న్యూఢిల్లీ: ప్రధాని మోదీ నెలవారీ ఆకాశవాణి కార్యక్రమం ‘మనసులో మాట(మన్‌కీ బాత్‌)’ ప్రసంగాల సంకలనంతో రాసిన పుస్తకాన్ని కేంద్ర గిరిజన వ్యవహారాల మంత్రి జువల్‌ ఓరం బుధవారం ఇక్కడ ప్రపంచ పుస్తక ప్రదర్శనలో ఆవిష్కరించారు. ఆకాశవాణిలో 2014 అక్టోబర్‌ 3 నుంచి 2016 నవంబర్‌ 27 వరకు ప్రసారమైన అన్ని ఎపిసోడ్‌లను యూపీలోని ఫైజాబాద్‌కు చెందిన 29 ఏళ్ల పరిశోధనా విద్యార్థి రాజీవ్‌ గుప్తా ఈ పుస్తకంలో పొందుపరిచారు.
 
 ప్రధాని ప్రసంగా పుస్తక రూపంలో ‘మన్‌కీ బాత్‌’  లను రాతపూర్వకంగా నమోదుచేసిన గుప్తాను మంత్రి ఈ సందర్భంగా ప్రశంసించారు. ‘మన్‌కీ బాత్‌ ఎపిసోడ్‌లు యూట్యూబ్, దూరదర్శన్‌ వెబ్‌సైట్లలో అందుబాటులో ఉన్నా ,ప్రజలు తీరిక సమయంలో చదివేలా వాటిని పుస్తకరూపంలో తీసుకురావడం ఆహ్వానించదగినది’ అని ఓరం అన్నారు.