ఈ మధ్యకాలంలో వచ్చిన సూపర్ హిట్ ఐటమ్ సాంగ్స్‌లో ‘పువ్వాయ్ పువ్వాయ్...’ ఒకటి. మహేష్‌బాబు నటించిన ‘దూకుడు’లోని ఈ పాటకు తనతో పాటు పార్వతి మెల్టన్ కాలు కదిపిన విషయం తెలిసిందే. ఇప్పుడు ఇదే పాటకు కన్నడంలో నీతుచంద్ర డాన్స్ చేస్తున్నారు. పునీత్ రాజ్‌కుమార్ హీరోగా కన్నడంలో ‘దూకుడు’ రీమేక్ అవుతోంది. ఈ చిత్రంలో త్రిష కథానాయికగా నటిస్తున్నారు. ప్రత్యేక పాటలో నీతూ నర్తిస్తున్నారు. ఇటీవలే పునీత్, నీతు పాల్గొనగా ఈ పాట చిత్రీకరణ ప్రారంభించారు. గణేష్ మాస్టర్ నృత్యదర్శకత్వంలో ఈ పాట చిత్రీకరణ జరుగుతోందని, స్టెప్స్ చాలా ఆసక్తికరంగా ఉన్నాయని నీతూ పేర్కొన్నారు. ఈ ట్యూన్ చాలా పెప్పీగా ఉందని కూడా తెలిపారామె.