టీ.నగర్‌: వివాహం చేసుకుంటానని తెలిపి మహిళపై పలుమార్లు అత్యాచారం జరిపిన వృద్ధుడిని పోలీసులు శుక్రవారం అరెస్టు చేశారు. ఈ సంఘటన కూడలూరు సమీపంలో సంచలనం కలిగించింది. వివరాలు.. నీలగిరి జిల్లా, కూడలూరు సమీపంలోగల పందలూరు ప్రాంతానికి చెందిన 40 ఏళ్ల మహిళ అదే ప్రాంతంలో ఉన్న టీ ఎస్టేట్‌లో కార్మికురాలిగా పనిచేస్తున్నది. అదే ఎస్టేట్‌లో నంబియార్‌గుండు ప్రాంతానికి చెందిన సెల్వన్‌ (70) కార్మికుడిగా పనిచేస్తున్నాడు. ఇలావుండగా అవివాహిత అయిన మహిళపై వృద్ధుడు కన్నేశాడు. ఆమెను వివాహం చేసుకుంటానని తెలిపిన సెల్వన్‌ ఆమెపై అనేక మార్లు అత్యాచారం జరిపాడు. అయితే ఇంతవరకు అతను వివాహం చేసుకోలేదు. అంతేకాకుండా బలవంతంగా ఆమెకు లైంగిక వేధింపులు జరుపుతూ వచ్చాడు. దీనిగురించి సదరు మహిళ తన బంధువులకు తెలిపింది. దీంతో వారు సెల్వన్‌ను మందలించారు. మందలించినా తీరుమారలేదు.. ఆమె బంధువులు మందలించినా అతని తీరుమారలేదు. సెల్వన్‌ గురువారం రాత్రి మహిళ ఇంటికి వెళ్లి అత్యాచారయత్నం చేశాడు. మహిళ కేకలు వేయడంతో ఇరుగుపొరుగువారు అక్కడికి చేరుకున్నారు. ఈలోపు సెల్వన్‌ అక్కడి నుంచి పరారయ్యాడు. దీంతో మహిళ దేవాలా మహిళా పోలీసులకు ఫిర్యాదు చేసింది. కేసు నమోదు చేసుకున్న ఇన్‌స్పెక్టర్‌ ఉష శుక్రవారం సెల్వన్‌ను అరెస్టు చేశారు. 

సాక్షి, న్యూఢిల్లీ: దేశ రాజధానిలో దారుణం చోటుచేసుకుంది. 60 ఏళ్ల వృద్ధుడు ఇద్దరు మైనర్‌ బాలికలపై లైంగిక దాడికి పాల్పడ్డాడు. ఢిల్లీలోని పాలం ప్రాంతంలో చోటుచేసుకున్న ఈ ఘటన ఆలస్యంగా వెలుగుచూసింది. నిందితుడు తన ఇంటిపక్కనే ఆడుకుంటున్న ఐదు, తొమ్మిది సంవత్సరాలున్న ఇద్దరు చిన్నారులను స్వీట్లు ఇస్తానని ఇంట్లోకి పిలిచి వారిపై అత్యాచారం చేశాడని పోలీసులు చెప్పారు. ఈ విషయం ఎవరికీ చెప్పవద్దంటూ వారికి 5 రూపాయలు ఇచ్చాడని ఢిల్లీ డీసీపీ మిలింద్‌ మహదేవ్‌ తెలిపారు. బాలికలు రోదిస్తూ జరిగిన దారుణాన్ని తల్లితండ్రులకు తెలపడంతో వారు పోలీసులకు ఫిర్యాదు చేశారు. నిందితుడిని అరెస్ట్‌ చేసి బాలికలకు కౌన్సెలింగ్‌ ఇచ్చినట్టు డీసీపీ చెప్పారు.


 కోహీర్‌: విచక్షణ లేని ఓ వృద్ధుడు ఆరేళ్ల బాలిక పట్ల అసభ్యంగా ప్రవర్తించాడు. ఎస్‌ఐ ప్రవీన్‌కుమార్‌రెడ్డి అందించిన సమాచారం ప్రకారం.. గురుజువాడకు చెందిన శివకుమార్‌ (56).. గ్రామంలో ఆడుకుంటున్న బాలికకు మాయమాటలు చెప్పి గ్రామ శివారులో ఉన్న పొలానికి తీసుకెళ్లాడు. అక్కడ అసభ్యంగా ప్రవర్తించాడు. శివకుమార్‌ తీరును గమనించిన సమీపంలోని రైతు ఒకరు సెల్‌ఫోన్‌ ద్వారా బాలిక తల్లిదండ్రులకు తెలిపారు. దీంతో తల్లిదండ్రులు వెంటనే పొలానికి చేరుకొని తన కుతూరును చేరదీసి శివకుమార్‌ను చితకబాదారు. గ్రామానికి తీసుకువచ్చి పంచాయతీ కార్యాలయం వద్ద నిర్బంధించారు. కోహీర్‌ ఎస్‌ఐ ప్రవీన్‌కుమార్‌రెడ్డి సాయంత్రం 7.30 గంటల ప్రాంతంలో తన సిబ్బందితో గురుజువాడకు వెళ్లారు. బాలిక కుటుంబసభ్యులకు నచ్చచెప్పి వారి అదుపు నుంచి నిందితుడు శివకుమార్‌ను విడిపించి పోలీసుస్టేషన్‌కు తరలించారు. బాలిక తండ్రి ఫిర్యాదుతో కేసు నమోదు చేసుకొని దర్యాప్తు చేస్తున్నట్టు చెప్పారు.
  


 హైదరాబాద్ : విచక్షణ మరిచిన మనిషి మృగంలా ప్రవర్తించిన ఘటన తిరుమలగిరిలో చోటుచేసుకుంది. మనువరాలు వయస్సున్న చిన్నారిపై ఓ వృద్ధ కీచకుడు లైంగికదాడికి పాల్పడ్డాడు. ఆపై ఈ విషయాన్ని బయటకు చెబితే చంపేస్తానంటూ బెదిరించాడు. సికింద్రాబాద్ తిరుమలగిరి ప్రాంతంలో ఆలస్యంగా వెలుగులోకి వచ్చిన ఈ సంఘటన వివరాలు ఇలా ఉన్నాయి.
 
 తిరుమలగిరి  పెద్ద కమేళాలో ఉంటున్న ఓ వృద్దుడు తన ఇంటిపక్కనే ఉంటున్న బాలికపై కన్నేశాడు. బాలిక తల్లిదండ్రులు ఉద్యోగాల నిమిత్తం బయటకు వెళ్లిపోయారు. స్కూల్ నుంచి ఇంటికి వచ్చిన బాలికకు చాక్లెట్ ఇప్పిస్తానని నమ్మించిన కీచకుడు ఇంట్లోకి తీసుకువెళ్లి లైంగిక దాడికి పాల్పడ్డాడు. విషయం బయట చెబితే చంపేస్తానని బెదిరించాడు.
 
 అతని మాటలతో షాక్కు గురైన బాలిక 8రోజుల తర్వాత జరిగిన ఘటనను తల్లిదండ్రులకు వివరించింది. ఆందోళనకు గురైన బాలిక కుటుంబసభ్యులు పోలీసులకు పిర్యాదు చేశారు. కేసు నమోదు చేసిన పోలీసులు నిన్న నిందితుడిని అరెస్ట్ చేశారు. నిందితుడు పొరుగు రాష్ట్రం నుంచి వచ్చి కార్పెంటర్గా పనిచేస్తున్నాడు.