దుబ్బాక: లచ్చపేటలో ఓ వ్యక్తి పెంచుకుంటున్న దుప్పిని అటవీ అధికారులు గురువారం స్వాధీనం చేసుకున్నారు. లచ్చపేటకు చెందిన నిమ్మ శ్రీనివాస్‌కు 8 నెలల కిందట అటవీ ప్రాంతంలో దుప్పి పిల్ల దొరికింది. దాన్ని ఇంటికి తెచ్చి 8 నెలలుగా పాలు పోసి, పచ్చ గడ్డి వేస్తూ పెంచుతున్నాడు. విషయం తెలుసుకున్న బీట్ ఆఫీసర్ రవి కిరణ్ గురువారం లచ్చపేటకు వెళ్లి దుప్పిని స్వాధీనం చేసుకున్నారు. మెదక్ అభయారణ్యంలో దుప్పిని వదిలివేయనున్నట్లు చెప్పారు.