విజయవాడ : కృష్ణాజిల్లా అర్బన్‌ టీడీపీ కార్యదర్శి పడాల కన్నా కేసులో కీలక మలుపు తిరిగింది.  ఈ కేసులో ఆరోపణలు ఎదుర్కొంటున్న కన్నా భార్య కళ్యాణి తమిళనాడులోని కన్యాకుమారిలో ఆత్మహత్య చేసుకున్నట్లు సమాచారం. పడాల కన్నా మరణానంతరం కుమారుడు, స్నేహితుడితో కలిసి కళ్యాణి అదృశ్యమైంది.  గత నెలాఖరులో పడాల కన్నా అనుమానస్పద స్థితిలో మృతి చెందిన విషయం తెలిసిందే.
 
 ఈ నేపథ్యంలో తాను ఆత్మహత్య చేసుకుంటున్నట్లు ఆమె మంగళవారం లేఖ పంపినట్లు సమాచారం. కళ్యాణి లేఖ ఆధారంగా ప్రత్యేక పోలీసు బృందం తమిళనాడుకు బయల్దేరింది. మరోవైపు కన్యాకుమారిలోని లాడ్జిలో ఓ మహిళ సహా ముగ్గురు ఆత్మహత్యకు పాల్పడ్డారు. దాంతో అక్కడ లభ్యమైన ప్రాథమిక ఆధారాలతో ఆత్మహత్యకు పాల్పడింది కళ్యాణిగా స్థానిక పోలీసులు గుర్తించారు. ఈ మేరకు వాళ్లు ...విజయవాడ పోలీసులకు సమాచారం అందించారు.


 విజయవాడ: టీడీపీ నేత పడాల కన్న హత్య కేసులో ఇద్దరు నిందితులను విజయవాడ నగర పోలీసులు ఆదివారం అరెస్ట్ చేశారు. అనంతరం నిందితులను పోలీసులు విచారిస్తున్నారు. అయితే కన్నా హత్య వెనక ఓ మహిళ హస్తం ఉందని మృతుడి బంధువులు ఆరోపిస్తున్నారు. ఆ దిశగా పోలీసులు నిందితులను విచారిస్తున్నారు.
 కాగా సదరు మహిళ కోసం అదుపులోకి తీసుకునేందుకు పోలీసులు ప్రయత్నించగా... ఆమె అప్పటికే పరారైంది. పోలీసులు ఆమె కోసం గాలింపు చర్యలు చేపట్టారు. గతంలోనే విజయవాడ నగరంలో ఓ టీడీపీ నేత మృతికి కూడా ఆమె కారణమంటూ విజయవాడ సెంట్రల్ ఎమ్మెల్యే బొండా ఉమా ఆరోపించిన సంగతి తెలిసిందే.