టెహ్రాన్‌: అభ్యంతకర ఫోటోలను సోషల్ మీడియాలో షేర్‌ చేశారన్న ఆరోపణలతో ఇద్దరు పార్కుర్ అథ్లెట్లను ఇరాన్‌లో అరెస్టు చేయడంపై సోషల్ మీడియాలో విమర్శలు వస్తున్నాయి. వాళ్లు చేసిన నేరమేంటి? అని నెటిజనులు ప్రశ్నిస్తున్నారు. అలిరెజా అద్భుతమైన ఫొటోలకు అవార్డు ఇవ్వాలి కానీ అరెస్ట్ చేయకూడదు అంటూ అభిప్రాయాలు వ్యక్తం చేస్తున్నారు. ఎత్తైన భవనంపై తన స్టంట్‌ భాగస్వామిని ముద్దు పెట్టుకున్న ఫొటోలను  ప్రముఖ పార్కుర్ అథ్లెట్ అలిరెజా జపాలాఘీ సోషల్‌ మీడియాలో షేర్‌ చేయడంతో వివాదం రేగింది. వీరిద్దరినీ టెహ్రాన్ సైబర్ పోలీసులు అరెస్ట్‌ బీబీసీ వెల్లడించింది. షరియా చట్టం నిబంధనలు ఉల్లఘించి బహిరంగ ప్రదేశాల్లో అసభ్యంగా ప్రవర్తించారన్న ఆరోపణలతో వీరిని అరెస్ట్‌ చేసినట్టు టెహ్రాన్‌ పోలీసు చీఫ్‌ హుస్సేన్ రహీమి ధ్రువీకరించారు. అయితే అలిరెజా జపాలాఘీ గతంలో ఇలాంటి ఫోటోలను బహిర్గతం చేసినా ఇప్పుడే అరెస్ట్‌ చేయడంపై నెటిజనులు అనుమానాలు వ్యక్తం చేస్తున్నారు. తన తండ్రి అదృశ్యం గురించి ప్రశ్నించినందుకే అతడిని అరెస్ట్‌ చేశారని అంటున్నారు. మాదక ద్రవ్యాల నిరోధక విభాగంలో పోలీసు అధికారి అయిన తన తండ్రి అదృశ్యం వెనుకున్న మిస్టరీని ఛేదించడంలో పోలీసులు విఫమలయ్యారని అలిరెజా ఆరోపించిన విషయాన్ని ఈ సందర్భంగా పలువురు నెటిజనులు గుర్తుచేశారు. (ముద్దు పెట్టుకున్నారు.. అరెస్టు చేశారు) అసలేంటి ఈ ఆట? పార్కుర్‌ను ఫ్రీరన్నింగ్ అని కూడా పిలుస్తారు. ఫ్రాన్స్‌లో పుట్టిన ఈ క్రీడ సైనికులకు ఇచ్చే శిక్షణ నుంచి ఆవిర్భవించింది. పరుగెడుతూ, దూకుతూ, పిల్లిమొగ్గలు వేస్తూ, వివిధ రకాల విన్యాసాలతో అడ్డంకులను అధిగమిస్తూ ముందుకు సాగిపోవడమే ఈ ఆటలోని ప్రాధానాంశం. ఆటలో భాగంగా ట్రేసర్లు లేదా ట్రేసర్స్ అని పిలువబడే ప్రాక్టీషనర్లు, సహాయక పరికరాలు లేకుండా సాధ్యమైనంత వేగంగా, సమర్థవంతమైన మార్గంలో సంక్లిష్ట వాతావరణంలో ఒక పాయింట్ నుండి మరొకదానికి చేరుకుంటారు.

