స్టార్‌ హీరోయిన్‌ సమంత ప్రస్తుతం మయోసైటిస్‌ అనే అరుదైన వ్యాధితో బాధపడుతున్న సంగతి తెలిసిందే. ఆటో ఇమ్యూన్‌ సమస్య కారణంగా వచ్చే ఈ వ్యాధి వల్ల కండరాల నొప్పులు తీవ్రంగా ఉంటాయి. ఒక్కోసారి కదల్లోని పరిస్థితి కూడా ఏర్పడుతుంది. ఆటో ఇమ్యూన్‌తో పాటు వైరస్‌, కొన్ని మందుల ప్రభావంతోనూ మయోసైటిస్‌ వస్తుంది. ప్రస్తుతం సమంత దీనికి చికిత్స తీసుకుంటున్న సంగతి తెలిసిందే. అయితే తాజాగా తాను కూడా మయోసైటిస్‌ వ్యాధితో పోరాడినట్లు హీరోయిన్‌ పియా బాజ్‌పేయ్‌ తెలిపింది. సమంత పరిస్థితిని అర్థం చేసుకోగలను. ఎందుకంటే నేను కూడా గతంలో మయోసైటిస్‌ బారిన పడ్డాను. చికిత్స లేని వ్యాధి బారిన పడితే వాళ్ల మానసిక స్థితి ఎలా ఉంటుందో అర్థం చేసుకోగలను. నాకు మయోసైటిస్‌ వచ్చిందని విషయం ఇంట్లో వాళ్లకు కూడా చెప్పలేదు. ముంబైలో ఉండి చికిత్స తీసుకున్నా. సమంతకు మయోసైటిస్‌ ఉందని తెలియగానే బాధపడ్డా అంటూ చెప్పుకొచ్చింది.  కాగా పియా బాజ్‌పేయి జీవా హీరోగా నటించిన 'రంగం' సినిమాతో తెలుగు ప్రేక్షకులకు దగ్గరైంది.   


 రంగం సినిమాతో బబ్లీ క్యారెక్టర్ తో ఆకట్టుకున్న భామ పియా బాజ్పాయ్. రంగం సినిమా తరవాత కూడా బోల్డ్ ఫొటో షూట్లతో అలరించిన ఈ భామ ఇప్పుడు అభియుం అనువుం అనే కోలీవుడ్ సినిమాలో నటిస్తున్నారు. చాలా కాలం తరువాత సినిమాటోగ్రాఫర్ ఆర్ విజయలక్ష్మి ఈ సినిమాకు దర్శకత్వం వహిస్తున్నారు. ఈ సినిమాలో డోవినో థామస్ హీరోగా నటిస్తున్నారు.
 
 సీనియర్ నటి రోహిణి కీలక పాత్రలో నటిస్తున్న ఈ సినిమాలో పియా ఓ ఛాలెంజింగ్ రోల్ లో నటిస్తున్నారు. అందుకే కథ డిమాండ్ మేరకు సినిమా కోసం గుండు గీయించుకున్న పియా అందరికి షాక్ ఇచ్చారు. అంతేకాదు ' ఈ సినిమాలో నటించే అవకాశం రావటం నా అదృష్టం. విజయలక్ష్మి కథ వినిపించినప్పుడు చాలా ఎక్సైటింగ్ గా అనిపించింది. నటులు ఇలాంటి పాత్రల కోసమే ఎదురుచూస్తుంటారు.
 
 అందుకే  వెంటనే ఓకె చెప్పేవా. ఈ సినిమాలోని కొన్ని సీన్స్ గుండుతో నటించాల్సి వచ్చింది. గుండుతో కనిపించేందుకు ప్రొస్థటిక్ మేకప్ చేసే అవకాశం ఉన్నా.. నేచురల్ గా కనిపించేందుకు గుండు గీయించుకోవాలని నిర్ణయించుకున్నా'  అని తెలిపారు. ప్రేమకథగా తెరకెక్కుతున్న ఈ సినిమా మైత్ స్టోన్ గానిలిచిపోతుందన్న నమ్మకంతో ఉన్నారు చిత్రయూనిట్.