ఇస్లామాబాద్‌: కాలం మారుతున్న కొద్ది ప్రతి రంగంలో మార్పులు చోటు చేసుకుంటున్నాయి. కొన్ని మంచికి దారితీస్తే.. మరికొన్ని అతిని ప్రదర్శిస్తున్నాయి. తాజాగా టీవీల్లో ప్రసారమయ్యే సీరియల్స్‌ చూస్తే పైన చెప్పిన మాట నిజం అనిపిస్తుంది. ప్రస్తుతం వస్తున్న సినిమాల్లో మితిమీరిన శృంగార సన్నివేశాలు ఉండటం పట్ల ఆగ్రహం వ్యక్తం అవుతుండగా.. ఇప్పుడది సీరియల్స్‌ కూడా అంటుకుంది. ఇండస్ట్రీతో సంబంధం లేకుండా సీరియల్స్‌ కూడా రోమాంటిక్‌ సీన్లు ప్రసారం అవుతున్నాయి.  అయితే ఇక మీదట టీవీల్లో ప్రసారం అయ్యే సీరియల్స్‌లో కౌగిలించుకోవడం, రోమాన్స్‌ చేసే సన్నివేశాలు ప్రసారం చేయకూడదని పాకిస్తాన్‌ ప్రభుత్వం ఆదేశించింది. ఈ మేరకు పాకిస్తాన్‌ ఎలాక్ట్రానిక్‌ మీడియా రెగ్యూలేటరి అథారటీ(పీఈఎంఆర్‌ఏ) ఉత్తుర్వులు జారీ చేసింది. సీరియల్స్‌లో ఇలాంటి సన్నివేశాలు బాగా పెరిగిపోయానని తమకు ఫిర్యాదులు వచ్చాయని పెమ్రా తెలిపింది. ఇలాంటి సన్నివేశాలు ప్రసారం చేసే సీరియల్స్‌ పాకిస్తాన్‌ సమాజానికి పూర్తి వ్యతిరేకం అని నోటిఫికేషన్‌లో పేర్కొంది.  (చదవండి: సీరియల్‌ ప్రమోషన్‌లో కృతిశెట్టి.. రెమ్యునరేషన్‌ ఎంతంటే?) ఈ మేరకు ‘‘కౌగిలించుకోవడం, ఒకరినొకరు లాలించడం, వివాహేతర సంబంధాలు, పడకగది సన్నివేశాలు, భార్యభర్తల మధ్య వచ్చే శృంగార సన్నివేశాలు, అసభ్యకరంగా దుస్తులు ధరించడం వంటి సీన్లు ఇస్లామిక్ బోధనలు, పాకిస్తానీ సమాజం సంస్కృతిని పూర్తిగా నిర్లక్ష్యం చేయడం కిందకే వస్తుంది. కనుక ఇలాంటి సీరియల్స్‌ని ప్రసారం చేసే ముందు సదరు చానెల్స్‌ ఒకటికి రెండు సార్లు క్షుణ్ణంగా పరిశీలించుకుని.. అసభ్యతకు తావులేదని భావించిన తర్వాతే ప్రసారం చేయాలి’’ అని పెమ్రా తన నోటిఫికేషన్‌లో పేర్కొంది. (చదవండి: సన్నిహిత సన్నివేశాల రూపశిల్పి) పెమ్రా నోటిఫికేషన్‌పై లీగల్, హ్యూమన్ రైట్స్ ప్రొఫెషనల్ రీమా ఒమర్  ప్రతిస్పందిస్తూ, "పెమ్రా తీసుకున్న నిర్ణయం సరైంది. వివాహిత జంటల మధ్య సాన్నిహిత్యం, ఆప్యాయత 'పాకిస్తానీ సమాజంలో ఉండదు'. మా 'సంస్కృతి' నియంత్రణ, దుర్వినియోగం, హింస మాత్రమే. ఇటువంటి పరాయి విలువలు విధించకుండా మనమందరం మన సంస్కృతిని కాపాడుకోవాలి అంటూ ఎద్దేవా చేశారు.  చదవండి: ‘యాక్‌.. ఇలాంటి చెత్త సీన్లు ఎలా తీస్తారు మీరు?’ PEMRA finally got something right: Intimacy and affection between married couples isn’t “true depiction of Pakistani society” and must not be “glamourised” Our “culture” is control, abuse and violence, which we must jealously guard against imposition of such alien values pic.twitter.com/MJQekyT1nH — Reema Omer (@reema_omer) October 22, 2021


 ఇస్లామాబాద్: మాజీ క్రికెటర్, ప్రముఖ రాజకీయ నాయకుడు ఇమ్రాన్ ఖాన్ మూడో పెళ్లి విషయంలో తప్పుడు వార్తలు ప్రసారం చేసినందుకుగానూ 13 పాక్ టీవీ చానళ్లకు పాకిస్తాన్ మీడియా వాచ్‌డాగ్ భారీ జరిమానా విధించింది. ఈ మేరకు ఒక్కో చానల్‌కు రూ.5 లక్షలు జరిమానా విధించినట్లు అధికారులు ఆదివారం వెల్లడించారు. తప్పుడు వార్తలపై పాకిస్తాన్ తెహ్రీక్ ఇ ఇన్సాఫ్(పీటీఐ) ఇచ్చిన ఫిర్యాదును విచారించిన పాకిస్తాన్ ఎలక్ట్రానిక్ మీడియా రెగ్యులేటరీ అథారిటీ(పెమ్రా).. ఈ మేరకు సదరు చానళ్లకు  జరిమానా విధించింది.
 
 కాగా, ఈ చానళ్లు గతనెల 12న ఇమ్రాన్ ఖాన్  లండన్‌లో మూడో వివాహం చేసుకోబోతున్నాడని పదే పదే ప్రసారం చేశాయి. ఈ తప్పుడు వార్తా ప్రసారాలపై ఖాన్ పార్టీ పీటీఐ ఆగస్టు 26న పెమ్రాకు ఫిర్యాదు చేసింది. ఈ ఫిర్యాదును విచారించిన పెమ్రా సదరు చానళ్లపై ఆగ్రహం వ్యక్తం చేసింది. ఇలా తప్పుడు కథనాలను ప్రసారం చేయడం జర్నలిజం ప్రమాణామాలను, నియమాలను ఉల్లంఘించడమేనని పేర్కొంది.
 
 సదరు ఒక్కో చానల్‌కు రూ.5లక్షల జరిమానా విధించింది. జరిమానాను చెల్లించకపోతే చానళ్లకు సంబంధించిన లెసైన్సులను రద్దు చేస్తామని పెమ్రా హెచ్చరించింది. కాగా, జరిమానా విధించిన చానళ్లలో దున్యా న్యూస్,  జియో న్యూస్, నియో న్యూస్, రాయల్ న్యూస్, ఖైబర్ న్యూస్, చానల్ 24, చానల్ 92, న్యూస్ వన్, సచ్ టీవీ, రోజ్ న్యూస్, చానల్ 5, జియో తేజ్‌లు ఉన్నాయి.