ఇదో వినూత్న హ్యాంగర్. దీని పేరు ప్యూర్ టవల్. మనం స్నానం చేసి.. తుడుచుకున్న తర్వాత టవల్‌ను ఈ హ్యాంగర్‌కు తగిలిస్తే చాలు.. సెకన్లలో శుభ్రపరిచేస్తుంది. ఇందులో ఉండే అల్ట్రా వయలెట్ కిరణాలు బ్యాక్టీరియాను చంపేసి.. టవల్‌ను శుభ్రపరుస్తాయి. అంతేకాదు.. ఇందులో ఉండే హైస్పీడ్ డ్రయర్ వెంటనే దీన్ని అరబెట్టేస్తుంది. ఇందుకు పట్టే సమయం 10 సెకన్లే! ఈ డిజైన్‌ను మెక్సికోకు చెందిన లియోబార్డో అర్మెంటా రూపొందించారు. ఎలక్ట్రోలక్స్ డిజైన్ ల్యాబ్ అవార్డు-2014కు పోటీ పడుతున్న డిజైన్లలో ప్యూర్ టవల్ కూడా ఒకటి.