చేవెళ్ల, న్యూస్‌లైన్: తెలంగాణ రాష్ట్రం అన్ని రంగాల్లో అభివృద్ధి చెందాలంటే కాంగ్రెస్ పార్టీ అధికారంలోకి రావాల్సిన అవసరం ఎంతైనా ఉందని జిల్లా కాంగ్రెస్ కమిటీ అధ్యక్షుడు పి.వెంకటస్వామి పేర్కొన్నారు. శుక్రవారం మండల కేంద్రానికి చెందిన కె. మల్లారెడ్డి ఆధ్వర్యంలో శుక్రవారం 50 మంది యువకులు పలు పార్టీలనుంచి కాంగ్రెస్‌లో చేరారు. ఈ సందర్భంగా వెంకటస్వామి మాట్లాడుతూ.. ఆరు దశాబ్దాల కల నెరవేర్చిన సోనియాగాంధీ నాయకత్వంలోని కాంగ్రెస్ పార్టీ వైపు ప్రజలు మొగ్గు చూపుతున్నారన్నారు. కాంగ్రెస్ పార్టీ అభ్యర్థుల గెలుపునకు యువజన కాంగ్రెస్ నాయకులు కృషిచేయాలన్నారు. అసెంబ్లీ అభ్యర్థి కాలె యాదయ్య మాట్లాడుతూ.. ఎన్నికల సమయం సమీపిస్తున్నందునా ప్రచారం విస్తృతం చేయాలని కార్యకర్తలను కోరారు.
 
   జిల్లాలోని రెండు పార్లమెంటు, 14 అసెంబ్లీ స్థానాలను కాంగ్రెస్ కైవసం చేసుకుంటుందని ధీమా వ్యక్తం చేశారు. కార్యక్రమంలో డీసీసీబీ డెరైక్టర్ ఎస్.బల్వంత్‌రెడ్డి, మండల అధ్యక్షుడు ఎం.రమణారెడ్డి, ఉపాధ్యక్షుడు జి.చంద్రశేఖర్‌రెడ్డి, మార్కెట్ చైర్మన్ ఎం.వెంకటేశంగుప్త,  వైస్‌చైర్మన్ పి.గోపాల్‌రెడ్డి, మాజీ జెడ్పీటీసీ ఎం.బాల్‌రాజ్, మాజీ ఎంపీపీ విజయభాస్కర్‌రెడ్డి, నాయకులు శివానందం, జి.రవికాంత్‌రెడ్డి, ఎం.యాదగిరి, నర్సింహులు, సాగర్‌రెడ్డి, సందీప్‌రెడ్డి, రాఘవేందర్‌రెడ్డి, గోపాల్‌రెడ్డి తదితరులున్నారు.


 చేవెళ్ల, న్యూస్‌లైన్ :  త్వరలో జరుగనున్న ప్రాదేశిక, సార్వత్రిక ఎన్నికల్లో కాంగ్రెస్ పార్టీని గెలిపిస్తేనే మరింత అభివృద్ధి సాధ్యమవుతుందని ఆ పార్టీ ఎస్సీ సెల్ కన్వీనర్ పి.వెంకటస్వామి పేర్కొన్నారు. ప్రాదేశిక ఎన్నికల ప్రచారంలో భాగంగా ఆదివారం చేవెళ్ల మండల కేంద్రంలో కాంగ్రెస్ పార్టీ నిర్వహించిన ర్యాలీలో ఆయన పాల్గొన్నారు.
  
 చేవెళ్లలోని రెండు ఎంపీటీసీ స్థానాలలో కాంగ్రెస్ తరఫున పోటీచేస్తున్న కె.పోచమ్మ, టేకులపల్లి శివరంజనిశ్రీను, జెడ్పీటీసీ అభ్యర్థి సుచితలను గెలిపించాలని కోరుతూ ఇంటింటికీ ప్రచారం నిర్వహించారు. ఈ సందర్భంగా వెంకటస్వామి మాట్లాడుతూ దేశం సుస్థిరంగా ఉండాలంటే కేంద్రంలో, రాష్ట్రంలో, స్థానిక సంస్థల ఎన్నికల్లోనూ కాంగ్రెస్‌కు పట్టం కట్టాలని కోరారు.
  
 డీసీసీబీ వైస్ చైర్మన్ పి.కృష్ణారెడ్డి, డెరైక్టర్ ఎస్.బల్వంత్‌రెడ్డి, మార్కెట్ కమిటీ చైర్మన్ ఎం.వెంకటేశంగుప్త, వైస్ చైర్మన్ పి.గోపాల్‌రెడ్డి, జెడ్పీటీసీ మాజీ సభ్యుడు ఎం.బాల్‌రాజ్, మాజీ ఎంపీపీ విజయభాస్కర్‌రెడ్డి తదితరులు మాట్లాడుతూ కాంగ్రెస్ పార్టీ హయాంలోనే స్థానిక సంస్థలు బలోపేతమయ్యాయని గుర్తుచేశారు. కార్యక్రమంలో నాయకులు జి.రవికాంత్‌రెడ్డి, ఎం.యాదగిరి, జి.చంద్రశేఖర్‌రెడ్డి, శివానందం, డి.శ్రీధర్‌రెడ్డి, జి.సత్తిరెడ్డి, ఎం.వెంకటేశ్, టేకులపల్లి శ్రీను, కొజ్జెంకి శ్రీను, కె.బుచ్చిరెడ్డి, మాధవరెడ్డి, బి.విఠలయ్య తదితరులున్నారు.