మూడు... మూడు... మూడు... సుమారు రూ.500 కోట్ల బడ్జెట్‌తో తెరకెక్కనున్న నయా రామాయణం సినిమా మూడు చుట్టూ తిరుగుతోంది. తెలుగు, తమిళ, హిందీ... మూడు భాషల్లో మూడు భాగాలుగా త్రీడీలో రామాయణాన్ని ప్రేక్షకుల ముందుకు తీసుకురానున్నారు. తెలుగు నిర్మాత అల్లు అరవింద్, హిందీ నిర్మాత మధు మంతెన, విజువల్‌ ఎఫెక్ట్స్‌ కంపెనీ ‘ప్రైమ్‌ ఫోకస్‌’ అధినేత నమిత్‌ మల్హోత్రా... ఈ చిత్రానికి ఈ ముగ్గురూ నిర్మాతలు. అక్టోబర్‌లో లేదా నవంబర్‌లో చిత్రీకరణ ప్రారంభం అవుతుందట.