వాషింగ్టన్‌: అమెరికా హెచ్‌1బీ వీసా ఆశావహులకు మరోసారి షాకిచ్చింది. హెచ్‌1బీ వీసా దరఖాస్తులను వేగంగా పరిశీలించే ప్రీమియం ప్రాసెసింగ్‌ విధానంపై ఇప్పటికే ఉన్న తాత్కాలిక సస్పెన్షన్‌ను మరో 6 నెలల పాటు పొడిగించింది. తాజా నిర్ణయం హెచ్‌1బీ వీసాలను గణనీయంగా దక్కించుకుంటున్న భారతీయ ఐటీ నిపుణులపై ప్రతికూల ప్రభావం చూపనుంది. ఈ విషయమై యూఎస్‌ సిటిజన్‌షిప్‌ అండ్‌ ఇమిగ్రేషన్‌ సర్వీసెస్‌(యూఎస్‌సీఐఎస్‌) స్పందిస్తూ.. దీర్ఘకాలంగా పెండింగ్‌లో ఉన్న దరఖాస్తులు పరిశీలించేందుకే ఈ నిర్ణయం తీసుకున్నట్లు తెలిపింది. గత కొన్ని నెలలుగా భారీగా వస్తున్న ప్రీమియం దరఖాస్తుల కారణంగా ఇతర హెచ్‌1బీ వీసాలు పెండింగ్‌లో ఉండిపోతున్నాయని వెల్లడించింది. సాధారణంగా అమెరికాలో పనిచేసే విదేశీ నిపుణులకు ఈ హెచ్‌1బీ వీసాను జారీచేస్తారు. ఈ వీసా దరఖాస్తును పరిశీలించేందుకు 6 నెలల సమయం పడుతుంది. కానీ ప్రీమియం ప్రాసెసింగ్‌ విధానంలో రూ.86,181(1,225 డాలర్లు) చెల్లిస్తే కేవలం 15 రోజుల్లో అధికారులు వీసా జారీపై తుది నిర్ణయం తీసుకుంటారు. దీంతో పలు సాఫ్ట్‌వేర్‌ కంపెనీలు ఈ విధానానికి మొగ్గుచూపుతున్నాయి. తాజాగా ప్రీమియం వీసాలపై ఉన్న తాత్కాలిక సస్పెన్షన్‌ను మరో ఆరు నెలల పాటు పొడిగించడం భారత ఐటీ నిపుణులకు శరాఘాతమేనని మార్కెట్‌ విశ్లేషకులు చెబుతున్నారు.

