంజ్‌లో ఉందండోయ్‌! ఆస్కార్‌ అవార్డు గ్రహీత, ప్రముఖ హీరోయిన్‌ జెన్నీఫర్‌ లారెన్స్‌కూ అటువంటి చేదు అనుభవాలున్నాయి. అమెరికన్‌/హాలీవుడ్‌ హీరోయిన్లు అంటే మన దగ్గర ఓ వర్గం ప్రేక్షకులకు కొంచెం చిన్న చూపే! ‘బికినీలు వేసుకోవడం, నగ్నంగా నటించడం వాళ్లకు అలవాటే కదా!’ అనుకుంటారు. కానీ, వాళ్లకూ ఆత్మాభిమానం అనేది ఉంటుంది. అది మరిస్తే ఎలా? అసలు విషయంలోకి వెళితే... అవకాశాల కోసం ప్రయత్నిస్తున్న సమయంలో ఓ మహిళా నిర్మాత జెన్నీఫర్‌ లారెన్స్‌ను 15 పౌండ్ల బరువు తగ్గమన్నారట! దానిపై జెన్నీఫర్‌ మాట్లాడుతూ– ‘‘రెండు వారాల్లో 15 పౌండ్ల బరువు తగ్గమని చెప్పింది. అంతే కాదు... ఓసారి నాతో పాటు నలుగురు అమ్మాయిలను నగ్నంగా పక్కపక్కన నిలబెట్టింది. మా ఐదుగురులో ఓ అమ్మాయిని త్వరగా బరువు తగ్గలేదని బయటకు పంపింది. ‘నువ్వే నీ న్యూడ్‌ పిక్స్‌ తీసుకుంటే... త్వరగా బరువు తగ్గాలని ఇన్‌స్పైర్‌ అవుతావు’ అని సదరు మహిళా నిర్మాత చెప్పుకొచ్చింది’’ అని పేర్కొన్నారు. ప్రముఖ హాలీవుడ్‌ నిర్మాత హార్వే వెయిన్‌స్టన్‌ సుమారు 20 ఏళ్ల పాటు సాగించిన అకృత్యాలపై ఇటీవల నటీమణులు పెద్ద ఎత్తున గళం విప్పారు. ఈ సందర్భంగా ఎల్లే సంస్థ ‘విమెన్‌ ఇన్‌ హాలీవుడ్‌’ ఈవెంట్‌ నిర్వహించింది. అమెరికాలోని లాస్‌ ఏంజిల్స్‌లో జరిగిన ఈ ఈవెంట్‌లో జెన్నీఫర్‌ ఈ వ్యాఖలు చేశారు. ‘‘ఓ నిర్మాత అయితే ‘నువ్వు కొంచెం లావుగా ఉన్నా... పడకగదిలో టైమ్‌ స్పెండ్‌ చేయడానికి ఆకర్షణీయంగా ఉన్నావ్‌’ అన్నాడు. అప్పుడు నాకు 16 ఏళ్లు. కెరీర్‌ని దృష్టిలో పెట్టుకుని ఎవరికీ కంప్లయింట్‌ చేయలేకపోయా’’ అని జెన్నీఫర్‌ పేర్కొన్నారు. ‘‘కలల ప్రపంచంలో ప్రతి ఒక్కరికీ సమానమైన గౌరవం దక్కాలి. అప్పటివరకు ప్రతి అబ్బాయికి, అమ్మాయికి, మహిళకు, మగాడికీ నా గళాన్ని వినిపిస్తా’’ అని తెలిపారు జెన్నీఫర్‌.


 హాలీవుడ్ టీవీ రియాల్టీ స్టార్‌ కిమ్ కర్దాషియన్‌ తన విమర్శకులకు ఘాటుగా సమాధానం ఇచ్చింది. కిమ్‌ నగ్నంగా దిగిన సెల్ఫీని ట్విట్టర్‌లో షేర్ చేయడంపై దుమారం రేగింది. ఆమె తీరును సోషల్ మీడియాలో పలువురు తప్పుబట్టారు. నగ్నంగా దేహాన్ని చూపిస్తూ ఆమె క్రేజ్‌ తెచ్చుకోవాలని భావిస్తున్నట్టు సెలబ్రిటీలైన బెట్‌ మిడ్లర్, క్లోహి మోరెట్జ్, పీర్స్ మోర్గాన్ తదితరులు విమర్శించారు. ఈ విమర్శలకు సమాధానంగా కిమ్‌ కర్దాషియన్‌ మరో న్యూడ్ ఫొటోను ట్విట్టర్‌లో పెట్టింది. దీనికి 'లిబరేటెడ్‌' (విముక్తి) అని అనే హ్యాష్‌ట్యాగ్‌ జోడించింది.
 
 35 ఏళ్ల కిమ్‌ కర్దాషియన్ ఈ ఫొటోలో బ్లాక్‌ బ్యాక్‌గ్రౌండ్‌లో తన అందాలను క్లాసికల్‌గా చూపించింది. తన ఛాతి, ప్రైవేటు అంగాలు కనిపించకుండా రెండు చేతులు అడ్డుపెట్టుకొని దిగిన ఈ ఫొటోను తన విమర్శకులకు సమాధానంగా పోస్టు చేసింది. తనపై విమర్శలు చేసిన క్లోహి మోరెట్జ్‌, బెట్‌ మిడ్లర్‌పై ఘాటుగా విరుచుకుపడుతూ వ్యాఖ్యలు చేసింది. టీన్‌ స్టార్‌ క్లోహి మోరెట్జ్‌ కిమ్‌ తీరును ట్విట్టర్‌లో ఏకిపారేసింది. యువతులు గొప్ప లక్ష్యాలు నిర్దేశించుకునేలా మార్గనిర్దేశం చేయాల్సిన అవసరముందని, ఈ విషయాలేవీ చెప్పకుండా అస్తమానం దేహాన్ని ప్రదర్శించడం అంత మంచిది కాదని కిమ్‌కు హితవు పలికింది. సెలబ్రిటీ స్టేటస్‌కు ఎంత గౌరవముంటుందని, దానిని ఇలా బజారుకీడ్చడం సరికాదని, తాను ఇలాంటి పనులు ఎప్పటికీ చేయబోనని 19 ఏళ్ల  క్లోహి స్పష్టం చేసింది.