శ్రీకాకుళం : శ్రీకాకుళం జిల్లా వజ్రపుకొత్తూరు మండలం పూండి రైల్వే స్టేషన్‌లో గూడ్స్ రైలు ఇంజిన్‌లో  గురువారం అగ్ని ప్రమాదం సంభవించింది. పలాస నుంచి విశాఖ వైపు బొగ్గుతో వెళ్తున్న రైలు స్టేషన్‌లో ఆగి ఉండగా ఈ ఘటన చోటు చేసుకుంది. రైలింజన్‌లోని ట్రాన్స్‌ఫార్మర్‌లో మంటలు రేగటంతో ఈ ప్రమాదం చోటు చేసుకుంది. వెంటనే సిబ్బంది అప్రమత్తమై మంటలను అదుపులోకి తెచ్చారు. ఇంజిన్ కాలిపోవడంతో రూ.30 లక్షల మేర నష్టం జరిగిందని అధికారులు తెలిపారు. అధికారులు ఘటనపై విచారణ చేపట్టారు.
 (వజ్రపుకొత్తూరు)