వాషింగ్టన్‌: 2019 ఆర్థిక సంవత్సరానికి హెచ్‌1బీ వీసాల దరఖాస్తులను ఏప్రిల్‌ 2 నుంచి స్వీకరిస్తామని అమెరికా పౌర, వలస సేవల విభాగం (యూఎస్‌సీఐఎస్‌) వెల్లడించింది. అయితే 2019 ఆర్థిక సంవత్సరానికి సంబంధించిన హెచ్‌1బీ వీసాల ప్రీమియం ప్రాసెసింగ్‌ను మాత్రం తాత్కాలికంగా నిలిపివేయనున్నామని తెలిపింది. 2019 ఆర్థిక సంవత్సరం పరిమితి కిందకు రాని హెచ్‌1బీ వీసాల దరఖాస్తులైతే ప్రీమియం ప్రాసెసింగ్‌ కోసం కూడా అభ్యర్థించవచ్చని యూఎస్‌సీఐఎస్‌ స్పష్టం చేసింది. ఒకవేళ ఎవరైనా హెచ్‌1బీ వీసాతోపాటు ప్రీమియం ప్రాసెసింగ్‌కూ కలిపి ఒకేసారి దరఖాస్తు చేస్తే (2019 ఆర్థిక సంవత్సరం కింద) ఆ అప్లికేషన్లను తిరస్కరిస్తామంది. ప్రీమియం ప్రాసెసింగ్‌ను సెప్టెంబరు 10న తిరిగి ప్రారంభించే అవకాశం ఉందనీ, కచ్చితంగా ఎప్పుడు ఆరంభించేదీ త్వరలో ప్రకటిస్తామని యూఎస్‌సీఐఎస్‌ చెప్పింది. అమెరికాలోని కంపెనీలు కొన్ని ప్రత్యేక నైపుణ్యాలు అవసరమైన ఉద్యోగాల్లో విదేశీయులను నియమించుకునేందుకు వెసులుబాటు కల్పించేవే ఈ హెచ్‌1బీ వీసాలు. భారత్, చైనా తదితర దేశాల నుంచి సాఫ్ట్‌వేర్‌ ఉద్యోగులు ఎక్కువగా హెచ్‌1బీపైనే అమెరికాకు వెళ్తుంటా రు. ఒకసారి వీసా పొందితే మూడేళ్లు అక్కడ ఉద్యోగం చేసుకోవచ్చు. వీసాను మరో మూడేళ్లు పొడిగించుకునే అవకాశం ఉంటుంది.   ఏమిటీ ప్రీమియం ప్రాసెసింగ్‌? దరఖాస్తుదారులు కొంత అధిక రుసుము చెల్లించి తమ హెచ్‌1బీ వీసా దరఖాస్తును వేగవతంగా పరిశీలించాల్సిందిగా యూఎస్‌సీఐఎస్‌ను కోరడమే ప్రీమియం ప్రాసెసింగ్‌. సాధారణంగా ప్రీమియం ప్రాసెసింగ్‌ కింద వచ్చిన దరఖాస్తులను యూఎస్‌సీఐఎస్‌ 15 రోజుల్లోపే పరిశీలించి ఆమోదించడమో, తిరస్కరించడమో చేస్తుంది. ఈసారి ప్రీమియం ప్రాసెసింగ్‌ లేకపోయినప్పటికీ.. వీసా దరఖాస్తులను తొందరగా పరిశీలించాల్సిందిగా అభ్యర్థులు విజ్ఞప్తి చేసే అవకాశాన్ని ఇస్తున్నామనీ, అయితే ఇందుకు కొన్ని షరతులు ఉన్నాయని యూఎస్‌సీఐఎస్‌ చెప్పింది. ప్రీమియం ప్రాసెసింగ్‌ను నిలిపివేయడం వల్ల సాధారణ హెచ్‌1బీ దరఖాస్తులను వేగంగా పరిశీలించే వెసులుబాటు తమకు లభిస్తుందని తెలిపింది. పదేళ్లలో భారత్‌ నుంచి 22 లక్షలు అమెరికాలో ఆర్థిక సంవత్సరం అక్టోబరు నుంచి సెప్టెంబరు వరకు ఉంటుంది. ఒక్కో ఆర్థిక సంత్సరానికి 65 వేల హెచ్‌1బీ వీసాలను యూఎస్‌సీఐఎస్‌ మంజూరు చేస్తుంది. ఇవి కాకుండా మరో 20 వేల వీసాలను అమెరికాలో మాస్టర్స్‌ డిగ్రీ చదివిన వారి కోసం ప్రత్యేకంగా కేటాయించారు. అలాగే ఉన్నత విద్యా సంస్థలు, పరిశోధనా సంస్థలు, స్వచ్ఛంద సంస్థల్లో పని చేసేందుకు వచ్చే వారికి కూడా 65 వేల పరిమితితో సంబంధం లేకుండా హెచ్‌1బీ వీసాలు ఇస్తారు. 2007 నుంచి 2017 మధ్య హెచ్‌1బీ కోసం అత్యధికంగా భారత్‌ నుంచి ఏకంగా 22 లక్షల దరఖాస్తులు వచ్చాయి.

