సాక్షి, హైదరాబాద్: శంషాబాద్ అంతర్జాతీయ విమానాశ్రయం నుంచి రాకపోకలు సాగించే ప్రీపెయిడ్ క్యాబ్స్‌చార్జీలను సవరిస్తూ ప్రభుత్వం శుక్రవారం జీవో వెలువరించింది. పెరిగిన ధరలు, డ్రైవర్ల జీతభత్యాలు, విడిభాగాల ఖర్చులు, తదితర నిర్వహణ భారాలను దృష్టిలో ఉంచుకొని చార్జీలను స్వల్పంగా పెంచినట్లు రవాణాశాఖ ప్రిన్సిపల్ సెక్రెటరీ సునీల్‌శర్మ తెలిపారు. కొత్తగా సవరించిన చార్జీల ప్రకారం పగటిపూట కిలోమీటర్‌కు రూ.17, రాత్రిపూట రూ.20 చొప్పున చార్జి ఉంటుంది.
 
 ఈ చార్జీలకు రూ.30లు అదనంగా సర్వీస్ చార్జి చెల్లించాలి.  క్యాబ్స్ 8 ఏళ్లలోపువై ఉండాలి. 1000 సీసీ కెపాసిటీ కంటే ఎక్కువ సామర్ధ్యం కలిగి ఉండాలి. లగేజీపైన రూ.20 కంటే ఎక్కువ తీసుకోకూడదు. క్యాబ్ డ్రైవర్లు తెల్లని యూనిఫామ్ ధరిం చాలి. మాతృభాషతోపాటు ఇంగ్లిష్‌లో మాట్లాడగలగాలి. డ్రైవింగ్ లెసైన్స్, పర్మిట్ వివరాలను  కార్ల లో ప్రదర్శించాలి. బీఎస్‌ఎన్‌ఎల్ టోల్‌ఫ్రీ నంబర్ ‘1074’ కారుకు నాలుగువైపులా ప్రదర్శించాలి.  ‘ప్రీపెయిడ్ ట్యాక్సీ’ అనే బోర్డు  ఏర్పాటు చేయాలి. ఈ క్యాబ్‌లలో 50 శాతం.. విమానాశ్రయ నిర్మా ణంలో భూములు కోల్పోయిన నిర్వాసితులవై ఉండాలి.  మిగతా 50 శాతంలో ఎస్సీ, ఎస్టీ, బీసీ, మహిళా రిజర్వేషన్లు పాటించాలి.


 సాక్షి, సిటీబ్యూరో: శంషాబాద్ అంతర్జాతీయ విమానాశ్రయం నుంచి రాకపోకలు సాగించే ప్ర యాణికులపై భారీగా భారం పడనుంది. ప్ర యాణికులను చేరవేసే ప్రీపెయిడ్ క్యాబ్స్ చా ర్జీలు పెరిగాయి. ఇవి వెంటనే అమల్లోకి రానున్నాయి. పోలీసులు, ఎయిర్‌పోర్ట్ అథారిటీ సం యుక్తంగా నిర్వహించే ప్రీపెయిడ్  బూత్‌ల ద్వా రా ఈ ట్యాక్సీలను ఏర్పాటు చేస్తారు. చార్జీల పెంపుతో పాటు ప్రీపెయిడ్ బూత్‌ల నిర్వహణ పేరుతో మరో రూ.30 మేర భారం మోపుతూ రవాణాశాఖ ఉత్తర్వులను విడుదల చేసింది.
  
  ట్యాక్సీలు ఈ నిబంధనలు పాటించాలి
      
  ట్యాక్సీ 8 ఏళ్లకు మించినదై ఉండరాదు
      
  వాహన సామర్థ్యం 1000 సీసీ, అంత కంటే ఎక్కువ ఉండవచ్చు
      
  ట్యాక్సీలను ఎయిర్‌పోర్టులోని ట్రాఫిక్ పోలీసులు నిర్ధేశించిన చోటనే నిలపాలి
      
  లగేజీ బ్యాగులపైన రూ.20 చొప్పున చార్జీ
      
  డ్రైవర్లు ప్రయాణికులను గమ్యానికి చేర్చాక విధిగా వారి సంతకం తీసుకోవాలి. దాన్ని ప్రీపెయిడ్ కౌంటర్‌లో అందజేయాలి
      
  ట్యాక్సీడ్రైవర్లు తెల్లటి యూనిఫామ్ ధరించాలి. ఆంగ్ల భాషా పరిజ్ఞానం తప్పనిసరి
      
  డాష్‌బోర్డుపై లెసైన్స్, పర్మిట్, ట్యాక్సీ డ్రైవర్ గుర్తింపు కార్డు విధిగా ఉండాలి
      
  ప్రయాణికులకు అసౌకర్యం కలిగితే ఫిర్యాదు చేసేందుకు వాహనం నలువైపులా బీఎస్‌ఎన్‌ఎల్ టోల్‌ఫ్రీ నెంబర్ 1074 రాయాలి
      
  ‘ప్రీపెయిడ్ ట్యాక్సీ’ బోర్డును రాత్రి వేళల్లోనూ కనిపించేలా ఏర్పాటు చేయాలి.