భారతీయ బ్యాంకులకు రూ. 9 వేల కోట్లకు కుచ్చుటోపీ పెట్టి, బ్రిటన్‌ పారిపోయిన లిక్కర్ కింగ్ విజయ్‌ మాల్యా ముచ్చటగా మూడో పెళ్లికి రెడీ అవుతున్న సంగతి తెలిసిందే. ఎయిర్‌ హోస్టెస్‌ పింకీ లాల్వాణీతో కొన్నేళ్లుగా డేటింగ్‌ చేస్తున్నమాల్యా త్వరలో వివాహం చేసుకోబోతున్నట్టుగా తెలుస్తోంది.  అయితే మాల్యా, పింకీ లాల్వాణీ వివాహానికి పలువురు బాలీవుడ్‌ తారలు హాజరవుతున్నట్టు సమాచారం. గతంతో కింగ్‌ఫిషర్‌ క్యాలెండర్‌కు మోడల్స్‌ అయిన  దీపికా పదుకొణె, కత్రినా కైఫ్‌, నర్గిస్‌ ఫక్రి తదితరులు పెళ్లిలో పాల్గొంటారని తెలుస్తోంది. దీపికకు మాల్యాతో ఉన్న పరిచయం ప్రత్యేకంగా చెప్పనక్కర్లేదు. మాల్యా కొడుకు సిద్ధార్థ్ మాల్యాతో దీపిక ప్రేమాయణం కొనసాగించిన విషయం తెలిసిందే.

సాక్షి, న్యూఢిల్లీ: ‘భారతీయ బ్యాంకులకు కుచ్చుటోపీ పెట్టి లండన్‌కు పారిపోయిన విజయ్‌ మాల్యా మూడో పెళ్లి వెనుక కుట్ర దాగి ఉంది. పింకీ లల్వాణీ మాల్యాని పెళ్లి చేసుకున్న తర్వాత.. తమ కుటుంబాన్ని కలిసేందుకు రమ్మని.. అతన్ని బలవంతపెడుతుంది. అప్పుడు మాల్యా భారత్‌ రాక తప్పదు. అప్పుడు అతన్ని పట్టుకోవచ్చని ఇంటలిజెన్స్‌ వర్గాలు ప్లాన్‌ చేశాయి. ఇది హనీ ట్రాప్‌.. పింకీని ఐబీయే రంగంలోకి దింపింది..’  అంటూ విజయ్‌ మాల్యా మూడో పెళ్లిపై ఓ నెటిజన్‌ వేసిన జోక్‌ ఇది.. ఎయిర్‌ హోస్టెస్‌ పింకీ లాల్వాణీని విజయ్‌ మాల్యా మూడో పెళ్లి చేసుకోబోతున్నాడని జాతీయ మీడియాలో కథనాలు వచ్చిన సంగతి తెలిసిందే. దీంతో విజయ్‌ మాల్యా మూడో పెళ్లి ట్విటర్‌లో ట్రెండింగ్‌గా మారిపోయింది. ఆయన వివాహంపై నెటిజన్లు జోకుల మీద జోకులు వేస్తున్నారు. విజయ్‌ మాల్యా పెళ్లి రోజున ఎస్‌బీఐ జాతీయ సెలవుదినంగా ప్రకటిస్తుందని ఒక నెటిజన్‌ చమత్కరించగా.. ఇది మాల్యాను పట్టుకునేందుకు ఐబీ పన్నిన హనీట్రాప్‌ అని మరొకరు సెటైర్‌ వేశారు. లండన్‌లో ఒంటరితనం అనుభవించలేక.. మాల్యా మూడో పెళ్లి చేసుకుంటున్నాడని, త్వరలోనే మరో ముగ్గురిని కూడా  అతను చేసుకుంటాడని ఇంకొకరు ట్వీట్‌ చేశారు. There's a conspiracy theory that Vijay Mallya's marriage is actually a honey trap. The girl is planted by intelligence agencies. After marriage she will force Mallya to visit her family in India. And then police will arrest him. 😁🔫 — Nimit (@nimitarora1991) March 28, 2018 Vijay Mallya getting married again because he was feeling a loan. — InGenious (@Bees_Kut) March 28, 2018 *Normal zindagi* Son : Papa ek ladki hai jisse mai shaadi karna chahta hun *Mentos zindagi* Vijay Mallya : beta ek ladki hai jisse mai shaadi karna chahta hun — Pakchikpak Raja Babu (@HaramiParindey) March 28, 2018

న్యూఢిల్లీ : భారతీయ బ్యాంకులకు రూ. 9 వేల కోట్లకు కుచ్చుటోపీ పెట్టి, బ్రిటన్‌ పారిపోయిన కింగ్‌ఫిషర్‌ ఎయిర్‌లైన్స్‌ వ్యవస్థాపకుడు విజయ్‌ మాల్యా ముచ్చటగా మూడో పెళ్లికి రెడీ అవుతున్నారు. ఎయిర్‌ హోస్టెస్‌ పింకీ లాల్వాణీని పెళ్లి చేసుకోబోతున్నట్లు జాతీయ మీడియా ప్రచురించింది. పింకీ లల్వాణీ, విజయ్‌ మాల్యాకు 2011లో పరిచయం అయ్యింది. అనంతరం మాల్యా ఆమెకు తన ఎయిర్‌లైన్స్‌ కింగ్‌ఫిషర్‌ ఎయిర్‌లైన్స్‌లో ఎయిర్‌హోస్టెస్‌గా ఉద్యోగం కల్పించారు. కాల క్రమేణా వీరి పరిచయం ప్రేమకు దారితీసింది. అప్పటి నుంచి సహజీవనం చేస్తున్నారు. అంతే కాదు వీరిద్దరు పలు కార్యక్రమాల్లో జంటగానే కనిపించేవారు.  మాల్యాకు ఎయిర్‌హోస్టెతో ప్రత్యేక అనుబంధం ఉంటుంది. ఆయన మొదటి భార్య సమీరా త్యాబ్జీ సైతం ఎయిర్‌ హోస్టెస్‌. 1986లో సమీరాను వివాహామాడిన మాల్యా, 1993లో రేఖను పెళ్లి చేసుకున్నారు. వీరికి  ముగ్గురు సంతానం ఉన్నారు. వీరిలో కుమారుడు సిద్దార్థ్‌, కుమార్తెలు లెన్నా, తాన్యాలు. వేలకోట్లు ఎగొట్టి పారిపోయిన మాల్యా లండన్‌లో విలాసవంమైన జీవితం గడుపుతున్నాడు.