వాషింగ్టన్‌: భారతీయ ఐటీ నిపుణులకు అతి కీలకమైన హెచ్‌1 బీ వీసాల కోసం దరఖాస్తులను స్వీకరించనున్నారు.  2019ఆర్థిక సంవత్సరానికిగాను ఏప్రిల్‌ 2 నుంచి దరఖాస్తులను స్వీకరించనున్నామని  ఫెడరల్‌ ఏజెన్సీ బుధవారం ప్రకటించింది. మరోవైపు ప్రీమియం వీసా ప్రాసెసింగ్‌ను ఆరు నెలలపాటు ట్రంప్ సర్కార్ నిలిపేసింది. ప్రాసెసింగ్‌లో సమయాన్ని ఆదాచేసే ఉద్దేశంతో  హెచ్1బీ  ప్రీమియం వీసా ప్రాసెసింగ్  ప్రక్రియను తాత్కాలికంగా నిలిపివేశామని  ఇమ్మిగ్రేషన్‌ శాఖ ప్రకటించింది. హెచ్‌1 బీ వీసా పిటిషన్ల ప్రీమియం ప్రాసెసింగ్ సస్పెన్షన్ సెప్టెంబరు 10, 2018 వరకు కొనసాగుతుందని పేర్కొంది.   2019 ఆర్థిక సంవత్సరానికి హెచ్‌1బీ వీసా  ప్రీమియం ప్రాసెసింగ్‌  ప్రక్రియను తాత్కాలికంగా రద్దు చేయాలని నిర్ణయించామని యూఎస్‌ సిటిజెన్‌షిప్‌ అండ్‌ ఇమ్మిగ్రేషన్‌ సర్వీసెస్‌ (యూఎస్‌సీఐఎస్‌)  ప్రకటించింది.  2018 అక్టోబరు 1న ప్రారంభమవుతుందని యూఎస్‌సీఐఎస్‌ మార్చి 20, 2018 న విడుదల చేసిన ఒక ప్రకటనలో తెలిపింది.  దీనిపై వివరాలను తిరిగి  నోటిఫే చేస్తామని చెప్పింది.  తాత్కాలికంగా ప్రీమియం ప్రాసెసింగ్‌ను నిలిపివేయడం ద్వారా దీర్ఘకాలంగా పెండింగ్‌లో ఉన్న పిటిషన్లను ప్రాసెస్ చేయాలని భావిస్తున్నట్టు ఏజెన్సీ వెల్లడించింది. అయితే హెచ్1బీ వీసాల దరఖాస్తుల స్వీకరణ  యథావిధిగా కొనసాగుతుందని స్పష్టం చేసింది. ప్రతి ఏడాది అమెరికా ప్రభుత్వం 65 వేలకుపైగా  హెచ్1బీ వీసాలను జారీ చేస్తుంది.


 - వీసా ప్రీమియమ్‌ ప్రాసెసింగ్‌ ఆర్నెళ్లపాటు రద్దు చేసిన ట్రంప్‌ సర్కారు
 - ఏప్రిల్‌ 3 నుంచి అమల్లోకి
 - రెగ్యులర్‌ వీసా ప్రాసెసింగ్‌లో జాప్యం తొలగించేందుకేనని ప్రకటన
 - సాధారణ హెచ్‌1బీ వీసాలకు ఇబ్బందిలేదని స్పష్టీకరణ
 - ఉద్యోగాల్లో స్థానికులకే పెద్దపీట వేస్తూ మరో బిల్లు
 - కాంగ్రెస్‌లో ప్రవేశపెట్టిన బైపార్టిషన్‌ బృందం
 - ఆమోదం పొందితే అమెరికాలో భారతీయ ఉద్యోగులకు కష్టకాలం
 
 వాషింగ్టన్‌: హెచ్‌1బీ వీసాలపై ట్రంప్‌ ప్రభుత్వం మరో బాంబు పేల్చింది! ఈ వీసాల ప్రీమియం ప్రాసెసింగ్‌ను ఆర్నెళ్లపాటు తాత్కాలికంగా రద్దు చేస్తున్నట్లు ప్రకటించింది. ఈ మేరకు యూఎస్‌ సిటిజన్‌షిప్, ఇమిగ్రేషన్‌ సర్వీసెస్‌ (యూఎస్‌సీఐఎస్‌) వెల్లడించింది.
 
 ఏప్రిల్‌ 3 నుంచి ఇది అమల్లోకి వస్తుందని తెలిపింది. 2018 ఆర్థిక సంవత్సరానికి (అక్టోబర్‌ 1, 2017 నుంచి ప్రారంభం)గాను సాధారణ హెచ్‌1బీ వీసాల దరఖాస్తులను కూడా ఏప్రిల్‌ 3 నుంచి స్వీకరించనున్నట్లు తెలిపింది.
 