ఎత్తైన భవనంపై బహిరంగంగా ముద్దు పెట్టుకున్న ఓ పార్కుర్‌ అథ్లెట్‌ను పోలీసులు అరెస్టు చేశారు. వివరాల్లోకి వెళితే.. గత వారం ఇరాన్‌కు చెందిన పార్కుర్‌ అథ్లెట్‌ అలిరేజా జపాలాఘీ, తన స్టంట్‌ భాగస్వామిని ఇంటి పైన ముద్దు పెట్టుకున్నారు. ఈ ఫోటోలను తన ఫేస్‌బుక్‌లో షేర్‌ చేయడంతో సోషల్‌ మీడియాలో తెగ వైరల్‌ అయ్యాయి. దీంతో ఇరాన్‌ సంప్రదాయాలు, ఆచారాలకు విరుద్ధంగా వ్యవహరించిన అతడిని టెహ్రాన్‌ పోలీసులు గురువారం అరెస్టు చేశారు. (ఆ ఆరోపణలు అర్థం లేనివి : చైనా ) గత వారం తనకు గుర్తు తెలియని వ్యక్తుల నుంచి కాల్స్‌ వచ్చాయని, స్వతహాగా లొంగకపోతే పబ్లిక్‌గా అరెస్టు చేస్తామని బెదిరించినట్లు జపాలాఘీ ఇన్‌స్టాగ్రామ్‌ లైవ్‌లో మాట్లాడుతూ తెలిపారు. కాగా జపాలాఘీని పోలీసులు అరెస్టు చేసినప్పటికీ ఫోటోలో మహిళ ముఖం సరిగా తెలియకపోవడంతో ఆమె కోసం పోలీసులు గాలిస్తున్నారు. అయితే వీరి నిర్బంధాన్ని సోషల్‌ మీడియాలో నెటిజన్లు తీవ్రంగా విమర్శిస్తున్నారు. పార్కుర్‌ అథ్లెట్‌కు మద్దతుగా పలువురు అక్రోబాటిక్‌ విన్యాసాలను ప్రదర్శిస్తున్నారు. (తొందరెందుకు.. కాస్త ఆగి చూడండి: మిస్బా ) Iranian parkour Alireza Japalaghy posted this picture. He was arrested today. Security agents hunting down the woman. pic.twitter.com/rrNznf7Tv9 — Farnaz Fassihi (@farnazfassihi) May 18, 2020 ఇస్లామిక్‌ వస్త్రధారణ నియమాల ప్రకారం ఇంటి నుంచి బయటకు వచ్చిన మహిళలు తమ ముఖం, చేతులు, కాళ్లను మాత్రమే కనబడేలా దుస్తులు వేసుకోవాలి. అలాగే ఎలాంటి ఆర్భాటాలు లేని రంగులను మాత్రమే ధరించాలి. అయితే ఇలాంటి మంచి పని చేసిన వారికి బహుమతి ఇవ్వాలి కానీ అరెస్టు చేయకూడదని నెటిజన్లు కామెంట్‌ చేస్తున్నారు. ఎలాంటి సహాయం లేకుండా వేగంగా ఒక ప్రదేశం నుంచి మరో ప్రదేశానికి జంప్‌ చేసేవారిని పార్కుర్‌ అథ్లెట్‌ అంటారు. పార్కుర్‌లో రన్నింగ్‌, క్లైంబింగ్‌, స్వింగింగ్‌, జంపింగ్‌ రోలింగ్‌ వంటివి ఉంటాయి. (రెడ్‌ అలర్ట్‌: ఆ సమయంలో బయటకు రావొద్దు )


 లాస్ ఏంజెలిస్: పాప్ సింగర్ తన కుమారుడి విషయంలో తీవ్ర కలత చెందుతోంది. తన కుమారుడు మాక్స్ ఏదో ఒక రోజు గుండెపోటు తెప్పిస్తాడంటూ పాప్ సింగర్  క్రిస్టినా అగ్విలెరా అంటోంది. పార్కర్ కు తన ఎనిమిదేళ్ల కొడుకు మాక్స్ బిగ్ ఫ్యాన్ అని, వాడి డేరింగ్ నెస్ ఎక్కువైనందుకు కాస్త కంగారు పడుతున్నట్లు పేర్కొంది. మాక్స్ ఎప్పుడూ వాడికి ఇష్టం ఉన్న పనులు చేస్తుంటాడు, వారి కెరీర్ కూడా వాడే డిసైడ్ చేసుకుంటాడని చెప్పింది. అగ్విలెరా పాల్గొన్న షో 'ది ఎల్లిన్ డిజెనరెస్ షో' మంగళవారం నాడు భారత్ లోనూ కొన్ని చానల్స్ లో ప్రసారం కానుందని ఆమె తెలిపింది.
 
 మాక్స్ పెద్దయ్యాక ఎంటర్ టైన్ మెంట్ కంపెనీ సర్క్యూ డు సొలేల్ లో జాయిన్ అవుతాడేమోనని అభిప్రాయపడింది. పార్కర్.. ప్రమాదకర క్రీడ అయినందున తాను భయపడాల్సి వస్తుందని పాప్ స్టార్ చెప్పుకొచ్చింది. ఒక బిల్డింగ్ నుంచి మరో బిల్డింగ్ పైకి దూకడం లాంటి పనులు చేయడం ఆ గేమ్ లో ఉంటాయని, ఇప్పటికే వాడు ట్రెయినింగ్ మొదలెట్టాడని అగ్విలెరా తెలిపింది. మాక్స్ చేసే స్టంట్స్, ఇతర యాక్షన్స్ వల్ల వాడికి ఏదైనా జరిగితే తనకు గుండెపోటు వచ్చేలా ఉందని పాప్ సింగర్ ఆందోళన చెందుతోంది.