విజయనగరం: అబద్ధాలు చెబుతూనే చంద్రబాబు 100 రోజులూ పాలన సాగించారని వైఎస్‌ఆర్‌ కాంగ్రెస్ పార్టీ ఎమ్మెల్యే పి.రాజన్నదొర ఆరోపించారు. ప్రజలను నమ్మించి మోసం చేయడం చంద్రబాబుకు వెన్నతో పెట్టిన విద్య అని విమర్శించారు. ప్రమాణస్వీకారం రోజున చంద్రబాబు 5 సంతకాలు చేసిన పథకాలు నేటికి కూడా అమలు కావడం లేదని తెలిపారు.
 
 రుణమాఫీపై స్పష్టత ఇవ్వకుండా టీడీపీ నాయకులు సంబరాలు చేసుకోవడం విడ్డూరంగా ఉందన్నారు. పంట రుణాల మాఫీ విషయంలో రైతులను టీడీపీ నాయకులు గందరగోళానికి గురి చేస్తున్నారని రాజన్నదొర మండిపడ్డారు.