 ప్రాసెసింగ్‌ సమయం తగ్గించేందుకే..
 ప్రత్యేక ఫీజుతో (1,225 డాలర్లు చెల్లిస్తే) హెచ్‌–1బీ వీసాల ఆమోద ప్రక్రియ త్వరగా పూర్తి చేసుకునేందుకు వీలు కల్పించేదే ప్రీమియం ప్రాసెసింగ్‌. తాత్కాలిక రద్దు ప్రీమి యం ప్రాసెసింగ్‌కు మాత్రమే వర్తిస్తుందని, దీని వల్ల సాధారణ హెచ్‌1బీ వీసాలకు ఎలాంటి ఇబ్బంది ఉండదని యూఎస్‌సీఐఎస్‌ తెలిపింది. హెచ్‌1బీ వీసాల ప్రాసెసింగ్‌ సమయం తగ్గించడానికి ఈ నిర్ణయం తీసుకున్నట్టు వివరించింది. పెండింగ్‌లో ఉన్న రెగ్యులర్‌ హెచ్‌1బీ వీసాల దరఖాస్తులను పరిష్కరించేందుకు, మొత్తంగా హెచ్‌1బీ వీసాల ప్రాసెసింగ్‌ సమయాన్ని తగ్గించేందుకు ఈ రద్దు నిర్ణయం ఉపయోగపడుతుందని తెలిపింది. ప్రస్తుతం ప్రీమియం ప్రాసెసింగ్‌ 15 పనిదినాల్లో పూర్తవుతుండగా.. సాధారణ హెచ్‌1బీ వీసాల ప్రాసెసింగ్‌కు మూడు నుంచి ఆరు నెలలు పడుతోంది.
 
 సిలికాన్‌ వ్యాలీ కంపెనీలకు కాస్త ఇబ్బందే..
 అమెరికాలో ఉద్యోగానికి నిపుణులకిచ్చే ఈ తాత్కాలిక వర్క్‌ వీసా (హెచ్‌1బీ)ను ఎక్కువ గా భారత ఐటీ ఇంజనీర్లు, వారికి ఉద్యోగాలి స్తున్న కంపెనీలు ఎక్కువగా వినియోగించుకుం  టున్న సంగతి తెలిసిందే. ప్రభుత్వం తీసుకున్న నిర్ణయంతో ఇప్పటికే హెచ్‌1బీ వీసాల కోసం దరఖాస్తు చేసుకున్న పలు కంపెనీలకు.. పెం డింగ్‌లోని తమ దరఖాస్తులను క్లియర్‌ చేసు కునేందుకు అవకాశం ఏర్పడుతుంది. అయితే.. భారత సాఫ్ట్‌వేర్‌ ఇంజనీర్లకు ఎక్కువగా ఉద్యో గాలిచ్చే (ఈ హెచ్‌1బీ వీసాల ద్వారా) సిలికాన్‌ వ్యాలీ కంపెనీలు మాత్రం తాజా నిర్ణ యంతో తమ దరఖాస్తులు ఆమోదం పొందేందుకు మరింత సమయం వేచిచూడక తప్పదు.
 
 భారత్‌కు ఆందోళన వద్దు: అమెరికా
 హెచ్‌1బీ వీసా బిల్లుపై భారతీయులు ఆందోళన చెందాల్సిన పనిలేదని.. వలసల విధానంలో సంస్కరణలు తీసుకొచ్చే ప్రయత్నంలో భాగంగానే ఈ బిల్లు పెట్టామని భారత ప్రభుత్వానికి అమెరికా భరోసా ఇచ్చింది. ఈ మేరకు అమెరికా పర్యటనలో ఉన్న భారత విదేశాంగ కార్యదర్శి జైశంకర్‌కు ఆ దేశ ఉన్నతాధికారులు హామీ ఇచ్చారు. ‘‘అమెరికా కంపెనీలను తిరిగి స్వదేశానికి తీసుకొచ్చేందుకు ట్రంప్‌ ప్రభుత్వం ప్రయత్నిస్తోంది. దీని ద్వారా వృద్ధి సాధించొచ్చని భావిస్తోంది. అందులో భాగంగానే ఈ మార్పులు తీసుకొస్తోంది. అధ్యక్షుడు ట్రంప్‌ తన ప్రసంగంలో ప్రతిభ ఆధారంగా ముందుకెళ్తామని చెప్పారు. అమెరికాలో భారత నైపుణ్యానికి ఉన్న గౌరవం గురించి అందరికీ తెలుసు’’ అని జైశంకర్‌ మీడియాకు చెప్పారు.
 
 భారతీయులే లక్ష్యంగా మరో బిల్లు..
 ‘అమెరికా ఫస్ట్‌’ నినాదంతో రోజుకో వివాదాస్పద నిర్ణయం తీసుకుంటున్న ట్రంప్‌ ఆలోచనలకు అనుగుణంగా యూఎస్‌ కాంగ్రెస్‌ ముందుకు మరో బిల్లు వచ్చింది. శనివారం సభలో హెచ్‌1బీ, ఎల్‌1 వీసాల సంస్కరణ బిల్లు–2017ను ప్రవేశపెట్టారు. నలుగురు అమెరికన్‌ చట్ట సభ్యుల బైపార్టిషన్‌ (డెమోక్రటిక్, రిపబ్లికన్‌ పార్టీల నుంచి చెరో ఇద్దరు) గ్రూపు ఈ బిల్లును ప్రవేశపెట్టింది. ఈ బిల్లు అమల్లోకి వస్తే యూఎస్‌లో నైపుణ్యం కలిగిన ఉద్యోగాల్లో ఎక్కువగా ఉన్న భారతీయులకు ఇబ్బందులు తప్పవు. హెచ్‌1బీ, ఎల్‌1 వీసాల చట్టాల్లోని లొసుగులను వినియోగించుకుని కంపెనీలు నిబంధనలు ఉల్లంఘిస్తున్నాయని.. వీటిలో సంస్కరణలను ప్రతిపాదిస్తూ కొత్త బిల్లు ప్రవేశపెట్టామని బైపార్టిషన్‌ బృందం వెల్లడించింది. ఇప్పటికే యూఎస్‌ కాంగ్రెస్‌ ముందు ఇదే లక్ష్యంతో రూపొందించిన పలు బిల్లులు పెండింగ్‌లో ఉన్నాయి.
 
 ఈ బిల్లు ఆమోదం పొందితే..
 యూఎస్‌ కాంగ్రెస్‌లో ప్రవేశపెట్టిన ఈ వీసాల సంస్కరణ బిల్లు ఆమోదం పొంది అధ్యక్షుడు ట్రంప్‌ సంతకం చేస్తే.. అమెరికాలోని కంపెనీలు విదేశీ ఉద్యోగులకు బదులుగా.. స్థానికులను చేర్చుకునేందుకు ఎక్కువ ప్రాధాన్యం ఇవ్వాల్సి ఉంటుంది. తప్పనిసరైతేనే.. అదీ తక్కువ సంఖ్యలో విదేశీయులకు (అదీ హెచ్‌1బీ, ఎల్‌1 వీసాలున్నవారికే) అవకాశం ఇవ్వాలి. హెచ్‌1బీ, ఎల్‌1 వీసాలు పొందిన ఉద్యోగులతో స్థానికుల స్థానాలను భర్తీ చేయటం పూర్తిగా నిషేధం. దీంతోపాటుగా హెచ్‌1బీ, ఎల్‌1 వీసా ఉన్న ఉద్యోగుల వేతనాల్లో పెరుగుదలకు ఆస్కారం ఉంటుంది. అమెరికా ఉద్యోగుల హక్కులను కాపాడటంలో ఈ కంపెనీలు ప్రాధాన్యం ఇవ్వాలి. ‘హెచ్‌1బీ వీసాల్లోని లొసుగులను దుర్వినియోగం చేస్తున్నందునే సంస్కరణలను ప్రతిపాదించాం. వలసదారుడి కుమారుడిగా ఈ దేశ ఆర్థికవ్యవస్థ బలోపేతంలో వలసవాదుల శక్తేంటో నాకు తెలుసు. అందుకే విదేశీ ఉద్యోగులు తక్కువవేతనాలకు పనిచేయటాన్ని మేం అంగీకరించం. అలాగని అమెరికా ఉద్యోగుల అవకాశాలు కొల్లగొట్టడాన్ని ఒప్పుకోలేం’ అని బిల్లు ప్రవేశపెట్టిన నలుగురు సభ్యుల బృందంలోని ప్రవాస భారతీయుడు ఆర్‌వో ఖన్నా వెల్లడించారు.